[شمعة بلا فتيل]

السلام عليكم ورحمة الله وبركاته..


شباب انا حبيت اقولكم انه فيه وكيل ثاني لتويوتا غير عبداللطيف جميل.....

اللي هو "البازعي"

طبعا انا رحت له فقال لي ان عبداللطيف جميل يجيب السيارات وهي فاضيه تقريبا ويركب فيها بعض

الاشياء صناعتها تكون صينيه...

اما البازعي على حسب كلامه يقول... انهم يجيبونها كما هي ...

وسألته عن الافالون فقال لي: انها عندهم مواصفات (خليجيه) "يعني من دون حساسات... وعلى

مااعتقد من دون ستاره خلفيه"

اما عبداللطيف جميل فمواصفاته "سعوديه"...

وعندهم برضو اللكزس Es350 اللي موديله 2008 سعره 146 الف ر.س "طبعا انا سألت عن اللي سقفه بانوراما"
اما عبداللطيف جميل يبيعه يسعر 159 الف ر.س ......


يعني الفرق 13 ألف ر.س...

والله من جد قهر.. مع العلم انهم نفس المواصفات بالنسبه للكزس على كلام الموظف..

وتقبلوا تحياتي

[ولد^الديرة]

هلا اخوي الله يعطيك العااافيه .. بس ودنا نعرف هل البازعي الخليجيه فيها شاشه ملاحه ... اذا مافيه يكون عبداللطيف جميل احسن لانه مركب ستاره و مايك للتلفون فوق الدركسون وحساسات ..

[أبو ريان]

كلام موظفين البازعي بالنسبة للأفلون غلط للأسف

وشلون يجيبها مفككه ؟؟!!

كلام مغلوط ... وجميل ما يركب إلا الحساسات فقط

والباقي كله وكالة

[م.أنس]

كلام تسويقي وترويجي بحت ..

[أفالون وبس]

تمنيت ان البازعي يكون منافس لأبو جميل

لكن مرة سمعت من رجل اعمال ان الشركات بدل ماتتنافس من جد

تتعاون بشكل خفي وتظهر للعملاء انهم متنافسين

زي الأتصالات وموبايلي



لكن حقيقة سعر اللكزس اي اس 350 ب145 سعر غريب ومايدخل العقل

الا اذا كان ترويجي بعد

ولو كان حقيقة فشئ غريب بعد ^_^


وشكرا لك اخوي شمعة

[ابوفيصل]

عزيزي شمعة بلا فتيل

بانسبة لاضافات عبداللطيف جميل على الافالون فهي حاجتين فقط لاغير

1- الحساست الامامية والخلفية

2- البلوتوث

اما الستارة فهي شد بلد مية في المية حتى وان كانت غير موجودة لدى بعض الوكلاء الاخرين

وهذا الشي انا متأكد منه والدليل على ان الستارة الخلفية شد بلد

اولا ان تعليمات فتح واغلاق الستارة موجودة في دليل المالك اللي جاي مع السيارة من الشركة

ثانيا ان الستارة الخلفية غير متوفرة ابدا في قسم الاكسسوارات وانما يتم طلبها من قطع الغيار الاصلية

ثالثا الستارة الخلفية جات مع السيارة من موديل 2005 عكس الحساست اللي تم تركيبها موديل 2006

[شمعة بلا فتيل]

اشكركم اخواني على المرور...

[شمعة بلا فتيل]

المشاركة الأصلية كتبت بواسطة ولد^الديرة

هلا اخوي الله يعطيك العااافيه .. بس ودنا نعرف هل البازعي الخليجيه فيها شاشه ملاحه ... اذا مافيه يكون عبداللطيف جميل احسن لانه مركب ستاره و مايك للتلفون فوق الدركسون وحساسات ..

لا اخوي مافيها نظام ملاحه...

مثل ماتنزل بباقي دول الخليج...

[شمعة بلا فتيل]

المشاركة الأصلية كتبت بواسطة أفالون وبس

تمنيت ان البازعي يكون منافس لأبو جميل

لكن مرة سمعت من رجل اعمال ان الشركات بدل ماتتنافس من جد

تتعاون بشكل خفي وتظهر للعملاء انهم متنافسين

زي الأتصالات وموبايلي



لكن حقيقة سعر اللكزس اي اس 350 ب145 سعر غريب ومايدخل العقل
الا اذا كان ترويجي بعد

ولو كان حقيقة فشئ غريب بعد ^_^


وشكرا لك اخوي شمعة

هذا اللي حصل اخوي انا جيت للوكاله سألت عن الافالون وعن اللكزس وقال لي اللكزس سعره بالبانوراما
146 ألف ....

ممكن هو فهمني غلط "جايز" بس انا لو حصلتلي اقرب فرصه ابروح له مره ثانيه واتأكد....