[رومنسية البدر]

السلام عليكم ورحمة الله وبركاته ..
أخواني .. اتوقع مافي أحد فيكم ماقرى موضوع الأخت بنت الخران اللي تكلمت فيه عن شاشة الملاحة اللي نزلت عند الفطيم في الامارات وبسعر 30 الف درهم ..

موضوع الاخت بنت الخران على هذا الرابط ..
نزوول النفيقيشن للافلون فى الامارات

طبعا .. موضوع آخر .. كلكم تعرفون أن اللكزس ES350 نزلت بسقف بنورامي لمديل 2008
وهذا يشفع للأفالون لكي تنزل بشاشة ملاحة .. أي أنه سوف يكون هناك فارق في المواصفات .. وهو السقف ..

ثانيا .. بما أن الشاشه نزلت في الامارات .. فإنها اكيد بتنزل في جميع دول الخليج .. وهذا أكبر دليل على أن الأفالون مديل 2008 سوف تنزل بشاشة ملاحظة إن شاء الله ..

واذكر قبل فتره رحت لوكالة الساير .. قسم الإكسسوارات .. وسألتهم عن الشاشه .. قالوا غير متوفره .. شوف قطع الغيار .. رحت لقطع الغيار وسألتهم .. قالي الموظف .. هل الشاشة متوفره على الأفالون داخل المعرض .. قلت لا .. قال إذا ماهي متوفره عندنا ..
وأذكر إنه قالي جميع القطع اللي تنزل على السياره .. وحسب المواصفات .. لابد أنها تكون موجوده عندنا ..

هذي وجهت نظري .. فما هي تعليقاتكم ...؟

[الغريب11]

لاتعليق !!!!!!!!!!!!!!!!!!!!

[رومنسية البدر]

المشاركة الأصلية كتبت بواسطة الغريب11

لاتعليق !!!!!!!!!!!!!!!!!!!!

طيب مافي كلمه شكر او شي حلو .؟

[الشريف المهند]

يارب تكون الشاشه موجوده

[مجنون الأفالون]

هلا أخوي رومانسية البدر

كيف حالك إن شاء الله بخير


بالنسبة لموضوعك .. انت صادق بكل كلمة قلتها

انا بنفسي رحت لأكسسوارات شركة أبو جميل وسألتهم إذا نزلت شاشة ملاحه على الأفالون 2008 هل تكون قطع الشاشة وتركبيها متوفرة

جاوبني المهندس : طبعا راح تكون متواجده وسعرها راح يكون جدا عادي قرابة 5000 ريال

واذا كانت متواجده في صالات العرض خلال نزول الأفالون 2008 ووجود شاشة الملاحه

شي طبيعي راح تكون متوفرة القطع اللازمة والنظام الكامل للملاحة ويتم تركبيها مع وجود الضمان


تحياتي لك

[سفاري الكويت]

انا شفت برادو بشاشه عند الجمعية
بس افالون ....حضرتك عارف الموظفين اللي بالساير حدهم اسوار المعرض فقط
ما يدرون الهو دارهم

[الإمـــارات]

مرحب والله بالعضو العزيز
بس انا سائل في وكالة الفطيم وخبرني 20000 درهم مع التركيب.
أخوووووكم الامارات

[أفالون وبس]

اتمنى هذا الشئ

واتمنى من وكلاء تويوتا إعطاء حق كل سيارة من تويوتا لكي ترتقي أكثر

ياجماعة الخير بوجود الملاحة في اللكزس

مو معنى ان سيارات تويوتا وبالأخص الأفالون تكون مواصفاتها مقصوفة

ايش الي بيغطي سوق اللكزس ايش المسخرة هذه ؟؟؟

الوكيل معطي اللكزس للمتميزين مب احنا ملاك تويوتا الي الطبقة العامة

هذا هو السبــــــــــــــــــــــــــــــــــــــــــــــ ـــــــــــــــــــــــــــــــب الأول والأخير

عشان شعار

والله تحسفت يوم سمعت واحد هنا في المنتدى يقول ان الآي إس ماخذوها الا عشان الملاحة وبسعر بسيط


ياوكالة كبروا عقووووووووووووووووووووووووولكم

في ناس تشتري بيئم وبدون ملاحة حتى كالفئة الثالثة والخامسة الأقل موديل

ولاااااااااااااااااااااااااااحد قال شئ ولاسووا حاجة

لكن هنا الأفالون لاملاحة ولايحزنون والله لو يسوون الوكالة 10 فئات للأفالون تبقى بدون ملاحة

عندي كلام كثير ولن اخجل من أحد ولن أخشى مهما كان لو موظف او مدير

لكن لأجل المنتدى ماودي نسوي حلبة تصادم

( حد يعرف ديستركشين ديربي الي في البلاي ستايشن الأول ^_~ ? )

وشكرا لك اخوي رومنسي

[الأسد المتوحش]

مشكور اخوي الكريم

لكن ثقو ثقه تامه انها لن تأتي بملاحة ربما في الموديلات القادمة 2009 أو 2010

[أفالون وبس]

^^^

^^

^

من يعلم

[ابوفيصل]

الله يعطيك العافية بوعبدالله

مثل ما اتفضلت انه هذا القضية تم مناقشتها في موضوع اخوي احمد ( مجنون الافالون )

وعبرت فيها عن رأي المتواضع بالتفصيل وبالتحليل ولا زلت استبعد نزول الافالون بشاشة ملاحة

رغم اني اتمنى هذا الشي يصير حتى يتم انصاف الافالون واعطائها قيمتها ومكانتها الحقيقة

واعتقد اهل عمان حاليا هم اللي قادرين يعطونا الخبر الاكيد حول هذا الموضوع لانها نزلت عندهم

تحياتي لك بوعبدالله

ولك خالص التقدير والمودة

[محمد افالون]

الله يعطيك العافية

[أفالون خاص]

والله كلنا نتمنى الأفضل للأفالون وعلى الأقل تكون الشاشة اختيارية

لكن شخصياً ما أتوقع انها تنزل لأن في صور الأفالون 2008 اللي نزلت في عمان كانت بدون بلوتوث أصلي ومسجلها نفس 2007 بدون MP3 و بدون زر Aux (الخاص بمدخل الآيبود) وهذا وهي إضافات بسيطة ما طلبوها فما بالك بالملاحة

مع خالص التحية

[رومنسية البدر]

ماقصرتوا ياشباب .. كفيتوا و وفيتوا ..
تحيتي لك اخوي مجنون الأفالون ومشرفنا الغالي ابو فيصل وباقي الأعضاء الكرام
وحماس رائع منك اخوي افالون وبس

[عاشق منصور]

مستحل أن تجي الأفالون موديل 2008 بشاشة ملاحه خذوها مني 100%


مع خالص شكري وتقديري.....

[متعب الليل]

المشاركة الأصلية كتبت بواسطة عاشق منصور

مستحل أن تجي الأفالون موديل 2008 بشاشة ملاحه خذوها مني 100%


مع خالص شكري وتقديري.....

السلام عليكم

نفس كلام أخوي عاشق

وحتى لو نزلت كأكسسوار ( مادامها في الامارات بـ 30 الف كم بتكون عندنا تتوقعون أقل من السعر هذا مستحيل )

الا اذا اعطينا الموضوع شوية وقت وصار فيها تنافس بين الوكالات في دول الخليج وأيضا ( قل) الطلب عليها (وزاد) العرض في محلات قطع الغيار
وقتها نقول ان شاء الله تنزل سعرها

أخوكم
متعب