[خالد الموسى]

بسم الله الرحمن الرحيم
السلام عليكم ورحمة الله وبركاته
وكل عام وأنتم بخير باشباب
يالربع ودي اطعس بس ماني عارف أوخائف من التغريز ممكن ياشباب شرح يفيدني من اهل الخبره مشكورين
من ناحية الهواء احطها كم وهل اشبدك الدبل الخفيف ولا الثقيل والقير على رقم كم دي ولا 2 وال طبعا القير تماتيك والدبل الخفبف زر
مشكورين ياشباب
تقبلوا تقديري وأحترامي

[امبراطور الهدد]

هذا موضوع يفيدك واذا محتاج شي انا حاضر

اللي يعرف يطعس مبروك ،،، اللي مايعرف _ يتفضل _

[عبدالعزيز السيد]

شوف اول شي تنسم على التواير على ضغط 20 او 18
بعدين تشغل الدبل الصغير
اذا غرزت السيارة شغل الدبل الكبير وارجع بالسيارة للخلف
ولا تنسى عقب ما اتخلص تغسل السيارة من الاسفل علشان الرمال تحت السيارة

[شحبار]

احفظ حلالك اللي عن الناس يغنيك

[خالد الموسى]

شكرا ياشباب الله يعطيكم العافيه على المعلووووووووووومات المفيده واخص بالشكر امبراطور الهدد
تقبلوا تقديري واحترامي

[ابودايخ]

ان شاء الله الشباب يفيدونك

[ولدالدوحه]

اخوي طبعاً هالمعلومات للتمشي على الرمل بس لازم تنسم هوه التواير في حدود 15 عشان تريح السيارة في المشي على الرمل وتشغل الدبل الخفيف ولا تستعمل الدبل الكبير الا في التغريز . وبالنسبة حق القير اذا بتركب مرتفع حطه على ال L او ال 2 على حسب السنه عشان يحكر وبعدين تبدل وترى الوتماتيك لو حطيته على ال D يحكر ويبدل بنفسه . ارجو اني فدتك .

[ترااااااااااا]

انا أفضل أنه يكون الهواء على 10 تكون السيارة مرتاحه جدا وكأنك تمشي على السفلت


واذا غرزت ولا طلع الموتر عليك باتنسيم لو ما يبقى في الهواء إلى خمسه

وشكرا

[الخبـيـر]

هلا اخوي

معك سياره ممتازه للطعوس ما شاء الله

اول خطوه انك تنسم الكفرات بما انك جديد عن التطعيس تحطها على مقاس 15

وشغل الدبل الصغير ولا ترفع رجلك عن الدعسه ابد علشان ما يغرز واذا غرز لا تهتهم شغل الدبل الثقيل وعلى طول يطلع

ومع الممارسه راح تتعلم

[خالد الموسى]

ابو دايخ
ولد الدوحه
تراااااااا
الخبير
الف الف شكرا على المعلوووووووومات الله لايهينكم جميعا
تقبلوا احترامي

[بات مان]

اخوي التطعيس وربي مو فايدك يعني تخرب سيارتك على التطعيس والله حرام


تحــــــــــــــــــــــــياتي لك

[حسونه]

ما شاء الله عليكم يا شباب
بالنسبة للقير التماتيك ترى لك عليه بالرملة

[خالد الموسى]

مشكووووووووووووورين ياشباب على النصائح اليمه
جزاكم الله خير

[عاشـــق اللاند]

من غير تنسيم روح بدل توايرك خلهم بالون واتحداك تغرز

وبالنسبه للدبل لاتجيه الا اذا غرزت ومايحتاج تدعس بالتغاريز خل دوستك خفيفه علشان التاير مايلف ويغرز

[ابوتع]

الشباب كفو ووفو بس اذا بتوقف لاتدعس فرامل خله يوقف من نفسه

[كلتش ريس]

ما يبيله شي التطعيس

بس حاسب من القصات لا تطيح من فوق طعس الله لايقول

نسم هواء الكفرات وادعس له حتى لو موترك بدون دبل

بس ارفس له ولا تخلي الموتر يخثر عليك على الطعوس خلك على ال1 وال2

ولما ان ترقى طعس ادبل ريسات علشان تكون طلعتك اقوى بدون تحفير

واذا شفت ان الموتر بدى يخثر رده نمره وحاول انك تكسر له يمين يسار على طول

وحاسب من الرباظ لانه بيمسك موترك

خذ معاك

كيس هواء الي يرفع الموتر من التغاريز للاحتياط

واتمنى لك دوام الاستمتاع بالتطعيس والمناظر الخلابه بالطعوس

تحياتي

تحياتي

[عاشق الصالون]

حفظ حلالك اللي عن الناس يغنيك