[برق السما]

يا اخوان هدوا بالكم واذكروا الله
ما في داعي للتجريح في بعض
الرجاء أن يكون الموضوع مستندا إلى أدله علمية صحيحة ومثبتة

[ابوصالح]

اول مانزل فرحان وانا افلل السياره ب 24 بس وقبل كنت افللها ب 33 يعني موفر تسعه ريال ومبسوط واعزم اخوياي على كوفي من هالتوفير لكن مع مرور الوقت حسيت ان مافيه فرق تعبي من 95 تمشي اكثر واريح للمكينه والالتيما اعبيها 95 ولافكرت اني اخذ ابو 91 ومثل ماذكرت الكدادين مايستخدمون الا هو وهذا ملاحظ

[الـــراقـــي]

افالون وبس العذر والسموحه يااخوي والتوقيع لعيونك الحين اشيله
كل شي ولا الافالونيين


المشكله ماحصلت موقع يحمل الصور صغيره

[خفايا انسان]

انا نفس الشئ من نزل هذا البنزين وانا اعبئ في الكورولا ومافيه مشكلة غير صرفيته

[محمد بن ناصر]

انا معي كامري 2007 اعبي اوكتان 91 ويمشيني نفس مشي اوكتان95 بلا وسوسه انت وياهـ

[الديحـاني]

وبـــــ 95 ــــــس

[اسماعيل السم]

يسلمووووووووووووووووووو

[المنسق]

انا موظف ارامكو

وارامكو ماتعبي سياراتها الا 91

واي واحد يقرأ ارشادات ارامكو بخصوص 91 و 95 كاتبين عن الفرقعه ومدى ملائمه الاوكتين (يعني انت تحكم)

وبالنسبه للدعايه شرايكم 95 قديم و 91 هو الجديد

انا معكم في سيارات ما يناسبها 91 بس علميا لايوجد عيب في 91

والاخ الي يقولي في دول عندها 101 وانا اقولك في دول عربيه بنزينها 87 ؟

اخوي غامد العز بيض الله وجهك وهذه الردود العلميه وبس

[المنسق]

المشاركة الأصلية كتبت بواسطة الديحـاني

وبـــــ 95 ــــــس

vxr مكتوب في كاتلوجه 95

وش الجديد انك تقول 95 وبس

[عـمـر]

المشاركة الأصلية كتبت بواسطة واحد غير

مشكور اخوي بس انا اعبي 91 للكورلا 2007 مافي ضرر ولا بتخربها

تحياتي لكم

وانا بعد عندي في الكاتلوج مكتوب 91

وانا اعبي سيارتي بـ 91

يعني اعبي 95 ؟ والله ما عرفنا لكم

انا ابمشي على الكاتلوج وبس ، اللي صنع سيارتي هو ابخص من الجميع

الكاتلوج قال 91 ـ اعبي 91 وبس

تحيتي للجميع

[العتيبي 511]

ياخوان انا اعبي 91 مع سيارتي ولا فيه صوت في المكينة ولا قل العزم

[كامري فضيه]

ولد عمي عنده سييرا 2006 اول ماشرى السياره عبئ بنزين 95 وجلس عليه خمس اسابيع وبعدين قال ابوه غير البنزين خله 91 احسن وبعد ثلاث ايام خربت طرمبة البنزين وغيره على الضمان واللحين على بنزين 91 والحمد االله الحين ماشي 60.000

[البررررق]

المشاركة الأصلية كتبت بواسطة العتيبي 511

ياخوان انا اعبي 91 مع سيارتي ولا فيه صوت في المكينة ولا قل العزم

والله وانا شرحك يا 511 ومافي اي مشكله

[اسم مستعار]

يا أخواني للاعزاء
ترامكم جننتونا رسونا على بر 91 والا 95


وللمعلومية عندي كامري 2007 واول ما عبيت بتزين 95 وبعد فترة شهر تقريبا غيرت اعبي 91 والحقيقة ما فيه اي مشكلة الا مشكلة واحدة لاحظتها وهي صوت الماكينة تغير وصار عالي شوي وكان الماكينة ديزل ..... ارجوا منكم التوضيح على اساس علمي ... وفق الله الجميع لما يحبه ويرضاه

[أبو ريان]

أخي صاحب الموضوع

ياليتك بنيت كلامك على أسس علمية، أو على الاقل بحثت شوي عن الموضوع، لأن كلامك مغلوط الله يطول بعمرك

-----

أخوانا اللي متحيرين بين بانزين 91 أو 95

أقولهم ... أو شي شوفوا نوع المكينة حقت سيارتكم ( عادةً مختومه على المكينه ) وبعدها افتحوا الكاتلوج وابحثوا عن نوع البانزين الملائم لنوع المكينة

إذا مكتوب 91 .... حط 91 .... وإذا 95 .... حط 95

وللمعلومية ... إذا حطيت بانزين 91 على ماكينة 95 ... راح تطلع صوت عالي ويمكن تخبط

وإذا حطيت 95 في ماكينة 91 .... ما راح تحس بي فرق بتاتا...

ملاحظة ... بعض مكائن السيارات 95 (مثل الكاديلك) تتوفر فيها خاصية تشغيل المحرك على بانزين 91 لمسافات قصيرة ... وهذي للحالات الطارئة ... ومكتوبه في الكتلوج

[أبوسعــد]

مشكور يا كنـانـــــو على الموضوع,,,


انا استخدم بنزين 95 طبعاً قبلها كنت استخدم 91 وحصل صوت فرقعه وارتفع صوت السياره وقل
عزمها ومن هذا الكلام المهم غيرت للبنزين 95 والحمدلله السياره طبيعيه ياربي لك الحمد،،

لكن واحد من اخوياي معه النترا 2004 نوع بنزينها 91 طبعا الاخ راح عبى 95 وطلع له صووت فرقعه رجع لـ 91 وماعاد سمع الصوت...!!!


يعني في النهااااايه شوف الأنسب لك من خلال تجربتك

وأسف ع الإطآآلهـ,,,