[[ أبو علي ]]

- -

السلام عليكم

إخواني أنا في صدد شراء كامري 2008 .. ورحت وشفتها في الوكالة .. يوم فتحت الباب لقيت مكتوب على كرت الباب صنع في : شهر 6 من عام 2007 .. ؟!

وش رايكم .. هل هذا طبيعي في الـ 2008 .. ؟!

وهل تحقق فعلاً نزول 2008 من عدمه ؟

وهل يفرق في البيع ؟

آمل التعاون بارك الله فيكم .

[داحس]

وعليكم السلام ورحمة الله وبركاته
عادي هذا وقت التصنيع ات يكتبون عند في دفتر السياره او الاستماره الموديل 2008 ويختلف وقت التصنيع الدفعه الاولى تكون في شهر سته والثاني في ابريل بس تنزل في الصيف يعني شهر اغسطس تقريبا و2008 نزلت بالوان جديده وبالنسبه للفرق اكيد يفرق في البيع الموديل

[واحد غير]

اعتقد شي طبيعي لأني شفت اوريون موديل 2007 مكتوب عليها 2006-2007

[بات مان]

وعليكم السلام


اخوي هاذا شي عادي ولا تخاف ولاتفكر ابد جازتلك السياره توكل على الله

[عاشق الكمر]

طبيعي جداً يالغالي

يعني الشحن و النقل ياخذ وقت

فمن الطبيعي أنها تصنع قبل عام 2008

تقبل مروري

[الوادعي]

أخوي لا هذا شيء عادي وأكثر السيارات كذا

[نجم الشرقيه]

اسمعني زين الوكاله يقدرو يبدلو في موديل السياره من 2007 الى 2008 لكن مايقدرو يبدلوا تاريخ الصنع لمتابعه الجودة ومتابعة السياره ان حدث فيها عيب مصنعي يبان عندهم من التاريخ لذا انتبه انا كنت مثل الشباب اللي قالو لك عادي بس انا الحين متأكد من المعلومه وعلى فكره حبيت اقول لك هذا لأن سيارتي موديل 2007 ومصنوعه في شهر 7 فكيف 2008 يصنع في شهر 6 واذا مو مصدق تقدر تجي وتشوف السياره بنفسك وانتبه من الوكيل ترى خويك مقروص منه

[& عزوز &]

شى عادي اخوي والله يوفقك ومبروك عليك السياره مقدما.

[لسانك حصانك]

هذا عادي لان الكامري موديل 2007 نزل في أواخر 2006 يعني نفس الشي لل2008
انا شخصيا شريت لي كامري 2008 من وكالة عبداللطيف جميل بالخبر

[ملك النت]

مكتوب في لوحة التعريف في سيارتي سنة الصنع 07-2007

وهي موديل 2007