صفحة 1 من 5 123 ... الأخيرةالأخيرة
النتائج 1 إلى 20 من 86

الموضوع: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور.

  1. #1
    مشرف متقاعد الصورة الرمزية أبوشـهد
    تاريخ التسجيل
    Jun 2008
    العمر
    36
    المشاركات
    3,591
    معدل تقييم المستوى
    13

    حصرياً اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور.



    كل عام وانتم بخير وعيدكم مبارك وتقبل الله منا ومنكم صالح الاعمال ..


    من زمان عنكم فجمعنا لكم التهاني مع بعض ..

    هذا شرح مبسط حاولت اني اوصل فكرة عمل ياي الوكاله و الياي الاسترالي والفرق بينهم .. وهل تحتاج لتركيبها ام لا ؟
    وماهي الانواع المناسبه لسيارتك .. وماعمل المساعدات الاسترالية وفرقها عن اليايات ..


    وقسمته لثلاثة محاور رئيسية .. <***** يبي يلقي محاضرة ..

    ملاحظة .. المقصد بالياي والمساعد الاسترالي هو الرياضي ولكن سمي استرالي نسبة لبلد المصنع . وهي التي تستخدم في الراليات ورياضة السيارات .



    اليـــــايــــات(السبرنقات) :

    كثير من الشباب يسمع عن اليايات الاستراليه وانها ممتازة .. وممكن انه يغير يايات موتره ..
    وهو مايدري وش السالفه بالظبط ..
    ووش فايدتها وميزاتها وسلبياتها ..
    يعني مع الخيل ياشقرا وبس ..

    اولا هذي شكلها ومكانها .. وتكون عند كل كفر ..







    ومهمتها انها تشيل جسم السياره .. وتجعلها مريحه وسلسه في المطبات ..

    يعني ان السياره تكون على سبرنق .. ينظغط في المطب القوي ويتمدد في الحفر ..
    بحيث يعطي مرونه للكفر وحريه انه يتحرك للاعلي والاسفل بدون ما يحرك معه جسم السياره ..

    وميزته انه يجعل السياره اكثر راحه ..

    لكن ..


    لو حملت اوزان كبيره ..

    بينظغط ياي الوكاله للاخير .. حتي يتطابق على بعض وما يكون له مجال انه يتحرك ..
    ويكون عباره عن كتله من الحديد.. ويبدا جسم السياره يضرب في الاجزاء السفليه..


    وايضا عند الانعطاف الحاد .. ينضغط الياي من جهة الانعطاف .. وتميل السياره بشكل كبير ..

    هنا ناتي لفائدة الياي الاسترالي ..


    الياي الاسترالي مصنوع ومفتول من حديد اعرض واسمك من ياي الوكاله وعدد لفاته اكثر فيعطيه قوه في التحمل .. بحيث ما ينظغط بسهوله ..

    وبالتالي ما تنزل السياره عند التحميل ولا تميل عند المنعطفات الحاده .. وتكون اكثر رساوة.

    وكلما زاد عرض الحديد للياي الاسترالي وكثرت لفاته .. زاد تحمله ومقاومتة للانضغاط..

    وهذي صوره للياي الاسترالي .. ولاحض سمك الحديد وعدد اللفات ..



    وهذا ياي الوكاله .. ولاحظ الفرق في سمك الحديد وعدد اللفات اقل ..



    ميزات الياي الاسترالي ..

    1 - اكثر رساوة في المنعطفات والسرعات العاليه ..
    2- عدم نزول السياره عند التحميل ..
    3- ارتفاع السياره" بحسب رقم الياي" ..

    سلبياته :

    1- في حاله عدم التحميل يكون اقل راحه من ياي الوكاله ( مطبه قاسي) .



    طيب لماذا تويوتا لم تضع من البدايه الياي سميك وعريض في المفخرة ..

    والجواب ان غالب الاستعمال يكون عادي ومتوسط.. فيتم تصنيع مواصفات السيارات على اساس انها تستخدم للتحميل 8 اشخاص عاديين باغراض عاديه ..


    لكن

    في السفريات و التحميل عندنا ..

    تحصل في السياره 7 حريم و3 رجال و12 ***.. و 13 شنطه و 8 جراكل زمزم من مكه وكرتونين رمان لجدتهم .. مثل هالصورة ..




    ههههههه..

    ثم يقول اليابانين ابخص .. وخل الموتر شد بلد .. ولانيب مغير شي ..


    هذا خطاء وخطر وتحميلك الزائد في السفر .. يعتبر استخدام خاص وليس عادي . ويجب اضافة متطلبات لهذا الاستخدام الشاق ..


    طيب هل تحتاج الياي و كيف تختار الياي المناسب لك ؟

    اشوف ان الشباب ينقسمون لقسمين ..

    الاول .. ناس راعين سفريات وتحميل و بر (لكن ليس تطعيس ) وهم الاغلب .


    فاذا كنت تستخدم السياره استخدام عادي للدوام وسفريات بدون تحميل كثير وطلعات خفيفه للبر ..

    ماتحتاج ياي استرالي ..

    اما اذا تحميلك قليل .. ممكن تغيرالخلفي فقط لـ 720 يكفيك ..
    "سيتم شرح الارقام لاحقا .."
    واذا كنت تستخدم السياره للسفر والتحميل الزائد وللبر تانكي ماء وعزب واغراض ..

    "مثل الصورة الي فوق "

    فينصح بانك تغير الياي الخلفي فقط , بالرقم 721.. ليتحمل هذه الاوزان ..وايضا يساعد في الحفاض على توازن السياره في المنعطفات ..

    واذا اكثر من كذا .. عليك بـ 722 .. او 723 اذا انت تحمل حواشي وقعدان ..


    اما القسم الثاني ..

    فهم راعين الجلد وكرف الموتر والتطعيس والمطامر .. وهم الاقل ..

    وهؤلاء لازم انهم يغيرون الياي الامامي ايضا .. ويفضل المساعدات اذا رجلك ثقيله مره ..

    لان الياي الامامي يصلح للي يراقى ( يطاعس) وللجلد بالردميات وغيره ..

    ويفضل انه يغير المساعدات مع اليايات عشان مايلعب وجه موترع بالبر والطعوس ..

    واعتبر هالصورتين تمثل الفشل الذريع لياي ومساعد الوكاله في التطعيس ..

    شف كيف طالع فوق..




    وهنا كيف نازل مررره ..



    وهذا يسبب ارتطام وجهية السياره بالارض .. فينكسر الصدام او يحك الكفر الامامي بالصاجه واقلها انك تفقد السيطره على السياره ويضيع عزم الموتر ..

    لذالك الي من هالنوع ..

    يركب ياي استرالي مع مساعدات استراليه ..

    مثل هالصورة ..






    الفرق بين الياي الاسترالي والمساعد الاسترالي:

    الياي السترالي قلنا انه عريض ويقاوم الانضغاط وعدد لفاته اكثر .. لذلك فهو يقلل من مدى تحرك السياره للاعى والاسفل ..

    يعني ..

    لو اخذت لك مطب بياي الوكاله ... بترتفع وجيه السياره 10 سم (مثال) ثم تنزل 10 سم ..

    اما الياي الاسترالي .. يترتفع 5 سم وتنزل 5 سم فقط ..

    يعني الياي الاسترالي يقلل من مدى ارتفاع ونزول السياره .. " مثل الصورتين في الاعلي "


    اما عمل المساعد كالتالي ..

    تخيل ان السياره بدون مساعدات .. ايش بيصير ..

    لو اخذت مطب بنقز الموتر ويستمر يطلع وينزل ويناقز ولن يثبت الا بعد ما يرتج مخك ..
    وهذ ميزة المساعد ..

    انه يمنع السياره من الارتدادات او المطامر بعد المطب .. والاستمرار فيها ..

    وميزة الاسترالي انه بعد ما تاخذ مطب (مثلا ) يطلع وجه الموتر ويثبت مباشره بعدها ..

    اما مساعد الوكاله .. فيطلع ثم ينزل ثم يطلع ثم ينزل ثم يثبت .. حتى لو انك مركب ياي استرالي ..

    وميزة مساعد الوكاله انه مريح لكن بالبر .. ما ينفع ولا بريال وربع ..

    لانه ممكن يستمر في المطامر حتي يظرب وجهه في الارض من شده القفزه او الظربه ..
    لذا لابد من تثبيته .. وهذه مهمة المساعد الاسترالي .. انه يثبت السياره..


    الخلاصه ..

    الياي الاسترالي يقلل من مسافه تحرك السياره للاعلى والاسفل ..

    المساعد الاسترالي .. يثبت السياره ويمنعها من تكرار التحرك للاعلي والاسفل ..



    انواع اليايات والمساعدات الرياضية :

    المتوفر للاندكروزر تقريبا ثلاث انواع ..

    النوع الاول ..

    كت كامل (طقم كامل) اربع يايات واربع مساعدات .. يباع مع بعض .. اليايات و المساعدات ..

    الماركة : lovells
    الصناعة : استرالية
    القيمة : 3200 ريال تقريبا. للكت كامل .
    موقع البيع : محل 4500 في شارع الثلاثين في حي الربوه بالرياض وهو وكيل فلاتر K&N بالرياض .
    رقم التواصل : صاحب المحل .. الاخ عبدالله .. 0558884500 من طرف ابوشهد تويوتا العربية .

    يرفع السياره 1 سم عن الوكاله .. وهو جيد للي مايبي يرفع سيارته كثير .. ويباع الكت كامل.

    ولايوجد منه مقاسات .

    ولم اجربه ..

    وهذا رابط موقع الشركة ..

    Lovells Pty Ltd - Suspension for the ride of your life

    صور للطقم ..











    النوع الثاني ..

    كت كامل (طقم كامل) اربع يايات واربع مساعدات ..يباع مفرق .. كل مساعد او ياي لوحده ..

    الماركة : Old Man Emu Suspension
    الصناعة : استراليه .. تجميع صيني .
    القيمة : 500ريال تقريبا.*للياي الواحد.
    مواقع البيع :مراكز الرماية + محل 4500

    يرفع السياره من 1سم حتى 7 سم حسب مقاس الياي ." بدون اي اغراض او تحميل" .
    ومقاساته كالتالي :

    720 يرفع 2- 3 سم ..
    721 يرفع السياره من 3-4 سم وهو المناسب لاستخداماتنا ..وهو الي بالصور المرفقه ..
    722 يرفع السياره من 4-6 سم , عريض جدا ..ويتحمل اوزان عاليه .
    723 6 -7 سم وعريض جدا .. ويتحمل اوزان عاليه جدا .
    724 غير متوفر .. حسب الطلب
    725 غيرمتوفر..حسب الطلب
    726 غيرمتوفر..حسب الطلب


    وتمت تجربته وممتاز ..

    لكن مشكلته في حالتة تركيب اليايات الامامية على مساعدات الوكاله .. لازم تسخن وتوسع الياي ..

    وهذا رابط موقع الشركة ..

    ARB Products | ARB 4x4 Accessories

    وهذي صور الطقم ..





    النوع الثالث ( الافضل في تقييمي ) ..

    يايات استرالية .. يرفع السيارة (وهي فارغه) من مقاس الوكالة .. حتي 7 سم .

    الماركة : king springs
    الصناعة : استرالية اصلية .
    القيمة : 1350 للطقم.*
    موقع البيع : محل 4500 .

    يرفع السياره من مقاس الوكاله .. حتى 7 سم


    وتمت تجربته وعندي يعتبر الافضل .. وميزتها ان اليايات الاماميه تطبق على مساعدات الوكاله الامامية بدون توسيع او تعديل.

    وهذي صورتة الياي وهو راكب على مساعد الوكاله الامامي بدون تعديل . او توسيع .


    وهذا رابط موقع الشركة ..

    King Spring Automotive Aftermarket Springs

    صورة الطقم ..













    صورة جماعيه للانواع الثلاثة .. ومكتوب عليها اسمائها بالاحمر .. والاصفر يعتبر الافضل ثم الاسود ثم الازرق (مناسب للاستخدام الخفيف) .









    وأخيرا ..

    ارجو اني قدمت شي يفيد اعضاء قسم اللاندكروزر والغالين على قلبي ..

    واي استفسار .. حاضرين لكم ..

    ولكم ارق التحيه والود ..

    محبكم واخوكم ..


    ابوشـهد





    التعديل الأخير تم بواسطة أبوشـهد ; 10-05-2010 الساعة 03:55 PM

  2. #2
    عضو متميز
    تاريخ التسجيل
    Oct 2007
    المشاركات
    173
    معدل تقييم المستوى
    7

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    جزاك الله خير
    شرح وافي

  3. #3
    عضو شرف الصورة الرمزية معاد بدري
    تاريخ التسجيل
    Dec 2008
    المشاركات
    1,290
    معدل تقييم المستوى
    9

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    كل عااام وانت بالف خير يابو شهد ومجهود تشكر علية لخدمة الاخوان في المنتدي تستاهل احلي تقيييييم وتشكراتي تقبل مروري يالذيب

  4. #4
    عضو نشيط
    تاريخ التسجيل
    May 2007
    المشاركات
    112
    معدل تقييم المستوى
    7

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    كفيت ووفيت يا بوشهد وبيض الله وجهك

  5. #5
    عضو هام الصورة الرمزية أبو ونيس
    تاريخ التسجيل
    Mar 2010
    المشاركات
    664
    معدل تقييم المستوى
    6

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور



    آآآيش هل ابداع والله جميع الكلاماات ما تعبر عن شعوري عن هل اشغل والف الف الف مبرووك انك ركبت

    صعااقيل ووياي استرالي (صعاقيل كنغر لانه استرالي هع)


    والتستاهل الشكر + التقييم + الاحترام + والباقي من عندك
    التعديل الأخير تم بواسطة أبو ونيس ; 09-26-2010 الساعة 08:31 PM

  6. #6
    عضو شرف الصورة الرمزية دوم مجروح
    تاريخ التسجيل
    Apr 2008
    المشاركات
    1,023
    معدل تقييم المستوى
    8

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    جزاك الله الف خير يا بو عبدالله


    اكاد اجزم ان هذا هو
    الموضوع الاول
    الذي اقراه بتمعن
    ويتحدث عن
    -- اليايات والمساعدات --

    بشكل تفصيلي ومبسط<*****< وش عليه KSU

    بصراحه استفدت الكثير من المعلومات التثقيفية صححت الكثير من المصطلحات الملتمسه علي وعلى غيري من ملاك هواة اللاند


    تستاهل الدعاء واسال الله ان يرزقك الخير من اوسع ابوابه

    غير ذلك انتظر الرواتب يوم 25



  7. #7
    عضو هام الصورة الرمزية ياسير
    تاريخ التسجيل
    Mar 2010
    المشاركات
    510
    معدل تقييم المستوى
    5

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    كل عام وانت طيب ياابوشهد وماشاء الله على اسلوبك فهمت وانا ميت ضحك وتسلم على هالابداع
    اللهم صل وسلم وبارك على حبيبنا محمد وعلى آله وصحبه

  8. #8
    مشرف متقاعد الصورة الرمزية خيال المفخرة
    تاريخ التسجيل
    Jul 2008
    المشاركات
    5,273
    معدل تقييم المستوى
    16

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    بيض الله وجهك ياذيب
    ومن زمان عن مواضيعك ياذيب
    صراحه موضوع روعه
    واشياء جديده
    تستاهل الشكر والتقيم ياذيب
    والتثبيت عشان يستفيد الكثير
    ولي رجعه ياذيب
    التعديل الأخير تم بواسطة خيال المفخرة ; 09-26-2010 الساعة 08:35 PM

  9. #9
    BND
    BND غير متصل
    مشرف متقاعد الصورة الرمزية BND
    تاريخ التسجيل
    Feb 2010
    المشاركات
    1,437
    معدل تقييم المستوى
    7

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    لاهنت يا ابوشهد على طرح هالموضوع

    بيض الله وجهك نورتنا بهالمعلومات القيمة
    التعديل الأخير تم بواسطة BND ; 09-26-2010 الساعة 08:41 PM

  10. #10
    عضو جديد
    تاريخ التسجيل
    Feb 2010
    المشاركات
    46
    معدل تقييم المستوى
    0

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    يسلام على الموضوع الاحلى من الرائع

    يخوي هذي المواضيع ولا بلاش

    هذي المواضيع الي تفتح النفس

    وتستاهل التثبيت وبقوه

    واحلى تقييم +شكر**************** ما يعرف يشكر+ تثبيت <*****<*****<*****<*****< يبي يصير مشرف
    التعديل الأخير تم بواسطة بـــو طلال ; 09-26-2010 الساعة 09:40 PM

  11. #11
    عضو شرف
    تاريخ التسجيل
    Mar 2008
    المشاركات
    1,019
    معدل تقييم المستوى
    7

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    ماشاء الله

    شرح كافي ووافي


    الله يعطيك الف عافيه

    والله يطعمك خير موترك ويكفيك شره

    اثرنا ضايعين مع هالكعكات 3 ونص والى فللت التانكي تبدا الاستبنه تشطف الارض والى رحت للبر تلقى صدام قدام يشكي الحال


    نبي نركبهن ان شاء الله

    721 يرفع الموتر من 3 الى 4 قدام ووراء ؟؟؟


    لاهنت يابوشهد وش الورشه اللي ركبت عنده هل هي تبع 4500 اللي بالثلاثين ولا تبع الرمايه ولا اقرب ورشه

    وكم كلف التركيب ووصفه لاهنت ماودنا نروح لم اقرب ورشه يقعد يبلانا بشي ماحسبنا حسابه


    اسف على الاطاله


    وهذي ***** مع الشكر ولو انه قليله بحقك
    التعديل الأخير تم بواسطة هاوي الجكس ار ; 09-26-2010 الساعة 10:01 PM

  12. #12
    عضو جديد
    تاريخ التسجيل
    Oct 2006
    المشاركات
    36
    معدل تقييم المستوى
    0

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    موضوعك جداا ممتاز
    مشكور على الموضوع والمعلومات
    وحبيت انى اضيف بعض المعلومات لمحبى تجهيز سيارات الدفع الرباعى
    شوف الملف المرفق بتلاقى فيه كل القطع المتوفره منarb للاند كروزر ومن ضمتها اليايات والمساعدات
    موضح فيها جميع القياسات

    او شوف هذا الرابط
    http://www.arbusa.com/uploads/PDF/ac...Cruiser200.pdf
    التعديل الأخير تم بواسطة المحروقي ; 09-26-2010 الساعة 10:17 PM

  13. #13
    عضو هام الصورة الرمزية سلطان ال فاهده
    تاريخ التسجيل
    Feb 2010
    المشاركات
    560
    معدل تقييم المستوى
    5

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    يعطيك العافيه

  14. #14
    عضو نشيط
    تاريخ التسجيل
    Aug 2009
    المشاركات
    115
    معدل تقييم المستوى
    6

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    كل عام وأنت بصحة وعافية
    ودائماً مواضيعك مميزة
    الله يوفقك وين ما لقيت
    تحياتي لك
    ودمت سالماً

  15. #15
    عضو هام
    تاريخ التسجيل
    Dec 2009
    المشاركات
    351
    معدل تقييم المستوى
    5

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    ابو شهد
    الله يجزاك الف الف خير
    ولو اشكرك من اليوم الى 10 سنين مااوفيك حقك
    واحلى مافي ذا المنتدى وجودك فيه
    ولايهونون اخواني المشرفين ولا اخواني الاعضاء

  16. #16
    عضو سوبر
    تاريخ التسجيل
    Apr 2010
    المشاركات
    334
    معدل تقييم المستوى
    5

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    يعطيك العافيه يبوشهد ماقصرت شرح وافي ..

    بس عندي سؤال البالون اللي يركبونه الدفع الرباعي في الياي مايغني

    عن اليايات الاستراليه طبعا ورى بس

  17. #17
    مشرف متقاعد الصورة الرمزية LexusLX
    تاريخ التسجيل
    Jan 2009
    المشاركات
    1,198
    معدل تقييم المستوى
    7

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    ابوشهد المتميز
    موضوع جميل
    وشرح مفصل
    وفوائد عظيمه
    جزاك الله خير الجزاء على ما تفضلت به من وقتك وعلمك وجهدك.
    تحياتي
    اترك مسافة أمان بينك وبين المركبة التي تسير أمامك
    7Z1FM

  18. #18
    عضو متميز الصورة الرمزية GAME^OVER
    تاريخ التسجيل
    Jul 2009
    المشاركات
    174
    معدل تقييم المستوى
    6

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    جزاك الله الف خير
    على هالمعلومات نورتناا وزدتناا فايده ومعلوومه

    أسأل ما تريد دون أن أعرفك من (( هنا ))




  19. #19
    عضو لامع الصورة الرمزية fj hussam
    تاريخ التسجيل
    Oct 2009
    المشاركات
    6,098
    معدل تقييم المستوى
    15

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    تسلم على التقرير المميز و صدقت في كل كلمه
    انا مركب 4 يايات و 4 مساعدات استراليه من اسبوع تقريبا و السياره سارت افضل بكثير و حتى كان في رجه بالدر**يون وراحت سبحان الله بدون اي ترصيص او وزن

    حبيت اسألك يايات لوفليز و كينج سبرنغز وين احصلها ؟ عندي السياره من قدام موب موزونه مع الخلف ...
    و ودي يايات نفس قساوت اولد مان و لكن تكون ارفع
    التعديل الأخير تم بواسطة fj hussam ; 09-27-2010 الساعة 12:50 AM

  20. #20
    عضو سوبر الصورة الرمزية abuaziz
    تاريخ التسجيل
    Jun 2010
    المشاركات
    299
    معدل تقييم المستوى
    5

    رد: اليايات والمساعدات الاسترالية , ماهي؟ وما فائدتها ؟ وهل تحتاجها؟ شرح مبسط ومصور

    بيض الله وجهك يا ابو شهد موضوع مفيد للغاية

    لكن ابنشدك ولا يهونون الشباب عن مساعدات جبريل ومونرو هل تعرفون عنها شي

صفحة 1 من 5 123 ... الأخيرةالأخيرة

المواضيع المتشابهه

  1. مشاركات: 96
    آخر مشاركة: 09-22-2010, 06:13 PM
  2. يالربع سؤال عالطاير عن اليايات الاسترالية
    بواسطة عشقت الفن في المنتدى فورتشنر FORTUNER
    مشاركات: 17
    آخر مشاركة: 07-11-2010, 05:09 AM
  3. اليايات والمساعدات
    بواسطة محمد بن عمر في المنتدى فورتشنر FORTUNER
    مشاركات: 19
    آخر مشاركة: 08-27-2008, 04:49 PM
  4. سؤال عن اليايات الاسترالية
    بواسطة راع الكامري في المنتدى لاند كروزر LAND CRUISER
    مشاركات: 1
    آخر مشاركة: 05-21-2008, 02:20 AM
  5. ميزة حلوة في لكزس ممكن تحتاجها يوما ما !!!!
    بواسطة سامرف في المنتدى لكزس إي اس LEXUS ES
    مشاركات: 10
    آخر مشاركة: 07-05-2007, 04:47 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
عن تويوتا العربية
منتديات تويوتا العربية هي لمالكي ومحبي سيارات تويوتا ولكزس ولا يمثل الموقع شركة تويوتا المالك الرئيسي لعلامة TOYOTA ولا يمثل أي من موزعيها، وجميع المواضيع او المشاركات المطروحة تمثل وجهة نظر كاتبها فقط
تابعنا على تويتر