[الليفر]

بسم الله الرحمن الرحيم ..



الحمدلله حمدا ً كثيرا ً وصلى الله على نبينا محمد ..

شباب الاوريون ان شاء الله انكم بصحه وسلامة وان شاء الله الاوريون من احسن لأحسن اللهم لك الحمد سيارتي اوريون جراندي بدون شاشه 2007 قاربت معاي الـ 4 شهور وماشي 12 الف وتمام التمام ولله الحمــد ..

لم اعاني اي مشكلة سوى صوت ديكـور القيــر .. وهو بسيــط ..



موضوعـي اليوم قد يستغرب منه البعض وقد يستفيد منه البعض خصوصا ً هواة التعديـل واضافة المزيد من الاشياء على السيـارة ( انا منهــم ) ..

عن نفسي مازلت أريد ان اضيف المزيد من الاضافات على السيارة وخصوصا ً من الداخل ..





أولها وهي أول اهتماماتي : شاشة الملاحــة ( النفقيشــن ) وراح اركب افضل نوع ويكون ملائم مع الديكور وهذا باذن الله راح يكون اول شي اسويه بالسيارة لأهميته بالنسبة لي ..

ثاني شي راح أخشب الدركسون ( نص الدركسون ) من فوق ومن تحت وفي محليين شفتهم بالغرابي يسوون هالشـي بـ 500 ريال كلهم بنفس السعر ..


ثالث شي المرايـات راح اقلبهـا اتوماتيكية ( زي الكورولا ) قهر الكورولا فيها مرايات كهربائية واحنا دافعين قريب الـ 100 الف ولا فيهــا .. بس راح اسويها نفس نظام اللكزس والبي ام المرايات تتصفط اذا طفيت السيارة .. ممكن افكر اسوي الشنطة كهربائي كمـان


رابع شي البوري راح اغيره لانه مو عاجبني البتــه ..









هذي الاشياء اللي بضيفها عالاوريون حقتي واتمنى اشوف آراء الاخوان واشوف الناس اللي اضافت او ودها تضيف على سياراتها ( الاوريون بس ) ..




في تفكير غريب يراودني اني اغير وجهيــة السيارة الى وجهية الاوريون Trd الرياضية بشبك اسود رياضي اليييييم .. بس لمن تركب الفكرة براسي .. خخخخخ


اخوكم

الليفر

[مالك الكشي]

انا ودي أركب زي شبك Trd

[ميركوري]

الأخ الليفر بعد التحيه والإحترام ؛ ما شاء الله عليك تبي تزين كل هالشغلات ؟؟ الله يعينك على دفع الدراهم... عزيزي انا بالنسبه لي خشبت الموتر من الداخل وغيرت البوري طلعت دلع وانا ان شاء الله ابصورها من الداخل وبانزلها بالمنتدى لكن يبيلها وقت .... بالنسبه للبوري ركبت بوري فورد طلع روعه وكل من سمعه من الشباب يسألني وين ركبته وسعره 65ريال بس ... بالنسبه للتخشيب خشبت الدركسون والديكور اللي تحت المكيف وفتحان المكيف وازرار الستاره ورشاش المويه ب 1300 ريال عند محل المتميز اللي بالغرابي .... وان شاء الله بأكمل الباقي بس ارجع للرياض بشهر 12 ..... بس انا ما أيدك تغير وجهية الموتر لأن وجهيته الآن روعه وهذا مجرد راي والراي لك والله يدلك ... تحياتي...

[الــمــجــروووح]

ههههههههههه الله يوفقكم

[الليفر]

المشاركة الأصلية كتبت بواسطة ميركوري

الأخ الليفر بعد التحيه والإحترام ؛ ما شاء الله عليك تبي تزين كل هالشغلات ؟؟ الله يعينك على دفع الدراهم... عزيزي انا بالنسبه لي خشبت الموتر من الداخل وغيرت البوري طلعت دلع وانا ان شاء الله ابصورها من الداخل وبانزلها بالمنتدى لكن يبيلها وقت .... بالنسبه للبوري ركبت بوري فورد طلع روعه وكل من سمعه من الشباب يسألني وين ركبته وسعره 65ريال بس ... بالنسبه للتخشيب خشبت الدركسون والديكور اللي تحت المكيف وفتحان المكيف وازرار الستاره ورشاش المويه ب 1300 ريال عند محل المتميز اللي بالغرابي .... وان شاء الله بأكمل الباقي بس ارجع للرياض بشهر 12 ..... بس انا ما أيدك تغير وجهية الموتر لأن وجهيته الآن روعه وهذا مجرد راي والراي لك والله يدلك ... تحياتي...

ياهلا بك اخوي .. يريت تورينا الصور حقت التخشيب ..
وبخصوص البوري من وين ركبته لاني سمعت ان بوري اللكزس بـ 400 ريال
وبوري الفورد بـ 65 يابـــلاش

ونتقبل الآراء بخصوص الوجهية ..

اخوك

الليفر

[ميركوري]

البوري بأي محل زينه بالنسبه لي شريت البوري من محلات الزينه اللي على طريق المدينه اللي بالبديعه.... اما بالنسبه لصور التخشيب ان شاء الله اذا رجعت للرياض لأن الموتر بالرياض وانا بالطائف المسأله مسألة وقت .... تحياتي الليفر....
ملاحظه/ بوري الفورد اللي عندي تجاري بس والله انه اطلق من الأصلي وكم من مره اركب هالبوري بمواتري الأوله ولا عمرها خربت معي ... يعني تأدي الغرض وسعرها باليد...

[><><]

اما انا اول ماطلعت السياره من الوكاله عملت له تنجيده حق الاسيات او الطبلون او الدركسون او الارضيه
بس شغل مضبوط 100% او ناوي على جنوط اوريون او افلون لئن موتري توريق

[أوريون بريدة]

أهلين شباب
بالنسبة لي غيرت البوري وحطيت بوري لكزس 430 موديل 2007 واشتريته من الوكالة بقيمة 302 ريال فقط ...
وناوي أركب شاشة الملاحة

وشكرا على الموضوع الرائع

[احمد اورين]

بالنسبه لي انا ماحطيت شي بس لبست الكشنات

[عبدالله بن تميم]

والله انا بعد مثلك أن شاءالله على خير

المرايات الجانبيه أخليها مثل اللكزس أن شاءالله وكذلك البوري وكذلك التخشيبه للدركسون والقير واللي فوق المسجل بأذن الله

والله يبارك لنا ولكم اللهم آمين

[مجنون اوريون]

ما شاء الله عليك التعديلات كلها اللي بتسويها كلها حلوة بس انا اشوف انك تحول الشنطة

من يدوية الى كهربائية مالها سنع

على فكرة ياشباب انا ودي اقلب مراياتي كهرب مثل الكورلا <,,,,,,,,,,,,,,,مقهوووووووور

من يعرف محل مضبوط يعرف يركبها

[هٍـآيـوٍمآ ( آلمٍـطيـًرٍيُِ )]

المرايه حقت الاميرة لو الواحد بيقلبها اتوماتيك مثل الكورولا هل ينغلي الضمان لان في كهرباء ..؟

[مؤيد محمد]

الله يقويك وعلى البركة
على السيارة و
وبصراحة انا عاجبتني فكرة المراية مرررررررررررررررة حلووووووووووووووة
بس شي يقهر اذا حركت المرايا ماهي في
مبروووووووك على السيارة من جديد ويعطيك خيرها ويكفيك شرها

[جرح زمن]

شي روعه فعلا

[أورويون وبس]

بالنسبة لي

شاشة ان شاء الله

عندي استفسار عن تلبيسه للمراتب مو تنجيد وين احصل ؟ طبعا بالرياض

ودمتم،،

[رنج روفر سبورت]

شكرا على الموضوع .

تحياتي

[طيار ومهندس]

[quote=الليفر][center]

بسم الله الرحمن الرحيم ..



ثالث شي المرايـات راح اقلبهـا اتوماتيكية ( زي الكورولا ) قهر الكورولا فيها مرايات كهربائية واحنا دافعين قريب الـ 100 الف ولا فيهــا .. بس راح اسويها نفس نظام اللكزس والبي ام المرايات تتصفط اذا طفيت السيارة


وعليكم السلام ورحمة الله وبركاته ،

والله موضوعك شيق جداً ، وصحيح كلامك بشأن المرايا

ياريت لو كان بالإمكان جعل الرايا تعمل بالكهرباء إنك تخبرنا كيف ،

وجزاك الله 1000 خير .

تحيــــــــاتـــــــــــي ،،،،،،،،،،،،،