[مجنون الأفالون]

السلام عليكم ورحمة الله وبركاته


بصراحة هالإسبوع قام مخي يلف ويدور على إني راح أبيع الأفالون اللي معي بصراحة


صراحة مشاكل لا لها أول ولا لها تالي .. وبصراحة هذي ماهي سيارة موديل 2007 وماهي تويوتا

كأني راكب سيارة موديلاتها في التسعين من المميزات الغبية والغير صالحة للسيارة من قوة ماكينتها

وحجمها الهائل

انا طلعت لي مشاكل لا لها أول ولا تالي

وراح أكتب لكم هالمشاكل

وانا متأكد 100 بالمية إن بعضهم لديه هالمشاكل



1 - تغير النمط الخارجي للسيارة :

عانيت من بداية شراء السيارة من تغير لون الصدامات وتغير شكل الحساسات .. وبعد معاناة معهم

وتعال وروح ولا تسوي كذا وسوي كذا وهنا وهناك ... بالأخير رفضوا تبديل السيارة ...وقاموا بتصليح

الأشكاليات اللي حصلت فيها ... مع العلم إعترافهم بهذا الخطأ والمتواجد أيضا خلال خروج السيارة من

الصيانة وجود أفالون نفس نوعيتي بالصيانة ونفس مشاكلي بالضبط .


2 - أنوار السيارة ( سواء العالي او الواطي ) :

بصراحة هذا الشيء لاحظته في جميع الأفالون اللي حصلتها واللي قابلت أشخاصها

نور الأفالون الزينون المزعوم .. ليس نورا أصليا ..ولا يعطيك الإنارة اللازمة في الشارع المظلم تضطر

أحيانا لرفع النور العالي للرؤية بشكل لا أقول جيدا ولكن أقول يأتي بالفائدة .

والنور العالي أبدا ليس نور سيارة عادية .. ما فرقت معها سواء عالي أو واطي

الغريب في الأمر أن شخصا في تويوتا مهندس قالي تبغاني أرفع لك النور العادي والعالي ؟؟؟؟؟؟؟؟؟؟؟؟



3 - وجود رجة :

مزعجة ومنافية لوضعية موديلات السيارة مع العلم إن السيارة وقت حدوث الرجة كانت

ماشية 18 ألف كيلو متر..... الرجة تجي بعد الـ 120 كيلو متر بعداد السرعة ويحدث رجة خفيفة على

الدركسيون ودعاسات البنزين تحس رجولك ترج معها .(( أصير رقاصة أحسن لي والبس خلخال ))




4 - تنسيم الهواء :

بصراحة تنسيم الهواء غير معدله المعروف لدى جميع السيارات

تنسيم الهواء في الأفالون ملحوظ بشكل قوي جدا لدرجة حتى أي راكب معك يحسبك تدخن أو منسم الهواء


5 - فتحة السقف :


فتحة السقف أعزائي المشاهدين للموضوع ..تعرفون الجو بدى يضبط وحلاة الفتحة آخر الليل

لكن الغريب لما تبغى تسكر الفتحة ... تسكر زي العسل لكن لما تقفل تماما .. يخرج صوت طقة قوية بصراحة

وتسمعها لدرجة من خارج السيارة .



6 - تبريد وتسخين المراتب :

عديمة الفائدة ... لو سوينا تبريد هالمراتب .. والله تحس من بداية ما تشغلها بهواء يجيك

لكن مع مرور الوقت ( ما حولك أحد )

اما التسخين .. بصراحة انا ضحكت على التقنية ... (( أبغاكم تجربون التسخين وتعطوني رأيكم ))


7 - إهتزاز المراتب عند السرعة :


لما تمشي 160 كيلوا فما فوق .. الاحظ وجود اهتزاز بمرتبة الراكب والسائق وتحس واحد يدفك بصراحة

حتى المراتب الخلفية وجود الإهتزاز .



8 - صوت غريب في ماكينة السيارة :


ألاحظ في الفترة الأخيرة صوت غريب في الماكينة .. الكل يعرف صوت الماكينة يجيك عادي وله نغمة خاصة

لكن الحين أشوف الماكينة مثل التأتأة والعزف المنقطع .. (( أتمنى الكل فهم قصدي ))



9 - الطقطقة :

حدوث صوت غريب في الطبلون الامامي ....وفوق الطبلون بعد .. وأيضا صوت في الستارة الخلفية .


10 - عدم إنسيابية الدوران :

الواحد لما يديور من إشارة أو من لفة ...يحس عدم إنسيابية اللفة بشكل كامل .. يعني تحس أن السيارة

تنطنط معك لما تلف ... ما ادري هالشئ متواجد عندكم .



11 - النفقيشن :

طبعا هالشئ إستسلمنا منه ... وما عاد له فايدة بحسب كلام أخوي أفالون وبس ومواضيعه الشيقة .



12 - مشاكل الفرامل والفحمات :

الفرامل أحيانا لا تمسك معك لما تكون في سرعة قوية يعني لما تمشي 160 فما فوق وتفرمل .. يخرج صوت

مزعج جدا ولا تستطيع تحمله لدرجة عند إقتراب الإشارة أو أي مكان تريد الوقوف عنده تضطر إلى ترك

رجلك دواسة الوقود لتهدئة السيارة لين توصل 100 ثم تهدي (( وليته ينفع يظل الصوت موجود))

والفحمات إستهلاكها مخيف عندي بصراحة يعني السيارة ماشيه الحين 25 ألف وغيرت الفحمات مرتين ؟؟؟؟؟؟؟؟؟؟؟؟؟؟؟



هذي المشاكل اللي متواجده عندي

وانا في صدد تفكيري لبيع السيارة عشان ما تكبر هالمشاكل ولا ألقى لها حل الا مرمطة الوكالة الخايسة

..

انا أبغى مساعدتكم في شي واتمنى تساعدوني فيه


هل تنصحوني :

1 - كامري سبورت (( يمكن تركها عشان الزفت أبو جميل ))

2 - كرايسر C300 Srt 8 (( التفكير فيها قوي والله لو وكالتها تصليحها فوق العشرة ألاف مو مشكلة ))

3 - لكزس 430 موديل 2003 (( لا تعليق بصراحة ))

4 - كيا اوبيروس فل كامل (( لا تفوتكم ))

5 - نيسان مورانو (( حلوه بصراحة وبديت أقتنع بوكيلها نيسان ))

6 - فورد ميركوري قراند ماركيز موديل 2008 فل كامل (( الفورد يبقى سيد السيارات ))

7 - لينكولن تاون كار سيقنتشر او كارتير أو اكزيكيوتيف موديل 2006 أو 2007

8 - مرسيدس فياغرا 2005 طبعا 350

9 - جمس تاهو (( أكثر شي أفكر فيه ))



عطوني رأيكم الله يسعدكم



شاكر لكم جميعا وإحترامي لكم

[ولد^الديرة]

؟؟ لالالالا هذا وانا قاعد ادور افالون بعد اقووول مع السلامه ,,,, النحشه ...

وينكم ردووو ينااااس

[الحـ(درب)ـب]

ماني مصدق من كتب هالموضوع
بس اضن العيب مب من الأفالون
العيب بسيارتك فقط



1 - تغير النمط الخارجي للسيارة :

عانيت من بداية شراء السيارة من تغير لون الصدامات وتغير شكل الحساسات .. وبعد معاناة معهم
وتعال وروح ولا تسوي كذا وسوي كذا وهنا وهناك ... بالأخير رفضوا تبديل السيارة ...وقاموا بتصليح
الأشكاليات اللي حصلت فيها ... مع العلم إعترافهم بهذا الخطأ والمتواجد أيضا خلال خروج السيارة من
الصيانة وجود أفالون نفس نوعيتي بالصيانة ونفس مشاكلي بالضبط .

انا مستغرب من اللي تقوله بالنسبة للون الصدام هذا شي موجود بالألتميا وبالوريون وبالكامري بعد
والحساسات تجارية من الوكيل واكيد بيتغير لونهم. بس اكثر السيارات مافيها اختلاف بلون الصدام
اضن في دفعه معينه فقط صادتها هالمشكله

2 - أنوار السيارة ( سواء العالي او الواطي ) :

بصراحة هذا الشيء لاحظته في جميع الأفالون اللي حصلتها واللي قابلت أشخاصها
نور الأفالون الزينون المزعوم .. ليس نورا أصليا ..ولا يعطيك الإنارة اللازمة في الشارع المظلم تضطر
أحيانا لرفع النور العالي للرؤية بشكل لا أقول جيدا ولكن أقول يأتي بالفائدة .
والنور العالي أبدا ليس نور سيارة عادية .. ما فرقت معها سواء عالي أو واطي
الغريب في الأمر أن شخصا في تويوتا مهندس قالي تبغاني أرفع لك النور العادي والعالي ؟؟؟؟؟؟؟؟؟؟؟؟

ياعزيزي اذا اصحاب اللكزس وهي لكزس اشتكوا من نفس المشكلة
اما بالنسبة للزيون بالعكس بالنسبة للواطي احس اضائتة اقوى من اي سيارة ثانيه لدرجة اني يوم اركب السيارات الثانيه اقول بخاطري وينك يازنيون الأفالون
وأنا بعد مارفعت النور صار 100%.


3 - وجود رجة :

مزعجة ومنافية لوضعية موديلات السيارة مع العلم إن السيارة وقت حدوث الرجة كانت
ماشية 18 ألف كيلو متر..... الرجة تجي بعد الـ 120 كيلو متر بعداد السرعة ويحدث رجة خفيفة على
الدركسيون ودعاسات البنزين تحس رجولك ترج معها .(( أصير رقاصة أحسن لي والبس خلخال ))

مب موجوده ابدا وسيارتي ماشية الحين 45650 كيلو متر والتواير لين الحين تواير الشركة ( اسوء تواير تويو)

4 - تنسيم الهواء :

بصراحة تنسيم الهواء غير معدله المعروف لدى جميع السيارات
تنسيم الهواء في الأفالون ملحوظ بشكل قوي جدا لدرجة حتى أي راكب معك يحسبك تدخن أو منسم الهواء

هو في تنسيم - بس مش للدرجة اللي تقووولها - وانا اسوي حركة م. انس المس الدريشة لمسة ويرووح الصووت بنسبة كبيره -- وانا اعشق السفر

5 - فتحة السقف :

فتحة السقف أعزائي المشاهدين للموضوع ..تعرفون الجو بدى يضبط وحلاة الفتحة آخر الليل
لكن الغريب لما تبغى تسكر الفتحة ... تسكر زي العسل لكن لما تقفل تماما .. يخرج صوت طقة قوية بصراحة
وتسمعها لدرجة من خارج السيارة .

اظن خطأ مصنعي بسيارتك بس - وماهو موجووود عندي نهائي ( مشاء الله )

6 - تبريد وتسخين المراتب :

عديمة الفائدة ... لو سوينا تبريد هالمراتب .. والله تحس من بداية ما تشغلها بهواء يجيك
لكن مع مرور الوقت ( ما حولك أحد )
اما التسخين .. بصراحة انا ضحكت على التقنية ... (( أبغاكم تجربون التسخين وتعطوني رأيكم ))

امممممم لا تعليق

7 - إهتزاز المراتب عند السرعة :


لما تمشي 160 كيلوا فما فوق .. الاحظ وجود اهتزاز بمرتبة الراكب والسائق وتحس واحد يدفك بصراحة
حتى المراتب الخلفية وجود الإهتزاز .
مادام في رجة بالسيارة لازم يهتزون الكراسي والمرايات والتاير االأسبير معاهم


8 - صوت غريب في ماكينة السيارة :


ألاحظ في الفترة الأخيرة صوت غريب في الماكينة .. الكل يعرف صوت الماكينة يجيك عادي وله نغمة خاصة
لكن الحين أشوف الماكينة مثل التأتأة والعزف المنقطع .. (( أتمنى الكل فهم قصدي ))

ياريت افهم قصدك بس ماعندي هالمشكله اللي تتكلم عنها من رغم اللي يعرفني من الشباب ينتقدني على سواقتي الخشنة


9 - الطقطقة :

حدوث صوت غريب في الطبلون الامامي ....وفوق الطبلون بعد .. وأيضا صوت في الستارة الخلفية .
انا سمعت الشباب يتكلمون عنها واستغربت وماعلقت على الموضوع، لاتوجد عندي هالمشكله

10 - عدم إنسيابية الدوران :

الواحد لما يديور من إشارة أو من لفة ...يحس عدم إنسيابية اللفة بشكل كامل .. يعني تحس أن السيارة
تنطنط معك لما تلف ... ما ادري هالشئ متواجد عندكم .
صدقني سيارتك غريبة - ياخي اكثر شي يعجبني بالأفالون هو لما اجي ادور دوران كامل بمنطقة ضيقة تلف بشكل رهييييييييب كأنها كورلا ينسيك طولها الزايد


11 - النفقيشن :

طبعا هالشئ إستسلمنا منه ... وما عاد له فايدة بحسب كلام أخوي أفالون وبس ومواضيعه الشيقة .



12 - مشاكل الفرامل والفحمات :

الفرامل أحيانا لا تمسك معك لما تكون في سرعة قوية يعني لما تمشي 160 فما فوق وتفرمل .. يخرج صوت
مزعج جدا ولا تستطيع تحمله لدرجة عند إقتراب الإشارة أو أي مكان تريد الوقوف عنده تضطر إلى ترك
رجلك دواسة الوقود لتهدئة السيارة لين توصل 100 ثم تهدي (( وليته ينفع يظل الصوت موجود))
والفحمات إستهلاكها مخيف عندي بصراحة يعني السيارة ماشيه الحين 25 ألف وغيرت الفحمات مرتين ؟؟؟؟؟؟؟؟؟؟؟؟؟؟؟

تداركو هالمشكله بموديل 2008 - واسف على بعض الردود

بس موضوعك صدمني

[الحـ(درب)ـب]

انفعلت بموضوعك ونسيت اقوولك عن رايي بالسيارات التالية:

1 - كامري سبورت (( يمكن تركها عشان الزفت أبو جميل ))
السيارة حلوة بس من بعد الافالون بتعيش بألم حقيقي بسبب الضيق والمكينه العادية جدا
2 - كرايسر C300 Srt 8 (( التفكير فيها قوي والله لو وكالتها تصليحها فوق العشرة ألاف مو مشكلة ))
مانصح فيها لانها بصراحة من داخل كأنك بسيارة سخيفة جدا وموديل 1990 مش 2007
3 - لكزس 430 موديل 2003 (( لا تعليق بصراحة ))
القديم ابعد عنه وبالذات لو هو لكزس - لانك بتزور عبداللطيف جميل وايد من بعدها
4 - كيا اوبيروس فل كامل (( لا تفوتكم ))
السيارة حلوة وبطيها علامة 8 من 10
5 - نيسان مورانو (( حلوه بصراحة وبديت أقتنع بوكيلها نيسان ))
السيارة حلوة بس بتتغير التشكيله بالنسبة للوكيل ترى خدمتهم سريعه
6 - فورد ميركوري قراند ماركيز موديل 2008 فل كامل (( الفورد يبقى سيد السيارات ))
ماقدر امدح ولا اذم هالسيارة ( لاني ماعرفها ) بس انا لما اشوفها بالشارع ماعطيها اهميه
7 - لينكولن تاون كار سيقنتشر او كارتير أو اكزيكيوتيف موديل 2006 أو 2007
الله يسامحك
8 - مرسيدس فياغرا 2005 طبعا 350
انا جربت هالسيارة وكنت احد ملاكها - السيارة روعه ونظرة الناس لك غير بس من عيوبها صعوبة ركووبها والخروج منها ضيقة جدا بس يمكن عشان انا دب ودائما الشماغ على راسي تلعوزت - بس ياخي لما يجي جمبك راعي افالون وتتسابق ويخليك تتأمل بمأخرة الأفالون بتقول بخاطرك خذا المثل( ماتعرف قدري إلا لما تجرب غيري)
9 - جمس تاهو (( أكثر شي أفكر فيه ))
وانا مثلك افكر فيه - بس سمعت انه في عيب بالكهرباء واشتكو منه اكثر الناس واضن تداركو هالعيب بعام 2008

ياريت تزور شركة هوندا وتشوف اللسيارتي هذولا
1- هوندا ليجند ((( وانا اشهد انها افضل من الأفالون بمراحل )) بس الأفالون اضخم من الخارج
2- هوندا اكورد الجديد (((( ابداع )))

[مجنون الأفالون]

مشكور درب الحب


يعطيك ألف عافية على المعلومات

إحترامي لك عزيزي

[أفالون وبس]

هلا اخوي احمد

حقيقة كل ماقلته هو عين الصواب

لعلك ظننت أن الأفالون ان السيارة ستلقى لها كل ماتريده

من ميولك ورغباتك حتى ترتقي بك الى عالم الفخامة وتقارع السيارات الكبيـــــــــرة

لكن للأسف السيارة انظلمت رغم كل شئ ( سواء من الوكيل او من الشركة الأم )

ولهذا الشئ السيارة حرمت من من أهم مميزاتها ( التميــــــــــــــــــــــــــــــــــــــز )

وهذا ما مهد باقي المنافسات لترتقي أكثر وتجعل

وهذا ماجعلني أكتب موضوع : أحــــقا ألا هناك منافس للأفالون ؟؟؟ دعونا نتكلم عنهم إذا ...

المهم لنعد لموضوعك


بالنسبة للأفالون وملاحظاتك عليها

حقيقة لربما انت مجرب سيارات مقاربة للأفالون وعرفت فروقات السيارة الآن

وأعذرني لاخبرتي لي في دقة الملاحظات

لكن مع ملاحظاتك اتفق معك لأني ملاحظها كالنور والرجة والتنسيم والأصوات

بس ايش تتوقع السيارة ليس بمستوى لكزس حتى تتهنى فيها

لكن السيارة بشكل عام طيبة ومتجاوبة معك

لكن ان بحثت في المواصفات فيها فلا حدث ولاحرج , لاجديد

ونحن في عام 2007 زمن التقنيات المتطورة والمجالات المتعددة

والأفالون أو لنقل الوكيل لم يستغل هذا الشئ ابدا

وهذا كل شئ

لذا تعليقي على الأفالون الحالية : الأفالون سيارة ناجحة , لكنها ليست متميزة ...

لذا اقول لك موفق في بيعة الافالون عسى الله ان تكون خيرا لك



الآن الخطوة الثانية من الموضوع الا وهو اختيارك لسيارة بديل عن الافالون


1- كامري سبورت (( يمكن تركها عشان الزفت أبو جميل ))

دخيلك ياأحمد أخوي الكبير أحمد بعد اشترى كامري 2007 وندم والله انه ماخذ افالون على الأقل

2 - كرايسر C300 Srt 8 (( التفكير فيها قوي والله لو وكالتها تصليحها فوق العشرة ألاف مو مشكلة ))

آهاااااااااااااا ياغالي هذه السيارة ولا بلاش والله اتمناها لك قبلي

لكن أخاف عليك من مشاكلها الله لايقولها

بس أقولك شئ ممكن يعجبك

من يوم ماعرفت الكريسلر هذه والله ماسمعت لها عيوب او مشاكل تقنية

لكن كلام الناس الي يضيع الواحد والله وانا اقصد الي يتكلم على مشاكل سيارات المتحدة القديم

وتراني انا متابع لمنتديات كثيرة والي تعشق الكريسلر ومالقيت الى الآن حد يشتكي منها منيوم مانزلت بالأسواق

حتى منتدى أمريكي مختص بالكريسلر 300 سي

استفسرت عندهم عن عملانية السيارة معهم ولقيت ان الي معهم موديلات 2005 فما فوق ماحد اشتكى

ايضا اذا انت عارف من أمور الوكيل اتمنى ان الأمور تسير تمام

لكن لو تآخذ العادية مش السبورت لأقتصادية محركها حقت الي يقلب الأربعة سلندر او ثمانية

وكذا امتلكت شئ الأفالون ماعندها هذه الميزة ( التميـــــــــــــــــــز )

3 - لكزس 430 موديل 2003 (( لا تعليق بصراحة ))

شوف تآخذ اللكزس بتحس إنك رجعت للأفالون لأنهال بدون ملاحة موديل 2003

الملاحة لموديل 430 يبدأ من 2004 حتى 2006

لكن كرأي باتلسيارة اصبح قديييييييم

4 - كيا اوبيروس فل كامل (( لا تفوتكم ))

الكيا أوبيروس حلوة لكن ماعرف الا واحد مجربها من منتدى ثاني

اذا حبيت اكلمه من عيوني

5 - نيسان مورانو (( حلوه بصراحة وبديت أقتنع بوكيلها نيسان ))

السيارة ممتازة وطابعها رائع لكن لو تفكر بالأنفينتي هذه هي السيارة الي اتمنى منك تشوفها

وخاصة ان موديل 2006 فيها عرض ب145 الف ريال

6 - فورد ميركوري قراند ماركيز موديل 2008 فل كامل (( الفورد يبقى سيد السيارات ))

سيارات كلاسيكية

وفيها قوة تحمل ويشهد كل الناس لكن احس انك ظلمت السيارات الي قبل ان فكرت بالفورد

وترا على فكرة موديلات 2008 هي موديلات 2007 مخزنة والشركة بأمريكا وقفت الفورد خلاص

7 - لينكولن تاون كار سيقنتشر او كارتير أو اكزيكيوتيف موديل 2006 أو 2007

ودي انك ما تفكر بالسيارات هذه وخصوصا فورد وميركوري ولنكون ( شركات ماعمري اطيقها )

8 - مرسيدس فياغرا 2005 طبعا 350

عمي في الرياض عنده وحدة لكن طابعها فخم وحقت ناس كبار في العمر

وأحس ميولك شبابية

اذا انت مصر بالمرة خذ الفئة هذه لأنها بتريحك من باقي الفئات ال500 وال600 لأنها ذو تقنيات معقدة وبتكاليف

9 - جمس تاهو (( أكثر شي أفكر فيه ))

نسيبي عنده واحد وماشاءلله السيارة رائعة خصوصا لو تأخذ فل اوبشنز

او فئة الZ71 الرياضية

على الرغم من غلاها ب150 الف طبعا موديل 2008



اخوي أحمد انا أختصر لك السيارات الي اشوفها برأيي النها انسبلك والباقي عليك :

طــــبعا بالترتيب :

كريلسر 300 سي العادية أو الرياضية

انفينتي اف اكس 35

ليكزس جي اس 430

انفينتي M35 الي بتنزل في الوكالة عما قريب

شفروليه تاهو ال LTZ او الرياضية ال Z71

ليكزس ال اس 430


وتقبل مروري

واتمنى منك الا تقطع بنا في المستقبل القريب

سيووونارا ( وداعا )

[مجنون الأفالون]

حبيبي والله أفالون وبس

طول عمرك ردودك تشرح القلب وتثلج الصدر


وكلامك سليم وصحيح ميه بالميه

وشكلي باخذ كرايسلر وأريح راسي

الماكينة هيمي ... تكفي

تحياتي لك

وننتظر إتصالك

[& ابو فارس &]

أخوي مجنون الأفالون


الحقيقة مافيه إلا حاجة من ثنتين :



* إما أن السيارة الي معك سيارة أخرى غير الأفالون أو أنها مصنوعة في الصين وليست في أمريكا مثل الي عندنا ..

* أو أنك تبالغ الى حد كبير وتضخم من المشاكل التي واجهتك في السيارة ..


إن كنت تريد الأفضل وتتمنى الحصول على سيارة أفخم من الأفالون

فليس من حقك أن تسيئ الى الأفالون بهذه الطريقة


ولو إفترضنا وجود بعض ما ذكرت من العيوب وإن كان أكثرها لم تواجهني على الإطلاق ولله الحمد

وسيارتي ماشية أكثر 20000 ألف


أقول لو افترضنا وجودها

فلا يعني أن تكون سببا في بيع السيارة خصوصا إن كنت مقتنع بها



أسمحلي أخوي مجنون الأفالون

أشعر أنك لم تكن مقتنع بالسيارة عندما أشترتها

أو أنك لم توفق بها .. والتوفيق والمباركة من الله أمر مهم وهو الأساس



عموما أعذرني أخي الكريم على صراحتي وهذا يعلم الله ليس دفاعا عن الأفالون بقدر ما هو إحقاق للحق

ونظرة منطقية وصادقة دون مبالغة ولا تحيز


وأما فيما ذكرت من السيارات التي تنوي شرائها


صراحة الـ ( كريلسر 300 سي ) سيارة جميلة جدا ومميزة ومكينتها جبارة


والله يوفقك ويسدد خطاك

[وااوأفالون]

والله يإخوي مجنون سيارتك غريبه إعذرني إتفق في رأي مع أخوي أبو فارس

[مجنون الأفالون]

شاكر مروركم

تحياتي

[فله ( افالون )]

الله يكون في عونك

تبي الصراحه هذي الاشياء بديت الاحظها في سيارتي

وهو والله من الطرق الشينه

[مجنون الأفالون]

مشكور اخوي فله أفالون على مرورك

مو انا وانت بس عزيزي

راح نشوف غيرنا


تحياتي لك

[عاشق هيونداي]

اخوي مشاكلك غريبة و عجيبة

انا سمعت و قريت عن بعض المشاكل في الافالون

لكن اللي عندك يخلي الواحد يهج عن السيارة


بالنسبة للخيارات اللي عندك

لو تضيف معهم هيونداي ازيرا بعد

انا عندي وحدة فل بدون شاشة


السيارة ماشية 64000 بدون اي مشاكل


السيارة 2007 و لها 11 شهر

[سيف الصقر]

صراحة ....

اخاااااف انك تندم على البيعة ذي

وانصحك بالاستخاااااارة

ومن ناحية العيوب اللي ذكرتها احب اقول من ناحية السرعة 160 - هاذي سرعة زادة مرة -

ولان الافالون دفع امامي فااكيد انو بيكون فيها رجــة