بسم الله الرحمن الرحيم
اولا وقبل كل شي
لازم الجميع يعرف ان هذيه السيارة اللي بتكلم عنها هي تويوتا افالون
يعني سيارة يابانية من انتاج شركة جمعت بأحد مصانعها الخارجية (( بالولايات المتحده الأمريكية))
لاهي مرسيدس ولا بي أم ولا اودي (( وهذي السيارات اللي يعتقد البعض انها كامله - والكامل الله)) ولو سألتوهم بيقولو لكم عيب ماتخطر على بالكم
وابدأ بميزاتها التاليه:
1. وأهم نقطه على الأطلاق : الرحابة الداخليه للخمس ركاب.
ورد بأحد التقارير ان الأبعاد الداخلية لسيارة تويوتا افالون هي نفسها الأبعاد الموجوده بالمرسيدس الفئة S موديل 2004، وهذا تلاحضة لما ترجع كرسي السائق للأخير واللي وراك لايشتكي ابدأ من الضيق
وطبعا ترجيع الكرسي هذا للي طوله فوق 190 م وحنا العرب الطويل فينا 180 والأغلبيه مابين 165 و 175 يعني ماتحتاج ترجع الكرسي للأخير .
2. الشكل الأنسيابي الخارجي والطول الدال على الفخامة :
يمكن البعض تكلم عن مشاكل الافالون بالتنسيم - وانا اعتقد ان سبب هذا التنسيم هو الشكل الأمامي الأنسيابي اللي كان يحتاج نظام عزل صوت مثل ماهو متواجد بالسيارات الألمانية - والبعض يقول ان من عيوب الأفالون هو طول هيكلها ، وانا اقووول ان اهم مايميزها ويدل على فخامتها هو طولها ، وإلا ليش ماصنعو البيئم والمرسيدس الأحجام الكبيرة قصيرة - الطول هذا هو للسيارات الفخمة.
3. الماكينه المؤلفة من 6 اسطوانات ب280 حصان:
بصراحة انا قبل لاشتري افالون سمعت عن قوة مكينتها - وانها تنطلق من 0 إلى 100 بـ 6 ثواني ومن 0-200 بـ 24 ثانيه ، وبعد مامتلكتها ومع استعمالي اليومي لقيتها تجيب تسارع اقل رغم حجمها ، واثبتت لي السيارة انها تقهر اقوى السيارات اللي متعارف عليها بقوتها من هذيه الفئة، بل تقارع السيارات التي توصف بأنها اسبورت ( واظن الجميع تكلم عن السيارات اللي تقهرهم الأفالون ) واكثر شي حبيته بالسيارة كان تجاوب المكينه القوية للطلعات القوية اللي زرتها باليمن رغم عجز اغلب السيارات بهذه المنحدرات القوية.
4. راحه بالسفر بشكل خيالي:
نعم قطعت فيها بإسبوع اكثر من 6800 كيلو ، وقد ذكر بأحد المواضيع تقرير مفصل عن هذا المشوار ولاحضت التالي:
أ. الأقتصادية المبالغ فيها بالخطوط الطويله بالسرعات مابين 120-170 :
كانت السيارة تمشي معاي بالسفر بالفل تانكي مايقارب 590 كيلو بمعدل 8.6 لتر لكل 100 كيلو
يعني كنت ماهتم لموضوع البترول ولا للمحطات اللموجوده بالطريق إلا كل 400 كيلو والعداد يكون لم يدخل بالربع الأخير للبترول
ب: قوة التكيف عند السفر:
لاحظة ان بعد 30 كيلو من بداية المشوار الآقي نفسي ابدى اخفض المكيف لأنزل المستويات نظرا لإستمرار المكيف بمعدل ريس واحد ، وهذا ماتشتهر به السيارات التابعه لتويوتا.
ج- التجاوب السريع عند الحاجة او بالتجاوزات الخطرة :
واهم مايميز السيارة عن غيرها من السيارات انها عائلية بس بداخلها ماكينه رياضية تتجاوب بشكل سريعه وبهدوء تام للنتقال من وضعيه معينه إلى وضعيه اقوى وتجاوز السيارات التي تمشي بمعدل 120-140 كيلو بالساعه.
د- الرحابة الداخلية للشنطة الخلفية:
ومن اكثر مايميز الأفالون هي المساحة الكبيرة المتوفرة بالشنطة الخلفية لشيل مايقارب شنطيتن من الحجم الكبير وبعض الشناط الصغيرة الحجم .
هـ- انسيابيه تامه بالمطبات الخفية بالشارع.
يعني وقت ماكون مسرع وتجي نزله بالشارع الاقي السيارة تسبح فيها بتناقم تام
وهذا اللي لاحضتة بالسفر
5. نظام التكيف القوية بالأفالون:
يمكن البعض اشتكى ان المكيف مع الإيام بدى يضعف ، والسبب هو فلترها الثنائي وفي واحد فيها لازم تغيره كل فترة او اضعف الإيمان انك تنظفه وشوف الفرق الكبير مع تحكم من المقود بدرجات الحرارة- واضن الجميع يشهد لمكيف التيوتا ---- وماننسى تكيف وتسخين الكراسي .
6. النظام الصوتي المييز:
يتألف النظام الصوتي مكون من 12 سماعه متفرقة لتعطي صوت مسرحي يدخل بالجو المناسب بالموضع اللي تسمعه مع نظام امبليفاير متواجد بالسيارة من الشركة.
7. التشكيله الرهيبه للشكل الداخلي للمقصورة:
والجميع لاحظ ان الأسلوب الجميل الجديد للمسجل الذي يغطى باب متحرك والأدراج الوسطى مع دمج لون الخشب (( التيك )) مع اللون الحديدي ليعطي الطابع الأنيق مع الروح الرياضي.
8. شاشة حيوية لعرض اهم الأمور:
عرض درجات التكيف مع طريقة التهوية للنظام
عرض درجات الحرارة الخارجية
عرض جميع معلومات المسجل
عرض بعض المشاكل الطارئة ان حصلت
عرض معدل استهلاك الوقود
عرض مدة تشغيل السيارة
عرض الكمبية المتبقية من البتروول لقطع كل السافة عليه
9. الجير التربتونك (( عادي +توماتيك )):
وهذا هو مايخلي الأفالون من السيارة تعطيك طابع رياضي عند الشعور بالرغبة لذالك مع الطابع العائلي
ومارح ازيد بالشرح عن هذا القير المميز والقوي بنفس الوقت
10- نظامي منع الإنزلاق ونظام الإلتصاق بالأرض :
نظام منع الإنزلاق هذا يشتغل في حال تعرض السيارة للزحف بالطريق وتثبيتها تلاقئية بدون تشغيله
ونظام الإلتصاق بالأرض وهو عند الدعس المفاجئ مايخلي السيارة تحفر بالأرض ويضبط دوران العجلة الأمامية بالعجلة الخليفة .
11- كراسي الكهربائية مع ذاكره التخزين للسائق :
واكثر مايميز السيارة بنظري هو لما واحد غيري يسوق السيارة
ةانا جاي بلمسة زر بالريموت الذاكرة تشتغل وتضبط وضعيتي بالكرسي مع المرايات الجانبية
واذكر ان واحد استغرب لما استعمل سيارتي انه كل مايركب السيارة يعدل الكراسي(( يقول من يلعب عليهم ))
12- لون الجلد البيج الفاتح المميز:
وبصراحة اللي يمشي من جنب السيارة يلاحض مباشرة لون الجلد المميز المتناسق مع نوعيه هذة السيارة المميزة من انتاج تويوتا.
13- الرنجات المميزة بحجم 17" (( الجنوط )):
طبعا ان شفت الجنط للأكس أل او الليميتد بتلاحض ان السيارة مميزة بكل مافيها حتى بجنوطها.
14-المفتاح الذكي:
اظن البعض ذكر عيوب هذا المفتاح ، بس لو كان هناك عيب فيها ماكان تويوتا تهورت ونزلته على اللاندكروزر في اكس ار 2008 
، وبصراحة هذا النظام مميز واللي يقول هو احد العيوب بقوله للأسف انت ماتواكب التطور وعاجبك المفتاح اللي تحب تحك اذنك فيه وقت الحاجة (( خخخخخخخخخ))
15- الإستشعار بقرب السائق من السيارة:
مجرد ماتمشي من قرب السيارة بتلاقيها تقووولك تفضل بلهجتها الخاصة ، فتقوم بإضائة المقصورة الداخليه للسيارة مع اضاءة المرايا الجانبيه للسيارة عشان تشوف وين تحط رجلك بالشارع ، مع مستشعر لليد بمقابض الباب بمجرد اللمس ، وامكانية غفل الأبواب بلمسه بمغبض الباب
16- التعكيس للمرايات الخلفية:
طبعا اذا قلنا تعكسي للمراية اللي تشوف فيها للخلف بتقولون عادي ، بس لو قلنا ان المرايات الجانبيه تعمل مع المراية الداخلية للسيارة ، بيكون هذا هو السي المش عادي واحترم تيوتا على الحركة الجميله منها لهذا الموضوع.
17- استعمال الهرن (( البوق )) الأمريكي الصنع:
طبعا الجميع يعرف هرن السيارة الخاصة من تويوتا ، وتقدر تميزة قبل لاتشوف السيارة بس الأفالون غير
هرنها هو الهرن المتواجد بالسيارات الأمريكية والألمانيه وهو اللي يعطي الطابع الفخم بالسيارة.
18- نغمة اللكزس عند الفتح والإغلاق:
طبعا البعض اشتكى ببعض السيارات بالذات الأمريكية ان وقت استعمال الريموت يطلع صوت هرن بالسيارة يخلي الكل يسمعه ويكون مزعج بالليل داخل المناطق المسكونه، بس بالأفالون وضعوا الصوت الموجود باللكزس ، ليعلمك انك قد غمت بإغلاق السيارة ، وتحذيرك بنغمة متواصلة اذا كان احد الأبواب مفتوحة.
وهذا قليل من كثير اللي اقدر اذكره بهذه السيارة
مع العلم بأن اي سيارة لاتخلي من عيوب
فمابالك بسيارة مضلومه من الوكيل اصلا
