[ابو سعود 686]

السلام عليكم ورحمة الله وبركاته


ممكن احد نزل الموضوع لاكن ماعليه ابطرح هالموضوع لعل نحل فيه فايده


ابدخل بصلب الموضوع على طول


واحد من الشباب معه كابرس 2007 LTZ امس طلعت انا واياه على سيارتي المهم

يوم رجعنا رحت اوديه لبيتهم حصلنا المفاجأة بالكابرس ؟؟؟؟










وش هي المفاجأة








الله لا يجزاهم خير عيال الحرام كاسرين قزازة الراكب

وسارقين الاوراق الثبوتيه للسيارة وسارقين الاستبنه

المهم السيارة ولله الحمد مؤمنة تامين شامل دقينا على الشرطة جو ورفعوا البصمات

واخذنا تقرير عاد اليوم راح صاحبي للوكالة وقال لهم الموضوع

قالو مافيه قزاز ولا جنوط وخلك على الانتظار قدامك 25 شخص مسروقه سياراتهم كلها كابرس 2007

العجيب بالموضوع ان الكابرس 2007 مافيها نظام اما بمعنى ما تظرب بواري عند كسر الزجاج

قهرررر والله موتر بأكثر من 100000 مافيه نظام امان


معليش على الاطاله لاكن شي من جد يقهر



والله يستر علينا وعليكم

[ابو سعود 686]

الزيارات 17 ولا رد

[بو سعود]

والله ما ادري لاكن هالايام رجعت موضة خخ سرقة السيارات

وخصوصا الكوابرس مدري ليه

[اسبرين]

البلد وش اللي صاير فيه ...

والكابريس .... لاتعليق

[ابو سعود 686]

مرحبا بو سعود

الله يستر السرقات كاثر وخصوصا الكابرس

الشرطي اللي جاء لموقع الجريمة قال لنا بعد حلقة طاش ماطاش الحراميه من بكره 18 حالة سرقه

بشرق الرياض فقط بيوم واحد

[ابو سعود 686]

مرحبا اسبرين


الله يستر ويكفينا واياكم شر عيال الحرام


والكابرس اللي يساعدهم على سرقتها مافيها نظام امان يعني لو تكسرها تكسير ما تظرب بواري

[مـــــــزاجي]

افا ...........عاد انا ناوي ودافع دفعه اولى الظاهر انك بتخليني اهووون

الله يستر بس

[المنسق]

الله يعوضه خير ان شاء الله


وفضائح هالكابرس واجد وعيال الحرام اكثر

اسأل الله ان يجبر قلبه لي زميل في العمل سرقه سيارته من مواقف العمل في 2004 الى اليوم ماش خبر عنها السياره لند يدييييييد ب 185 ألف ما غسلها وكاله...........

اما مسأله القزاز قله يصبر العوض ولا الحريمه وانا اخوك

[ابو سعود 686]

مزاجي


اقولك مبروووك مقدما لان الكابرس 2007 افضل من 2006 ولا تهون كانك توقفها داخل البيت معليها الا العافيه ان شاء الله

[ابو سعود 686]

حياك المنسق على مرورك


والله يعوض على زميلك بسيارة افضل من اللي انسرقت منه

[شبلان]

لاحول ولاقوة الابالله

تصدق عاد حتى لو عندك ددسن 84 سارقينها سارقينها

حسبي الله عليهم

[عازف وتر]

لاحووووووووووووووووول ...... ياجماعه الخير يا اخوان ياشباب ياهل الرياض وش السالفهههه؟؟؟؟

كل مره نسمع خبر سياره مسروقه ليييييه؟؟؟؟ وين الامن ؟؟؟ والله كذا مايصير والله... لزم يوضع حد لمرتكبي الجرائم هذي في البلد ويبدون يقصون ايادي عشان يخافون الباقي...

والله اني حزين اشد الحزن على هذا الرجل الي انسرقت سيارته وعلى كل عضو وكل شخص مواطن او وافد تعرض لعمليه مثل هذي...

الله ينتقم من الحراميه هذيلي..

[عاشق عذاب]

الله يعوض عليه

السرقات موضه جديده انتشرت بشكل واسع

حي من احياء بريده صار فيه اكثر من 25 سرقه بأقل من شهر !!!!!!!!!!!!!!!!

بقولكم آخر نكته قبل كم سنه واحد من الشباب مكسور مثلث السياره ومسروق المسجل وعطر

وبعض الاغراض البسيطه لكن النكته هيا

الاستماره مقطعه حته حته وحاطها على الطبلون وكاتب بورقه صغيره ((معاليش))هههههههههههه

[بلحروووز]

ترا ال 2008 نفس الكلام بدون انذار

و انا اعرف واحد كسرو له الزجاج و سرقو الاستبنة

و موديلها 2008

والله يستر من هذه الموضة

و دمتم ,,,

[ابو سعود 686]

مرحبا عازف وتر

لاحووووووووووووووووول ...... ياجماعه الخير يا اخوان ياشباب ياهل الرياض وش السالفهههه؟؟؟؟

كل مره نسمع خبر سياره مسروقه ليييييه؟؟؟؟ وين الامن ؟؟؟ والله كذا مايصير والله... لزم يوضع حد لمرتكبي الجرائم هذي في البلد ويبدون يقصون ايادي عشان يخافون الباقي...

والله اني حزين اشد الحزن على هذا الرجل الي انسرقت سيارته وعلى كل عضو وكل شخص مواطن او وافد تعرض لعمليه مثل هذي...

الله ينتقم من الحراميه هذيلي..


جزاك الله خير والواح ما يقول الا حسبي الله ونعم الوكيل

[ابو سعود 686]

شبلان

لاحول ولاقوة الابالله

تصدق عاد حتى لو عندك ددسن 84 سارقينها سارقينها

حسبي الله عليهم


عاد تصدون شباب ان صاحبي ما صلح السيارة على حساب الوكاله صلحها على حسابه لانهم قالو له ادفع

1500 قيمه التامين واشترى استبنه من الغرابي جديدة مره واصليه ب 900 والغريب انها نفس تاريخ كفراته اللي راكبه على السيارة ؟؟؟؟؟؟

[ابو سعود 686]

عاشق عذاب

مشكور على مرورك والله يستر الحين السيارات تسرق من وسط البيت

مره واحد بالقصيم ببريده مسروق جيبه الشاص من وسط البيت وهو نايم ؟؟؟؟؟