[اسمنت المكيرش]

السلام عليكم
وش تنصحوني بكامري GLX2008 فل كامل أوتو

أو ألتيما 2008 - 4 سلندر فل كامل

الألتيما فيها نظام بصمة وحساسات اصليه وبلوتوث وجنوط 17 وتشغيل ذكي والكثير

الكامري ما أعتقد تخفى عليكم مواصفاتها

بدون تعصب الكل يدلي برأيه

وفقكم الله

[صلاح الطبراني]

انحش عن الالتيما ترا صيانتها متعبة وقطع غيارها غالية

بس كموتر فخم وقوي فهي حلوة بصراحة .


بس خويي عنده التيما 2005 ومطلعة روحة تنسيم هواء والقير يطلع به اصوات هذا غير الاصوات الي تجيء من السيارة نفسها .

غير كذا يا اما تشتري التيما 6 سلندر فل كامل ولا ترا ما كانك شريت التيما = يعني كنك تروح الشرقية ولا تروح للبحر

[كمر لون القمر]

^
^
^
اقولك مثل مايقول صلاح الطبراني طلعلك كامري se وريح نفسك

[الوريث]

بأمانة أظن الألتيما أفضل

ولكن الكامري تمسك سعرها عند البيع

[نقطة بداية]

الالتيما 2008 افضل واحلى بكثييير
ومواصفاتها عاليه جدا
وسعرها مناسب بالمقارنه مع مواصفات الكامري الحاليه
انا لو مكانك بآخذ التيما وانا مغمض مواصفات وقوه وعزم احسن من الكامري
مع احترامي لاصحاب الكامري والكامري2007اللي كانت معي قبل سنه
ولا تنسى ان الكامري جودتها عاليه لكن المواصفات لا تقارن بالتيما2008
في الاخير اقول التيما 2008 وما راح تندم وقطع الغيار مقدور عليها ترى ما هي غاليه ذاك الزود

[مخاوي لكزس]

التيمااا وانت مرتاح خاصه وان الشكل جديد يعني اربع سنين قدااام والشكل مب متغير الا جنوط او شبك زي كذا.... وحاول تاااخذ v6

تقبل مروري

[الهايم وهو نايم]

شوووووووف اخوي اذا كنت تبفى موتر رزة ودلع وتبي تستخدم يعني تجلس معك اكثر من 4 سنين التيما وخذها فتحة جناح واهم شى الجناح ,,, واذا كنت تبي موتر كرف ويمسك سعرة الكامري

[عاشـــق اللاند]

اخوي فرق السماء عن الارض,,

الكامري اوسع واحلى من الداخل والخارج اما الالتيما حلوه من الخارج ومن الداخل ضيقه وغير مريحه أبدا انا اليوم راكب الكامري ومقارنها بالاتيما فرق وربي روح للوكالتين وجرب

[جاسم اوريون]

الكامري السبوت يمحط الالتيما الاربع 4 سلندرات لانه خفيف

[الــمــســافــر]

خذ التيما مواصفاتها مررررره حلوه وشكل روعه وجديد

[سباقات القطيف]

ابعد عن الالتيما اخي احسن لك , وانصحك بالكامري الرياضي ,, .,,,, نصيحة مجرب..