[كمورة القمورة]

السلام عليكم
شلونكم شحوالكم

المهم شباب هلى صحيح انا الزنون يلغي الضمان لان في شباب اعرفهم واحد يقول يلغي والثاني يقول لا ماليغي الضمان فأرجوو من لديه الخبره او التجربه عن ذه الشي يعطيني الخبر اليقين ودمتم بووود

[كمورة القمورة]

up

للرفع
up

up

[شرقاوي ناوي]

اذا كان التركيب في الوكاله وبقطع من الوكاله لا يلغي الضمان واما اذا كان غيرها فالله يعينك سيلغى الضمان اول ما يشوفونها يكتبون في السجل عندهم ولكن ضمان الكهرباء فقط

[الحجيلان]

زي ماذكر أخونا شرقاوي ...

لكن في محل بجدة والله الوكالة نفسها ما تقدر تسوي مثله يركب الزينون تركيب ماهو صاحي وشغل نظيف ومرتب وما يركب إلا أفضل الأنواع والوكالة ما قدرت تعرف حقت خالي مركبلها زينون يظنون إنها وكالة ....

[فارس الرياض]

انا عن نفسي مركب زينون ومركب ريموت كنترول انذار وقفل على الكفرات على سيارتي 2007 كامري glx ودخلتها على الضمان 3 مرات ولا احد دري ولا احد جاب خبرها _ وعقبها دريت ان عبداللطيف جميل صيانته مثل وجهه المكان وكاله عبدالطيف جميل في القصيم

[كامري كاشميري]

سلام على الجميع
لا يا حبايبي الضمان ما يتلغي عشان الزينون عاد حلوه ممكن اللي يتلغي ضمان الكهرباء لاكن مستحيل انو يلغولك ضمان السيارة بالكامل انا قدر الله وصار لي حادث من قدام وصلحته في الورش بره وخفت انهم يلغوا الضمان لاكن الحمد لله الضمان زي ما هو موجود حتى على الاجزاء الامامية من السيارة
ويا اخ فارس الرياض حرام عليك تقول ان صيانتهم زي وجههم تراهم دارين عنك كل شي ولعلمك السيارة يتم الكشف عنها بالكمبيوتر وتبين كل فضايحك اللي مسويها بالسيارة هههه اسف حبيبي

[الــمــهــااااجــر]

المشاركة الأصلية كتبت بواسطة فارس الرياض

انا عن نفسي مركب زينون ومركب ريموت كنترول انذار وقفل على الكفرات على سيارتي 2007 كامري glx ودخلتها على الضمان 3 مرات ولا احد دري ولا احد جاب خبرها _ وعقبها دريت ان عبداللطيف جميل صيانته مثل وجهه المكان وكاله عبدالطيف جميل في القصيم

ممكن توضح أو يوضح أحد ممن فهم وش يقصد بقفل على الكفرات يعني هل هناك قفل أقفل الكفرات لو كان أحد بيسرقها مايقدر حتى لو يبون يسحبونها مايقدرون

[فارس الرياض]

المشاركة الأصلية كتبت بواسطة كامري كاشميري

ويا اخ فارس الرياض حرام عليك تقول ان صيانتهم زي وجههم تراهم دارين عنك كل شي ولعلمك السيارة يتم الكشف عنها بالكمبيوتر وتبين كل فضايحك اللي مسويها بالسيارة هههه اسف حبيبي

وانا خوك الصيانه تعتمد من مركز لمركز واذا على كلامك تقول دارين وش انا مسوي بالسياره انا طلبت منهم يبدلون لي الكفرات بعد 25 الف وكنت حاط قفل على الجنوط علشان ماتنسرق ومفتاح القفل كان موجود معي

طلعو لي السياره وقالو لي تفضل السياره كل الي طلبتها منا لبينها لك وامر تدلل

يعني عبداللطيف جميل نصاب لا بدل كفرات ولا شاف بالكمبيوتر ولا حتى شاف بعيونه

[فارس الرياض]

المشاركة الأصلية كتبت بواسطة بـريـق الـشـوق

ممكن توضح أو يوضح أحد ممن فهم وش يقصد بقفل على الكفرات يعني هل هناك قفل أقفل الكفرات لو كان أحد بيسرقها مايقدر حتى لو يبون يسحبونها مايقدرون

قصدي قفل للجنوط

[بقايا جـروح]

قصدي قفل للجنوط

معليش داخل عرض

وش هو قفل الجنوط ممكن توضح أكثر ووين نحصله

[القلم الساحر]

الزنون لا يلغي الضمان
لكن الله يعينك على المرور بيزعجونك مخالفات

[جاسم اوريون]

الزينون في غير الوكاله يسقط كفالتها على الكهرباء فقط

[كمورة القمورة]

المشاركة الأصلية كتبت بواسطة القلم الساحر

الزنون لا يلغي الضمان
لكن الله يعينك على المرور بيزعجونك مخالفات

انت متأكد اخوي انه مايلغي الضمان والله نص ونص

واذا على المرور لا تحاتي الكامري 2008 انوارها عدسات يعني ماتنشر النور عشان ماتعشي العالم

ومشكورين حبايب على التفاعل واتمنى التفاعل من اشخاص ركبو الزنون

ودمتم بوود

[كمورة القمورة]

الليله جيتكم ومعي الخبر اليقين... ((رحت الوكاله متعني عشان بس أسأل المهندس :: المهم سلمكم الله سألته هل الزنون يلغي الضمان ؟؟
رد علي وقال لا مايلغي اذاما خرب الضفيره يعني اهم شي الضفيرة ماتضرر

يعني لما بتركب زنون انتبه وشوف لك نوعيه ممتازه وبدون ترهيم يعني مخصص حق كامري والزنون تبع الكامري 2007 و2008 يكون H7

والسلام عليكم

[كامري مجنونة]

مايلغي ولاشي

ركب إلي تبغاه

بس تأكد إنه مافيه ضرر بالسسيارة !