[غليفص]

السلام عليكم ورحمة الله وبركاته
كيفك حالكم شباب

بصراحه انا عندي استفسار خلوني اقولكم السالفه اول.

قام احد اللصوص الله لايوفقه بسرقة اغراض من بيتنا ومن ضمن الاغراض ريموت سيارتي الافالون(السبير)
وانا خايف يسرق السياره ومدخل السياره بالبيت الين القى حل

السؤال \ هل اقدر اغير برمجة الريموت بالوكاله والا لازم اغير قطع الريموت كامله؟************ وهذا موكلف


ومشكوووووووووووووووووووووووووورين

[مستشار العين]

تقدر تلغي برمجة الرميوت المسروق
طبعا الموضوع بيكلف شوي لانه بيمسح البرمجة القديمة وبيحط برمجة يديده

[ميتم الروح]

محد تكلم قبل في المنتدى عن برمجة الريموت و خصوصاً في حالتك هذي،
أقترح عليك مراجعة الوكالة

و الشباب ان شاء الله ما يقصرون وياك

[ابوفيصل]

وعليكم السلام ورحمة الله وبركاته ، حياك الله اخوي غليفص وكان الله بعونك

بالنسبة لمشكلة الريموت اتوقع اخوي انها تنحل بالبرمجة ان شاء الله لان الريموت الثاني موجود معك

واذا بتشتري ريموت جديد بدل المسروق فاذكر اذا ماني غلطان ان احد الاخوان قال ان الريموت الجديد مع البرمجة في حدود 1000 ريال

تحياتي لك اخوي

[الكترو]

المشاركة الأصلية كتبت بواسطة ابوفيصل

فاذكر اذا ماني غلطان ان احد الاخوان قال ان الريموت الجديد مع البرمجة في حدود 1000 ريال

يلعن ام الاحتلال والنصب قطعة اصغر من اصبعي بـ1000 ريال ياه اخوي ابو فيصل انت متاكد ولا مو متأكد بصراحة السعر جنوني واعتقد حقه اقصى شي اذا كانت الوكاله تبي تاكل فلوسك تقول400 ريال للريموت ما زاد عن هذه فهو جنون ونصب واحتيال كما ذكرت


وبالنسبه لاخوي غلفيص اقول لك ما يحل مشكلتك هذي الا الوكالة اذا كنت تبي الريموت الي معك تتم اعاده برمجته على السياره بحيث ما يتحكم فيها ا الريموت الي مع الحرامي فالمساله اسهل شوي
اما اذا كنت تبي ريموت جديد فهم عارفين انك مظطر تبي تشتريه منهم حتى لو يقولون بــ5000الاف نصابين وملاعين

[ابوفيصل]

والله اخوي الكترو فعلا التكلفة كثيرة جدا ولو سالتهم راح يقولوك هذا ريموت تشغيل ذكي مو ريموت عادي

وانا بحثت عن السعر ولقيته في موضوع اسعار قطع غيار الافالون وكان الرد للعضو بنت الخزان

وهذا الرابط مشاركة رقم ( 80 ) طبعا السعر اللي ذكرته بنت الخران بالدرهم الاماراتي واتوقع السعر ما راح يفرق كثير عندنا

حصريا اسعار قطع غيار الافالون

[ميتم الروح]

أتصور بإن ما راح تطلب الوكالة منك تدفع حق ريموت كنترول جديد،

مجرد تكاليف البرمجة الجديدة لا أكثـر ،
إلا إذا حبيت تشتري ريموت ثاني حق السبير ، فهذي قضية ثانية

[الحـ(درب)ـب]

الله يعينك

سعرة عندنا بقطر 800 ريال

اسأل مجرب

[بنت الخران]

بعد الخصم النهائي

750 درهم

فى مصفح الفطيم


بس هذي البرمجه للريموت مش للسياره ؟؟؟

هل هيه نفس الشئ ؟؟

بسأل الوكاله وبرد عليكم خبر ان شاء الله على السريع

[بنت الخران]

الخبيير فى اجازه اليوم ما لحقت علييه

والمساعد له يقول لازم تجيب السياره للوكاله

جرب وديها الوكاله واسئلهم

وبكره ان شاء الله برد عليك بالخبر اليقين عن برمجه السياره للريموت الجديد

والسموحه

[بـــــــوفــهد]

يعطيج العافية يابنت خران

[انا عزوز]

احد الاصحاب معه جيب Vxr اضطر يغير البرمجة مع المفتاح ب 4500 ريال !! لاحظ انه جيب وليس ريموت تشغيل ذكي فاتوقع اذا طلع لك ب1000 يكون السعر مغري ونصيحتي اتصل باكثر من فرع وراجع افضلهم سعراً

[بنت الخران]

الرموت كنترول لو احد اخذه او سرق منك المفتاح الذكي

وحبيت تستبدله بهذا سهل للغايه

بمجرد الذهاب للوكاله وطلب المفتاح الجديد وخلاص بيتوفر لك بنفس البرمجه السابقه لسيارتك بكود معين لكل سياره افالون فى المفتاح الذكي الجديد للسياره المستخدمه

ولــــــــــكـــــــــــن


اذا احد سرق المفتاح بنيه سرقه السياره او ما تحتويها من اشياء

فأنك تقدر ان تستخدم الاسبير او اصدار مفتاح جديد

بس برمجه السياره اشوي صعبه بالنسبه للوكاله


لأن

نظام المفتاح الذكي مربوط بثلاث كمبيوترات فى الافالون والافلون يحتوي على 4 كمبيوترات تحكم

تبديل النظام بالكامل بالمفتاح الذكي

والشئ الاخر بأن فى احتمال فى المفتاح المسروق او الضائع بأن يعمل حتى مع النظام الجديد والله اعلم

وتكلفه تبديل النظام حوالى 5 الاف درهم

وهناك حل ممكن المرووور فيه وهو برمجه السياره والرموت الذكي بدوون تبدييل اي قطعه

وهذي التكلفه مجرد مان بور شغل العامل يكلف حوالى الاف درهم بمجرد بدا العمل فيها وهذه احتمال بعدم مقدره تغيير النظام السابق


والشئ الاخير ان تراجع الوكاله عند كبيير مهندسي الكهرباء والصيانه فى الورشه واخذ الاشتشاره منه فى نطاق هذه الحالات

وما الحل اذا بأمكانك تقليل التكلفه بس بالبرمجه او حل أخر يكون نهائي للمشكله





وهناك رجاء مني للجميع بالمحافظه على المفتاح الذكي فى مكان أمن لا تصله اي يد

والا صارت العواقب غير حميده في عدم حفضها واذا كان كذالك وفهو قضاء وامتحان من ربك فتقبل واعو الى الله تعالى بتيسير امورك ان شاء الله


بارك الله فيكم ويسر اموركم ان شاء الله


ولكم العافيه


والسموحه على التقصير