[ابو البتول]

ذهبت اليوم الى تويوتا وطلبت فورتشنر 2008 vx2 جير اتوماتيك اللون ذهبى
السعر كاش 108000
ولكن بحكم انى مشترى ايجار منتهى بالتمليك صار السعر 144000
الدفعة 35000
الاقساط 1611 على اربع سنوات
مع دفعة تمللك 32000 تقريبا
هل برايكم السعر مناسب والامبالغ فية
الرجو الرد من الاخوان الذين سبق لهم الشراء

[الأستاذ محمد]

هذا نفس سعر العام الماضي وماتغير إلا سعر السيارة كاش من 105000 ريال إلى 108000 ريال وفي كل الأحوال أبو جميل في الإيجار هو الكسبان وماأقول أنت الخسران لأنه كل واحد وظروفه في الإيجار كم بيدفع كل شهر وكم الدفعة الأولى والأخيرة يعني المجبر على الإيجار وش يعمل ماعنده خيارات بس ميزة الإيجار شي واحد التأمين شامل على الوكالة ومحسوب من قيمة الإيجار وياليت تشوف البنك إذا يشتري لك السيارة بنظام المرابحة أو قرض إسلامي غير ربوي أكيد السعر أخفض عليك توفر حتى لو 5000 ريال في جيبك ولا ياخذوها الجشعين...من ناحيتي لا أحبذ الأقساط أو الإيجار مقابل الكاش إذا تقدر أرفع مبلغ الدفعة الأولى أو ألأخيرة حتى ينزل سعرالسيارة لأن السعر مبالغ فيه 36000 ريال فرق مو بسيطة والله يوفقك إن شاء الله !

[قويدارد]

استخير الله والاقساط مشاكلها مشااااااااكل

[المحظوظ]

انا مشتري سيارتي قبل 5 اشهر Vx 2 قير عادي بالتقسيط وليس الايجار ( وقتها النقدي = 95 الف ريال) مع دفعة اولى 45 الف ريال ((طبعا طلبوا اقل 29 الف ريال لكن انا زدت الدفعة الاولى حتى يقل القسط وكذلك نسبة الربح للشركة)) فصار القسط 1450 ريال والتكلفة الكلية 114 الف ريال...واعتقد هذا سعر جدا مناسب حاليا اعتقد ان الاسعار ارتفعت...
في وجهة نظري ان مبلغ 144 الف ريال كبير جدا وحتى لوكان ايجار وتستفيد من التأمين
استخر اللة قبل القدوم على الشراء سواء بالايجار او التقسيط

[محمد بن عمر]

اخوي نصيحة لا تاخذ تأجير منتهي بالتمليك والله العظيم انا ماخذ سوناتا 2007 فل كامل والله ما كملت معي أسبوع وتنصدم من الجهة اليمنى والله مدخلها الورشة بقراطيسها وقعدت حوالي اسبوعين واللي يغبنك أنها ما شيه (700) كيلو فقط لكن حيل الله أقوى

[ابو البتول]

اعتقد ان الاسعار ارتفعت؟؟؟؟؟؟

شكرالاستاذ محمد والمحظوظ ومحمد وقوايدار هذا التعاون
لكن ماباليد حيلة واعتقد انه عند نزول موديل جديد يكون مرتفعا بعض الشى
اما بالنسبة للتقسيط العادى لنفس السيارة دفعة 35000
قسط 2000
الاجمالى 131000
ماهو رايكم ؟؟؟؟؟؟ ايهما افضل

[شخمطه]

أبو البتول .. أول شي الله يبارك لك ويعطيك خيرها ويكفيك شرها

ثانيا ً .. وش تقصد بالتقسيط العادي الموجود في ردّك (رقم 6) يوم تقول 131000 ريال .. مع قسط شهري 2000

والتقسيط اللي في أول الموضوع 144000 ريال .. والقسط 1611 ممكن أعرف وش الفرق

هل تقصد أنك لو قسّطت شهريا ً 2000 ريال بدل 1611 ريال يكون سعر السيارة 131000 ريال بدل 144000 ريال؟

مع العلم أنه ما عندي خبرة بالأقساط (الله يبعدنا عنها قدر المستطاع)

ثانيا ً وكالة عبداللطيف جميل فرع الأحساء (كوبري الخليج) لقيت عندهم السيارة الفل كامل قير أوتوماتيك بـ 107,000 ألف ريال
بينما نفس السيارة بنفس المواصفات في فرع البديعة بـ 103,900 ريال


ألف مبروك ويعطيك خيرها ويكفيك شرها


شخموط

[جيب فورتشنر]

اخوي اذا راتبك ينزل على الراجحي
ترا عندهم نظام حلو وشرعي والسيارة تطلع بإسمك وبدون دفعة أولى وبدون كفيل بس تحويل راتب
برنامج تمويل الراجحي للسيارات
هذا افضل بكثير والنسبة 5 % يعني السيارة اذا قيمتها 40 ألف مثلا .. تطلع بالأقساط 44 ألف فقط
وهكذا احسبها والتقسيط على خمس سنوات

هذا اذا تقدر تحول راتبك على الراجحي

اما الحل الاخر انك تاخذ تأجير لكن عن طريق شركة اسمها
شركة تأجير الالات وتجارة المعدات
هذه ميزتهم دفعه اولى وبدون دفعه اخيرة وبدون كفيل لكن عاد تأجير
لكن تأجيرهم افضل من تويوتا بمليون مره والنسبة تطلع اقل
سيارة قيمتها 60 ألف حسبوها له خلال 4 سنوات اقساط ب 85 ألف
طبعا الدفعة الاولى كانت 10 الاف فقط
يعني لو زودت الدفعة يقل القسط والاجمالي

والكاش مافي مثله
واذا تبي اي من الطريقتين علمني وانا اعطيك تفاصيل من ناحيتين
1- ناحية شرعية ( وهنا الاهم حتى تسلم من الحرام )
2- ناحية تجارية
وموقعهم
ولاتنسى الاستخارة

[ابو البتول]

وش تقصد بالتقسيط العادي الموجود في ردّك (رقم 6)
الشكر موصول للاخ شخمطة و الاخ جيب فورتشنر
اماعن قصدى عن التقسيط العادى
فهو اذا ودك تشترى سيارة من اى مكان فى العالم فى ثلاث طرق
1 الكاش
2 الايجار المنتهى بالتمليك ( طريق للشراء جديدة نوعا ما لم نكن نعرفها )
3 التقسيط بدفعة او بدون (المتعارف علية من زمان )
اتمنى ان تكون المعلومة وصلت
واشكرك جزيل الشكر

[شخمطه]

الف شكر لك أبو البتول على التوضيح

لا هنت

[ابو البتول]

الحمد لله بعد الاستخارة ،وسوال شيخ عن حكم الايجار اجاب بعدم جواز هذا النوع من الشراء لان الشركة لاتلتزم ببعض الشروط التى من شانها تحرم البيع ,,,,,, ولذلك
هونت عن الشراء بالايجار واتجهت للشراء بالتقسيط العادى وهو على النحو التالى
دفعة 35500
قسط شهرى 2000
الاجمالى 131000 طبعا vx2 جير اوتو لون ذهبى
والله يقدم مافية الخير
وسامحونى لانى اشغلتكم

[جيب فورتشنر]

احسنت . ..

[المحظوظ]

المشاركة الأصلية كتبت بواسطة ابو البتول

الحمد لله بعد الاستخارة ،وسوال شيخ عن حكم الايجار اجاب بعدم جواز هذا النوع من الشراء لان الشركة لاتلتزم ببعض الشروط التى من شانها تحرم البيع ,,,,,, ولذلك
هونت عن الشراء بالايجار واتجهت للشراء بالتقسيط العادى وهو على النحو التالى
دفعة 35500
قسط شهرى 2000
الاجمالى 131000 طبعا vx2 جير اوتو لون ذهبى
والله يقدم مافية الخير
وسامحونى لانى اشغلتكم

جزاك الله خير

[الأستاذ محمد]

الله يوفقك يا أبو البتول ويعطيك طبعًا خير الـ vx2 الجير الأوتو اللون الذهبي ويكفيك شره

[الحجيلان]

خذ نصيحة واحد خبرة وبعت لناس كثيرين ...

حاول قدر الإمكان تجعل الدفعة الأخيرة كبيرة وتخفض الدفعة الأولى أو بدونها أفضل لأن الآن عليها عروض بدون دفعة أولى ..

طبعا أيا كانت المدة المناسبة لك سواءا 2 أو 3 أو 4 حسب رغبتك والأنسب لك وقسط بمزاجك حتى إذا وصلت للدفعة الأخيرة او مليت من السيارة قبل أوانها بأشهر حتى لو سنين بيع السيارة وجيب الزبون للشركة علشان يسددهم بالمبلغ اللي اتفقت انت معه ثم هم بعدها يحولون له ملكية السيارة ونقول مثلا بقى للشركة 45000 ريال والسيارة جابت لك 60000 ريال عط الشركة اللي تبيه علشان تقفل المعالمة وخذ أنت الفرق وحط دفعة اولى لسيارة ثانية جديدة وهذي هي الطريقة اللي كنت أسويها مع العملاء ولافيها أي شي ولاتنسى إنهم بيعطونك خصم لأنك سددت مابقى لهم كامل ...

[سيف.نت]

ابو البتول يعني قصدك الايجار حرام


انا باخذ قرض بـ 80.000 واعطي الوكالة دفعة مقدمة ويكون علي 350 ريال اقساط للوكالة طبعا نظام التاجير
وكذا أكون انا المستفيد من التامين وفي نفس الوقت اخذ بطريقة الحجيلان لما انوي ابيعها
ارجو الرد ياشباب ايش رايكم

[أبوحمد]

الله يبارك لك أخوي أبو البتول ويعطيك خير السياره ويكفيك شرها ,,

وأحسن شي سويته أنك تجنبت الحرام من جميع جوانبه ,,

والاخوان ما قصروا جزاهم الله خير .