ليه احنا دايم مضحوك علينا ×××× سعر قطعة اصلاح علبة دركسون ls 400

[عبادي الورد]

السلام عليكم ورحمة الله وبركاته


اخواني واحبابي بقسم ls

حبيت استفسر عن بيع بعض القطع بسعر الجملة ’’ وهو مما دفعني لكتابة هذا الموضوع

قبل يومين كشفت على السيارة وطلع عندي تهريب زيت من علبة الدركسون تحت ,, وقال المهندس روح جيب اصلاح


طبعا انا رحت لفيت اغلب المحلات واسعارهم مابين (320 الى 390 ) ريال

رجعت عند المهندس وقلت له اسعارها غالية لازم تخفضلي من اجرة يدك لان المبلغ اللي عندي مايكفي

المهم سألني بكم حصلتها قلت له بحدود 350 ريال

قال اعطيني 210 ريال وانا اجيبها لك اصلي بسعر الجملة !!!!

طبعا انا استغربت من فين يجيبها وبصراحه فرق من 320 الى 210 ريال ’’ والفرق 110 ريال

المهم ماتفقنا على اجرة اليد لانه طالب 400 ريال !! شغل يده ’’ فقلت له دلني على محل اللي تشتري منه رافض ومرة يقول لازم تركبها عندي ومرررة يقول اللي اشتري من عنده القطعة مسافررر ,, بالعربي قاعد يصرف

انا اكلت معي ومشيت من عنده ,, وقلت والله ماصلحها عنده هانصاب

بس ابغى اعرف من وين يشترونه ويجبونها بهذا السعر ..

معقول الاجانب له خبرة ومعارف بهذا البلد احسن منا ,, ونحن اللي يتنصب علينا

اتمنى تشوف لي حل لان بعد ماسمعت كلامة وسعر القطعة 210 ريال ,, مستحيل اشتري القطعه 320 ريال من محلات قطع الغيار


ودمتم بود

همسة ؛؛؛ لية المنتدى نااايم ,,

[بن عبيد الشامسي]

هي مش مسألة نصب

هي مثل ماقلت معارف ومعظم الورش تكون متعاونه مع بعض

يعني اذا انت رحت بتاخذها بسعر غير لكن اذا راح واحد من هالورش بياخذها

[بن عبيد الشامسي]

هي مش مسألة نصب

هي مثل ماقلت معارف ومعظم الورش تكون متعاونه مع بعض

يعني اذا انت رحت بتاخذها بسعر غير لكن اذا راح واحد من هالورش بياخذها بسعر اقل عساس انه يستفيد اكثر
يعني متعاونين على البر والتقوى ههههه

انا اذكر مره رحت ورشة وكنت ابي اغير فلتر الغاز تبع المكيف

المهم قلت حق راعي الورشه اتصله وقوله ابي فلتر وبجيك واحد بياخذه منك

عموما انا رحت له وقتله هات فلتر الا يقولي بـ 120 ريال

قتله تونا متصلين فيك وقلت بـ 90 ريال

انصدم قال لا ابيع بس حق اصحاب الورش برخص

عموما بالاخير بعد اتصالات وازمه خذته بـ 90 ريال وطلعت

[مضيع المفتاح]

اخوي في طريقة ثانية وكثير من المراكز تسويها وهي:

لو فرضنا عندك مشكلة في اذرعة السيارة وتخدم 70% من عمرها
يقولك الميكانيكي الاذرع مع الركب مع عمود التوازن علشان يضيع كل الاصوات الامامية
حلو
هو عارف ان بعض القطع بسيارتك مالها داعي تغيريها

اش يسوي ياخد القطع الجديدة يخليها عنده ويغير اللي تحتاج فعلا ويغسل القديمة غسيل احسن من الوكالة وتطلع كانها جديدة من اليابان

وطلعت عنده ببلاش ويبيعها على واحد ثاني

هذه سببها ان صاحب السيارة ما يكون واقف عندها اذا كان المركز جديد عليه


الله يرعانا ويحفظنا

[علـــي]

الرجاالوقاله 210 يعني اتوقع انه سعر جمله الا كان قاله 200 وش المشكلها .؟ حسبي الله عليك يابو جميل

[ka_d]

اول مرة اسمع عن ذي الاسعار صحيح نصب ومنكم نستفيد

[عبادي الورد]

كلامك سليم

بس انا اقصد طريقة النصب في القطع يعني ياخذ مكسب في القطة دبل ,, والله حرام

انا امس شريت القطع بالمعرفة والواسطة ب 230 ريال اصلي وكالة

طبعا تحصل القطعة في محلات قطع الغيار اقل شي 320 ريال

طبعا اكيد محلات القطع تشتريها باالجملة واكيد راح يكون سعر الجملة ارخص من سعر الوكالة عند البيع
يعني اتوقع يكون سعرها اقل من 200 ريال بكثير ويجيون يبيعونها فوق 300 ريال

يعني يطلع مكسبة حدود 150 او 170 او 140 بالقليل !!!

انا جبت القطعة من احد معارفي بالوكالة وقالي لي في قطع تنباع في محلات قطع الغيار مكسبهم فيها دبل الدبل !!!

[هواجيس]

هه شي طبيعي ..
اذا كان الي مستورد القطعة يبي يكون مليونير
^^
والموزع بيكون مليونير صغير
^^
وراعي المحل يبي يكون مليونير بس اصغر من الي فوقه
^^
والي بيركب لك القطعة"الورشة" يبي يصير مثلهم

وكلهم على حساب المستهلك
وحماية المستهلك =^^=

يعني مثال صغير:
القطعة =50 ريال
المورد يبي يكسب 100% (50+50=100ريال)
الموزع يبي يكسب 75% (100+75=175ريال)
راعي المحل وش زوده بس يبي 50% (175+87=260ريال)
طلعت عليك ب260 ريال ينطح ريال ..
والتركيب حدث ولا حرج

وبعدين لا تلومهم ..احد يشوف الخير ويخليه ..مثل اللي قالوا له من وامرك ..قال من ناهيك
بالتوفيييق..