[سعودي مان]

الاخوة الاعضاء والمشرفين

السلام عليكم ورحمة الله وبركاته

اخواني انا احترت بين انواع الاندكروزر 2008 ايش الانواع اللي فيها ملصق جانبي لاني صراحه فهمت

ان VX الفل كامل لايوجد به ملصق جانبي وكذلك GX الفل كامل لايوجد به ملصق خارجي ؟

وايضا ابي اعرف ايش الفرق بين VX الفل كامل وال GX الفل كامل ؟

اقصد الفل كام ( فول اوبشن )

ومشكورين سلفا

[جرناس الرفاع]

السلام عليكم
طبعا يا اخوي انا معلوماتي متواضعه بالنسبه للذيابه الموجودين في المنتدى.......بس انشالله اقدر افيدك
بالنسبه للخطوط اتجي في gxr ************vxr وممكن ما تجي(تراها لصق)
vxr هو القمه من ناحية الرفاهية وفرش الموتر
الشكل الخارجي واحد
المحرك تقدر تختار ما بين 4.7 الو 4.5 ديزل او 4.0
وسا محني على القصور
((((((((((((تحياتي)))))))))))))

[حسونه]

عزيزي الكريم سعودي
لأن الشرح يطول
أتمنى منك فقط
أن تقرأ المواضيع في قسم اللاند كروزر
وسوف تجد ظالتك بأذن الله

[داحس]

حتى انا دخت اللاندكروزر اليمني والسعودي يجي عراوي البيبان نفس لون السياره والكويتي والبحريني يجي كروم هذا اللي محيرني ويجي عند اليمن جي اكس ار وفي الكويت جي اكس

[دكتور القلوب]

المشاركة الأصلية كتبت بواسطة سعودي مان

الاخوة الاعضاء والمشرفين

السلام عليكم ورحمة الله وبركاته

اخواني انا احترت بين انواع الاندكروزر 2008 ايش الانواع اللي فيها ملصق جانبي لاني صراحه فهمت

ان VX الفل كامل لايوجد به ملصق جانبي وكذلك GX الفل كامل لايوجد به ملصق خارجي ؟

وايضا ابي اعرف ايش الفرق بين VX الفل كامل وال GX الفل كامل ؟

اقصد الفل كام ( فول اوبشن )

ومشكورين سلفا

خذ العلم يا الذيب

اللي يجي بدون ملصق جانبي .......

وارد السعوديه GX
القير التماتيك 6 و 8 سلندر وفتحه بدون ونش يا الحبيب

اما VX

كلها بدون ملصق جانبي

الله يرزقنا الخير

[سعودي مان]

والله يا اخوان مشكله اذا الفل اوبشن مافيه خطوط زينه ماصار لاند كروزر صار جيب مديرية الزراعه ولا
دفاع مدني ولا هيئة والله صراحه بدون خطوط زينه جانبية ماينفع

[دميره]

السلام عليكم

اخوي احنا عندنا Gx & Vx من غير ملصق و حتى على ايام الموديلات القديمه 2007 و قبل Gxr & Vxr من غير ملصق و ماشي تمام اصلا بالعكس الغالبيه من الشباب ما يرغبون بالملصق

عندي جم واحد من الربع يجيبون اللاندكروزر من الأمارات و قطر علشان مواصفاتهم افضل من عندنا بس ما يخلون الملصق لازم يشيلونه

[ابن الجبر]

والله ياخوي الموديل الجديد آنه اشوف انه بدون لاصق احلى

والراي لك

[دميره]

والله انا بالنسبه لي بدون لاصق احلى على الموديل الجديد و الي قبله بعد

بصراحه اللاصق قبيح يحسسك ان السياره قديمه

[استرجاعها]

السلام اخوي====
الإختلاف بين الgx والvx هو==
الvx v8 بترول
الgx v8 ديزل
الvx فيه تخشيبة+كراسي جلد==
الgx (وارد السعودية) بدون تخشيب
الvx فيه نظام abs=crawl control-kdds-hac
شبك الvx فضي+فضي===
شبك الgx فضي+اسود
دواسات الvx سود
دواسات الgx نفس دواسات ال2007
عداد الvx فيه شاشة+الديزاين==غير
تحياتي

[هاوي لاندكروزر]

انا امس حجزت ودفعت عربون في لاند Gx-iii بفرع الدمام ومواصفاته كالتالي:

6 سلندرات
اتوماتيك
الدبل ازرار وللمعلوميه كل انواع الاند الحين بزر
لؤلؤي
من غير ملصق جانبي
فتحة
تلفزيون

Gx-iii يعتبر هو الفل الكامل في فئته




جميل طالب الاند هنا بالسعوديه كالتالي:

G
6سلندرات
ملصق جانبي

Gx-i
6سلندرات
ملصق جانبي


Gx-ii
6سلندرات
ملصق جانبي
ونش
2 اسبير


Gx-iii
6سلندرات
لايوجد ملصق جانبي
فتحة
تلفزيون

Gx-iii
8سلندرات
لايوجد ملصق جانبي
فتحة
تلفزيون

Vx-i
8سلندرات
لايوجد ملصق جانبي
فتحة
تلفزيون
مقاعد مخمل

Vx-ii
8سلندرات
لايوجد ملصق جانبي
فتحة
تلفزيون
مقاعد جلد

ديزل
ولا أعرف مواصفاته