[بإختصار لكزس]

بسم الله الرحمن الرحيم

صباح الخير .... جميعاًَ

راح ادخل في الموضوع ...
اليوم رحت الوكالة عبداللطيف جميل المحدودة وسألت عن سعر السيارة اوريون جراندي بدون شاشة موديل 2008

قال الموظف سعرها الكاش 98,850 الف ريال سعودي وسألته عن نظام التأجير حسبها لي وطلعت
الدفعة الاولى ... 17000 ريال
القسط الشهري ... 1855 ريال في اربع سنوات
الدفعة الآخيرة ... 29,655 ريال
الأجمالي ... 135,690 ريال

وآنا طالع جالس افكر اخذها ولا لا .. وقلت مالي الا اشوف اعضاء منتدى اخذ رايهم فـ الموضوع

فـ ياليت تعطوني رايكم ...

سألت الموظف قلت ابيها لون ابيض بدون جناح قال جراندي لازم تجي بالجناح ؟؟!! صحيح هذا الكلام

اتمنى الرد للجميع وشكراًَ

[حي القلب]

السلام عليكم اخوي باختصار لكزس
كانه فائدة شركة عبداللطيف جميل كثيرة اشوي
لو تاخذها عن طريق بنك ممكن ارخص لك في سعر الفائدة او سعر المرابحة
ثانيا اللي اعرفة انه عندكم في السعودية الاوريون 2008 بدون جناح مثل ما ذكروا الاخوان
و انشاء الله باقي الاخوان يساعدونك
بالتوفيق انشاء الله ,,,,,,

[جاسم اوريون]

والله النضام عندنا بالكويت فاشل لان الفوائد فية عالية

[بإختصار لكزس]

حي القلب ... والله راح عن بالي البنك بكرة راح اشوف البنك وشنو الفرق بينهم
واما الجناح والله ما ادري عـ كلام الموظف يقول جناح
وشباب ماراح يقصرون معاي.. عالعموم تسلم على الرد

جاسم اوريون ... الله يعينكم على الفوائد " كلنا بالهوا سوا ".. تسلم ع الرد

[عيش حياتك]

صباح النور

اخوووي باختصار لكزس بالنسبة لنظام التاجير فيه عيووب

اول شي ان السيارة ماتسجل باسمك وثانيا الفوائد حقتهم عاليه كثير

وفيه حلول :

اول شي تاخذها عن طريق البنك بتكون فوائدهم اقل ويمكن القسط بعد .

وثانيا شي اذا كان راتبك يساعد يعني ممكن تأخذ قرض من بنك والدفعه اللي بتدفعها في نظام التأجير

زود عليها 5000 او 10000 وحطها على القرض وطلعها كاش باسمك وبيكون القسط مايتعدى 1450 ريال


والاموور يبيلها حساب وتأني وانا اخووك

تحياتي لك

[ملك الخطوط]

السلام عليكم
اخوي لكزس انا افضلك تاخذها تاجير منتهي بالتمليك عن طريق البنك الاهلي او بنك الراجحي
لعدة اسباب:
اولا - نسبة البنك اقل من عبداللطيف جميل
ثانيا- ضمان البنك لحد 5 سنوات / عبداللطيف فقط 3 سنوات + تامين السياره شامل لمدة 5 سنوات
البنك يعطيك 150 الف كيلو - عبداللطيف يعطيك 60 الف كيلو
ثالثا- مدة اقصاد البنك 5 سنوات / مدة اقصاد عبداللطيف 4 سنوات
يعني حيكون قصد عبداللطيف 1855 ريال - البنك بيكون 1500 يعني تكون مرتاح شوي
وطلبات البنك: بدون كفيل - خطاب من العمل بالراتب - فواتير تلفون كروكي للمنزل - كشف حساب من البنك
والاستلام خلال ساعات ولو ماعندك حساب في الاهلي مافي مشكله
تحياتي للجميع

[نقطة بداية]

انا اقولك
النظام مره ممتاز ومفيد
عليه تأمين شامل للسياره لمدة 60 شهر اللي هي مده الاقساط
عند إخراج سيارة جديدة بهذا البرنامج عدم وجود شرط كفيل غارم او معرف مثل برنامج التقسيط وهذا شئ حلو جدا وايضا في حالة الملل من السيارة إمكانية التنازل عنها لشخص آخر تنطبق عليه المواصفات والشروط من البنك نفسه
برنامج التأجير المنتهي بالتمليك شروطه ميسرة للجميع خصوصاً فئة الشباب اصحاب الرواتب الضعيفة عسى الله ان يغنينا وإياهم من فضله الواسع ومن يفضل تغيير سياراته كل سنة او سنتين ليواكب العصر والتطور او لملله من السيارة نفسها .

اوريون 2007 جراندي بدون شاشه
نظام الراجحي للتأجير المنتهي بالتملك
دفعه اولى 25.000
اقساط 1700
على 5 سنوات
الكلام هذا قبل 3 شهور < معلومه من واحد من اخوياي

بالتوفيق..

[كآسر آلآحزآنـ]

بس الي انا اعرفه

انا التاجير المنتهي بالتمليك

حــــــــــــــــــــــــرام

لأن فيه ضحك على الناس

وفوائده عاليه

خذلك قرض اصرفلك من الراجي لأنه حلال
اذا كنت تبي البركه


احترامي

[مستعد]

انحش عن الاقساط صدقني مافيها خير اقصد باختلاف مسمياتها والسيارة وسيلة وليست غاية فلاتربط نفسك بدين سنوات لاجلها ومد رجلك على قد لحافك

[بإختصار لكزس]

عيش حياتك .. ملك الخطوط .. نقطة البداية .. كآسرآلآحزآنـ ..مستعد


--------------------------------------------------------------------------------------


مشكورين على ارآكـم الطيبة ... لاهنتو

[بلحروووز]

هلا اخوي

طبعا الشباب اعطوك ارائهم حول التقسيط و انا ما عندي اي فكرة عنها

المهم انا رحت الوكالة عصر اليوم الاربعاء و سألتهم عن الجراندي بدون شاشة

واجواب انو

باقي سيارتين بالمملكة منها و طبعا 2008 والالوان اسود و اللون الجديد للأوريون

وسألته عن الجناح و قالي

الجناح ملغي ب 2008

وبالتوفيق

و دمتم ,,,

[بإختصار لكزس]

الاميرة اوريون..

وسألته عن الجناح و قالي

الجناح ملغي ب 2008

الله يبشرك بالخير

[وصــ قلبي ــيت]

اخوي انا انصحك انك ما تاخذ نظام تأجير لئنه حرام والحرام ما تتوفق فيه .. خذ لك قرض وزد عليه مبلغ الي عندك وخذها كاش وريح نفسك احسن من نظام نصب (التأجير)

[عاشق العنبرى]

والله ياخوك انا ما عندى فكره عنه بس الشباب الى جربوه ما يمدحونه وعلا كلام الشباب انه حرام شوفلك طريقه ثانيه تبعدك عن الحرام ومبروك مقدمن والله يوفقك

[بإختصار لكزس]

ياشباب .. نظام التأجير شلته من بالي خلاص هونت

[نقطة بداية]

اعتقد ان العلماء اختلفوا في اجازة التأجير المنتهي بالتملك من عدمه
و الى الان لم اسمع بتحريمه لانه لو حرم كان تم منعه من الشركات والبنوك