[الجــــــدعلاوي]

السلام عليكم يا شعب

بغينا نأخذ لاندكروزر الجديد gxr 6v
بس متحيرين نأخذ من البحرين أو من السعودية
علماً بأن الموتر هني في كانو يكلفه 16500 دينار
داخل مخمل , خشب بس من دون سنسرات أو سيفتي أمامي

لكن المواصفات السعودية ماعندي خبر عنهم...وسمعت انه ما عندهم gxr

هل يسوى آخذ من السعودية أو لا ؟؟؟؟؟؟...لأنه بيكون شوية أرخص

أتمنى مشورتكم........

وشكراً

[دميره]

خلك من سالفة Gx ولا Gxr اهم شي المواصفات اخوي

و اعتقد بال Gx بالسعوديه يتوفر بمواصفات افضل لأن عندنا ال Gx فيه سنسرات

و بالتوفيق

[جرناس الرفاع]

السلام عليكم
اذا انت ناوي على gx وما تهتم للفتحه او الكشافات ولا السنسر
روح المملكه واشتر gx ولا تاخذ معاه اي اكسسوار
او توكل على الله وخذ من عند كانو
لا تنسى يا اخوي الضمان وفتح الملف(200 دينار)
(((((((تحياتي))))))))))

[الكتلوج]

اهم شي لا تستعجل ترى العجله مافيها خير وفلوسك جايبها من التعب ماجت من البحر

[لاتلومني ياطيب]

حبيبي تعال السعودية ترى فيه GX يسمى فل اوبشن
6 سلندر+مخمل+فتحة+دي في دي+ونش خلفي+حساسات ....ناقص فقط الشاشة والكاميرا
وسعره معقول 165 الف ريال.......

[راعي الكروزر99]

والله ياخوي إذا عندك المبلغ خذه من البحرين لان جم الفرق بيكون بيكون 1000 دينار ولا 500 دينار بتدفعها حق فتح الملف وحتى تغيير اللوحات

[الجــــــدعلاوي]

مشكورين أخوان وما قصرتون

بس ممكن أحد يعطيني الفرق بين gxr ال البحرين وال gx بتاع السعودية

أم ان الاختلاف مجرد تسميات ؟!

ومشكورين مرة أخرى

[جرناس الرفاع]

اخوي
gx بدون سنسر
مقابض الابواب والمرايات الجانبيه نفس لون الموتر
واعتقد الرنجات تختلف
هذا الي اعرفة
(((((((((((((((((تحياتي)))))))))

[عاشق البنتلي]

ال Gx تبع عبد اللطيف جميل (فول أوبشنز) فيه كل الزوائد مثل الdvd , فتحة بالسقف, حساسات ورا وقدام, جناح خلفي ,0000إلخ
وسعره 160000 ريال فقط لل ستة سلندر و168000 للثمانية
بينما صاحبنا النصاب يجيبها حلسة ملسة ما فيها حتى سنسورات ب16500 دينار وإذا تبغي فيها Dvd بالسقف يركبه بالوكالة و يحسبها ب700 دينار زيادة.
والفرق بين الgx-r و Gx
هي فقط بأطار الشبك الأمامي (الشخال) لونه ذهبي بينما الgx فضي
مسكات الأبواب فضية بالgx-r بينما هي بلون السيارة في Gx
المرايا الجانبية فضية بالgx-r وبلون السيارة في Gx وبها مصابيح انعطاف.
اتمنى أكون أفدتك

[الجــــــدعلاوي]

مشكورين عاشق البنتلي وجرناس الرفاع على المعلومات المفيدة
وللاخوان اللي ساعدوا أيضاً
وانشالله يصير جانس نروح السعودية ونشوف عالحقيقة

[الريماس]

شباب الي يبي جكس لا يفوتة السعودي ارخص من الخليجي ب 13000 ريال وضف علية مبعض المميزات الي يحبة قلبك مثل الديف دي ومختصرا بعض التجهيزات الي احس انة زيادة عن الازم
مثل الدفلك الي ما يستعملة الواحد منا الا مرة بسنة هذا ايذا استخدمة والفرق في بين الجكس والجكس الر هو الاسم فقط

[الجــــــدعلاوي]

بس سمعت انه ال g xما يجيب فيه تخشيب ولا كشافات ولا ثلاجة........(أقصد اللي سعره 16000 ) عكس gx r؟؟؟؟؟

[لاتلومني ياطيب]

شو قصدك بالكشافات والثلاجة موجوده في جميع الموديلات
واسعار ابوجميل معقولة جدا

[حسونه]

UP...........UP

[الجــــــدعلاوي]

لاتلومني يا طيب و حسونــة ............شكراً لكم