[كامري ولكن..]

السلام عليكم ورحمة الله وبركاتة ...

يا جماعة الخير مساكم الله بالخير لانه عصر عندي ههههههه المهم ..
آنه عندي كامري 2004 مو فول اوبشن gli اللون اخضر فاتح وابي سياراتي يا جماعة تظهر بمظهر جميل جدا من الخارج يعني ابيكم اذكرون لي الاكسسوارات الجميلة للكامري لتظهر بشكل جميل من الداخل والخارج مثلا في البادي الامامي وفي الانوار وفي المناظر واشياء من عندكم .. ومن الداخل مثلا في الكراسي و الاضواء المؤثرة ...

وآنه يا جماعة ما عندي خبرة كلش وابي مساعدتكم وهذي اول مشاركة لي وارجوا انكم اتبلوني صديقم جديد للمنتدى ... عساكم على القوة

[محب تيوتا]

اي لون يا كمري ولكن

[كامري ولكن..]

اللون اخضر فاتح...

ومشكوور اخوي على تواجدك الرائـــع....

[فديت الكامري]

والله خاطري افيدك لكن المشكلة أن كلامكم في السعودية غير و كلامنا بالامارات غير

يعني انا اشوف الاعضاء يقولون جنوط و انا ما عرف شو معنى الكلمة

ف أسمحلي ماقدر افيدك بشيء

ان شاء الله الاخوان بيفيدونك

[كامري ولكن..]

يا مرحبا بك اخوي فديت الكامري شرفتنه والله ....
لاااااااا يا اخوي تكلم ان شاء الله بافهم لك وعلى فكرة آنه من البحرين ........ لا اخوي تكلم جزاك الله خير والصراحه آنه ما اشوف فيه تفاعل في المنتدى وما شاء الله يعني في بعض الاخوان مرو على الموضوع بس محد كتب شي ؟؟؟؟..

وان شاء الله يا اخوي انت اتفيدنه والاعضاء بعد ان شاء الله وان شاء الله بعد الموضوع افيد الاعضاء والزائرين اللي يبون ازينون الكامري خاصتهم .. المهم مع الف سلامة

[كامري ولكن..]

يا جماااااااااعة وينكم الله اخليكم عطوني افكار بس آنه ما طلبت شي عوووووووووووووووووود أو ما طلبت فلووس ... طلبت افكاركم الحلوة بس ... يا الله عاد يا جماعة آنه انطركم والله اتردون عليي بس لو ردين ...................

سيارتي بتعرس جريب هههههههههههههههه زين جذي اتزعلونه عاااد .....

[فديت الكامري]

هلا اخويه كامري ولكن

آسف ع التأخير



انا عندي كامري و زينتها و بقولك شو حطيت فيها و اذا حبيت بحطلك الصور ..



انا بدلت التواير و ركبت تواير 17 و رنقات 17

كنت مركب رنقات لكزس 430 لكن عقب شهرين بدلت الرنقات و حطيت رنقات اودي اليديد

و ركبت زنون في الكشافات و الليتات العادية



و اذا تعرف في ليتات مال الاشاير اللي ايوون على البي ام و المرسيدس عند الجامة بالضبط ذيله ركبتهم بعد



و نزلت السيارة السيارة من جدام و من ورى



و ركبت زوايد بس ورى و بدال الاكزوز خليت اكزوزين ..

و ركبت جلاد اسود فوق ..

و ركبت تلفزيونات واحد جدام و اثنين ورى



و فصلت تلبيس حق السيتات في النص اسود و على الجوانب نفس لون السيارة سلفر



و ركبت خشب في السيارة و سي دي



و حطيت كروم و فصلت كروم على الجوانب



و بعد اممممممممم تقريبا بس ذيله .



اتمنى تكون فهمت على كلامي

[فديت الكامري]

و على فكرة ان شاء الله الشهر الياي انا بركب تلفون سيارة و بغير الرنقات بعد

[معي كامري]

ركب فيها حمام بعد كل شي ركبته والله يوفقك حبيبي

اخوك ابوعزيز

[كامري ولكن..]

مشكووور اخوووي فديت الكامري وما قصرت .. الله اخليه لك ان شاء الله وللأمام واي جديد علمنه بعد ..

بنسبة حق باقي الاعضاء وين ردودكم ؟؟؟؟؟؟؟؟؟؟؟؟؟؟؟؟؟ نبي آراء ودمتم

[فديت الكامري]

باااااااااااااك

و ركبت فيها حساسات

و بدلت الرنقات و حطيت زنون في الفول ليت .

[مشاـــــاري]

السلام عليكم ياشباب
انا مع كل اللي قالة فديت الكامري وصراحة كفى وفى وان شاء الله ياكامري ولكن تبي تعرس قريب والله يوفقك
ولا تنسى تهبطها شوي ..
وشكراًًًً ,,,

[كامري ولكن..]

مشكوووورين يا جماعة على ردودكم ..
بس يا جماعة شنو اتنصوحوني على رنقات حلوة .. ولو تكرمتوا صور الرنقات ..
وابي اسأل عن نظام الملاحة اللي في المرسيدس فياجرا (( الماجلان )) بكم سعره وهل يركب فيه سيدي لتشغيل الافلام معاه ..

وسؤال آخر خاااارج عن نطاق الموضوع اخواني آنه سياراتي مثل ما قلت لكم انه اهيه 4 سلندر gli محرك عاادي مو اختياري اوتوا ماتيك .. وعلى ما اعتقد القوة الحصانية 160 حصان .. وآنه ابي السيارة اتزيد على الاقل 50 حصان بس بدون قزوز سيستم وهيدرز ...

وسامع بعد عن الكمبيوتر موتيك ؟؟ وهل هذا يزيد من سرعة السيارة ... واتصدقون قاري في بعض المنتديات انه ازيد السيارة إلى 200 حصان ؟؟؟؟؟؟؟ معقوووله ... ولو كان الكلام حقيقيا بس ابي اعرف سعره وهل يركب على الكامري او لا وشكررررررررررررررررررررررررررا يا جمااعة بس ولي اعافيكم يا اهل الخبرة ويا شباب السرعة والاكسسوارات اتردون عليي في اسرع وقت ..... تحياااتي

[كـــــامـــــري]

أزين شي ركب فيها جنوط أودي A8
ركب فيها شاشات وظللها حراري
ونجد المراتب جلد
وغير نور اللي في الخلف وحطه خلايا...
وغير اللي قدام وحجه زينون...
وركب فتحة إذا كان مافيها؟!
وركب زعانف.................
بعدين تطلع الكامري روعــــــــــــــــــــة.....
ويلله يعينك على الأسعار........
وشكراً

[المسـافر]

والله انصحك تروح لشارع الغرابي في الرياض وراح تلقى كل شي يخص الكامري هناك من جنوط وزينون وتخشيب وتنجيد ....الخ

[الفيلق]

أخوي " فديت الكامري " .. بالله فسر الكلمات التاليه :

رنقات
ليتات
الاشاير
الجامة
الاكزوز
السيتات

خلاص مانبي نكثر عليك

[بو سعود]

اخوي الفيلق
رنقات: الجنوط
ليتات: اللمبات
الجامة: القزازة
السيتات:السيت اللي هو الكرسي كرسي السيارة
وحياك

[المسـافر]

اخس يا بو سعود والله منتب سهل متى تعلمت اللغة الالمانية... (: