[أبوحمد]

السلام عليكم

كيف حال شباب منتدى الفورتشنر

يا أخوان أنا ناوي ان شاء الله على هايلكس دفرنسين 2008 قير أوتو , وهذا مانزل الا 4 سلندر فقط ..

وأنا ودي أجربه لأني طفشت من العادي وماعد صارت القيرات العايدية مثل القديمة سلسه تحسها خشنه وتقرقر في بعض الحالات !!

لذلك لم أرى اي اختلاف بين الهايلكس والفورتشنر

فسؤالي ليش ما يجي على الفورتشنر زرار اسمه (power ) يجي عادة أسفل القير ومعروف بوجوده على أغلب السيارات الاوتو اليابانية ووضيفته أنه يخلي نسم المكينه طويل
يعني بدل مايبدل القير النمره عند 2 أو 2,5 في عداد الضغط لا
يجيب حنه للمحرك ويخليه يوصل الى رقم 4 في عداد الضغط ( الدورات ) ..
غريبة ماهو موجود مع اني شفته موجود على لاندكروزر الاوتو ؟؟

الشي الثاني شكل القير الاوتو 4 سرعات فكم أقصى سرعه للسياره يجيبها القير الاوتو ؟؟

وهل الرموز اللي جنب القير تضي مع الانوار في الليل لأن الضاهر لي بأن الرموز غير موجوده على طبلون الهايلكس مثل الفورتشنر ؟؟

وأخر سؤال كيف تشوفون القير الاوتو على الاربعة سلندر ؟؟ هل هو مقبول أم غثيث ؟؟؟

والله يعطيكم العافية ..

[المحظوظ]

استطيع ان اجوابك على آخر نقطة فقط وهي ان الـ4 اسطوانات بناقل حركة اتوماتيكي لا ينفع بشكل ممتاز (يعني يمشي الحال) مع سيارة بدفع رباعي...والسبب هو الدبل (الدفع الرباعي اثقل من الثنائي)...وقد يفيدك احد الاعضاء بأكثر مما قلته....

[أبوحمد]

الله يبارك فيك وبموترك يالمحظوظ

اذا ماخاب ضني فالقير اللي عندك عادي والا أنا غلطان ؟

[المحظوظ]

القير عادي بحكم المنطقة التي اعيش فيها....(ابها).. وكما تعلم ان القير العادي افضل للمناطق الجبلية

[أبوحمد]

ههههههههههههههه

تصدق مناطقنا مثل اللي عندكم بس أنا كرهت وتعبت من العادي ودي أجرب الاوتو ..

بس اه يالقهر لو جابوا اوتو بمحرك 6 سلندر ماكان سألت أحد أبد !

[فورتشنري]

خووووووووووووذ لك قير تماتك 4 سلندر وتوكل على الله لأنها آآآآآآآآآخر حلاوه والله وممشاها مثل العسل

[أبوحمد]

تسلم يا فورتشنري

بس هل المحرك عندك 4 سلندر ؟؟

وكيف تسوي اذا بغيت تحصل على اقصى تسارع من المحرك ,, يعني اذا ماتبيه يعشق بسرعه
يعني كل نمره تخلي عداد الدورات يوصل الى رقم 4 ثمن يبدل للنمره اللي بعدها ؟؟

وشلون عطني الطريقة ؟؟