السلام عليكم ورحمة الله وبركاته....
امسيك بالخير اخوي نديم الطيف وامسي جميع الاعضاء والزوار بالخير...
موضوع جميل ومهم واشكر الاخ القدير نديم على هذا النقاش الجاد والنزيه...
وأريد ان ادخل بمشاركتي البسيطه وارجو من كل شريطي او جاهل ان يتحملني
السؤال/ ماهوا الافضل لكزس وارد عبداللطيف جميل430 Ls او لكزس استخدام امريكي430 Ls؟؟
الإجابه/ الكزس وارد عبداللطيف جميل لا تساوي صدام الكزس الوارد الامريكي..
والحقيقه لا يـــــــوجد وجه مقـــــارنه لا بالمواصفات ولا بنضافة....
الاستخدام الامريكي تأتي كئنها شبه جديده وهذي للاغلبيه اما وارد عبداللطيف جميل فالحقيقه تجي كئنها طالعه من مكتب تأجير مكروفه وكل شئ بها
قد قارب على انتهاء عمرها المفترظ.......
وانا وغيري كثير من لديهم تجربه بهذا الموضوع ,, يفضلون الاستخدام الامريكي لعدة اسباب ومنها استخدام الحشمه وهذا لسبب ان بأمريكا لا يركب الكزس او ما يشابهها من السيارات غير الناس الاثرياء والكاش
وهاؤلاء ناس يعاملون سياراتهم بأفضل حال وطريقه,,, صيانه دوريه بالوكاله لكل مسافه مقطوعه ,,, وقطع جديده من الشركه الصانعه,,
( بعكسنا تمام والاختلاف بيننا وبينهم فارق كبير جدا صدقوني اغلب قطع الصيانه ومع احترامي مشتراه من التشاليح وهذا لعدم القدره على الجديد وياشين القديم وياشين التشاليح....
والامر والاسواء اذا كانت القطعه غاليه باتشليح فصدقوني اقرب احل حيكون التوليف وهذا أأمــــر وألعن)
وبكل امانه صدقوني اغلب المستخدمين ما يعرف الصيانه إلا وقت ما تعطل السياره وتلاقيه شاحنها بالونش وعلى الورشه وهذا ما جعل ارقام اصحاب الونشات مكتوبه بقرب اشارات المرور والشوارع العامه هههه
هذي اول مقارنه واللبيب يفهم،،،،
ويكفيك الاجواء الرائعه بامريكا وانهم لا يحتاجون تشغيل جهاز التبريد التكيف غير بأوقات محدوده من السنه وباقي السنه اعتمادهم على الاجواء الربيعيه او السخان في ايام الشتاء
وهذا ما يجعل تبريد المكيف بالاستخدام الامريكي قدرته عاليه وافضل بكثير من وارد عبداللطيف جميل ...
(وياعيني على اجواء السعوديه 45 درجه اغلب العام صدقوني المكيف حيكون شغال 24 ســـــــاعه على مـــــدااار الســنه ممكن نستغني عنه فقط اسابيع معدوده من الشتاء ولاكن بجدة وبمكه والمدينه حيكون احتياجنا بشكل مستمر ليل او نهار صيف او شتاء حيكون شغال )
وهذا قد يقصر من عمره الافتراضي بشكل كبير وتقديري حيكون اكثر من 45% من عمر المكيف قد طار وراح)
(ومن ناحية عضلات السيارة من تحت ياقلب لا تحزن اصلا مافي وجه مقارنه بين شوارعنا وشوارعهم الاستخدام الامريكي بتمشي عمرها كله على اسفلت مثل المرايه بعكس شوارعنا المكسره يالي تنقص من عمر السياااره الشئ الكثير
ولو تشاهد مقصات او جوزات او جلد الكزس في اي سياره سعودي راح ترئف بحالها ولو تشاهد وتجرب بنفسك الاستخدام الامريكي راح يكون الفرق واضح فلن تسمع صوت واحد في اي مطب او شارع مكسر وهذا لاستخدام الحشمه بامريكا..)
(وأيضا من ناحية المستورد المرشوش والكلام الفاضي هذا فأسمحلي يامن تتكلم اذا كان خبرتك محدوده بهذا المجال فهذا ذنبك ومشكلتك انت فقط فصحيح بعض المستورد يأتي مرشوش فهم بشر يخطئون ويصيبون مثلنا ولكن اغلبها تأتي بودي الوكاله وليس بها 1سم مرشوش واهل الخبره يعرفون فرز البدي المرشوش او بدي الوكاله والخبره تلعب دورها هنا)
ولكن الفلسفه بهذا الموضوع مو زين فلا تتكلم وتعم كلامك على شئ انت تجهل في استــنــتــاجه.)
اما وارد عبداللطيف جميل فيا قلب لا تحزن اقل شئ تلاقيه فيها الصدامات وكم رفرف مرشوش وجزء كبير من 2001 و 2002 تأتي مرشوشه بشكل كامل.
(وايضا من ناحية المواصفات فكذالك لا يوجد وجه مقارنه فا المستورد اختلف اختلاف واضح من موديل 2001 وانت طالع من شاشه ومن ثلاجه ومن كامرا ومن ستائر بالألترا ومن الشفط واشيائ كثيره)
اما وارد عبداللطيف جميل فهيا واحده من عام 98 الى عام 2003 الداخليه واحده وهذا شئ مو من عندي هذا شئ واضح وضوح الشمس.
ومن يقول غير هذا الكلام فأنصحه يجدد مقاس النظاره ممكن يحتاج يصفي نضره اكثر.
( وكذالك من يقول لكزس عبداللطيف جميل اغلى من الاستخدام الامريكي فيسمحلي هذا من وجهة نظره المحدوده فئنا قد وجدت لكزس 2002 430 Ls عبداللطيف جميل على قولكم ماشيه تقريبا 185 الف كيلو بسعر 75 الف ريال وبصراحه لما شاهدت وكشفة على السيارة اعتقدت ان صاحبها قد راح فيها للشيشان اكثر من 10 مرات الحقيقه السيارة من الخارج خذ من منظر ولكن من محركات وداخليه شئ يحزن
وبنفس اليوم وجدت لكزس 2002 430 Ls استخدام امريكي 86 الف ريال ماشيه 45 الف ميل والحقيقه لا يوجد وجه مقارنه ابدا اختلاف جذري بين الامريكي وعبداللطيف ودفعة فرق 11 الف ريال واخذت الاستخدام الامريكي لانو فعلا لا تساوي الجنط في نظري مثل ما قلة بالاول وكانت السيارة شبه جديده فالحمدلله على كل حال).
ويامن تقول المستورد ارخص من السعودي لاسباب جوهريه فهذا بنسبه للي لا يملكون الخبره بمجال السيارات اصلا....
واتمنا ان يكون كلامي معبر بشكل واضح ولا اريد ان اكون ثقلت على احد فقد اتيت لاجل اضع النقاط على الحروف.
وهذا الرأي خاص فيني فقط وانا مسؤل عن كل كلمه قلتها لاني بتكلم بشكل واضح وواثق من كل كلمه كتبتها .
واشكر اخوي نديم الطيف وكل من رد بهذا الموضوع المفيد الرائد بمشاركته الجميله.
تحياتي وتقديري لك من قراء موضوعي...
مشاركة: الفروق الجوهرية بين اللكزس السعودي..واللكزس الأمريكي 
