[عبسي]

اتفق معك اذا صارت مكروف ومكسر ماراح اشتري لكزس سعودي الا اذا صارات نظيفه مررررررره اهم شي النسافااات

[فيصلكم]

بالضبط معلوماتي عن اللكزس الامريكي والفرق بينها وبين لكزس ابو جميل

قالها حبّوب ابو ظبي وكأنه يقرأ افكاري

فعلاً النور يولّع معك بالنهار الكفرات وملحقاتها مصممه للطرق الثلجيّه والممطره المحرك مايتحمل الطرق الطويله وترتفع درجة حرارته والمكيّف مايبرد

جميع التوقيتات والعدادات مبرمجه بالافرنجيه... يعني
عداد السرعه بالميل
درجة الحراره بالفهرنهايت

ولكن الاجابه تولّد سؤال .... هل وكالة عبداللطيف جميل تستقبل هذا النوع من السيارات؟؟؟؟

[نديم الطيف]

المشاركة الأصلية كتبت بواسطة فيصلكم

بالضبط معلوماتي عن اللكزس الامريكي والفرق بينها وبين لكزس ابو جميل

قالها حبّوب ابو ظبي وكأنه يقرأ افكاري

فعلاً النور يولّع معك بالنهار الكفرات وملحقاتها مصممه للطرق الثلجيّه والممطره المحرك مايتحمل الطرق الطويله وترتفع درجة حرارته والمكيّف مايبرد

جميع التوقيتات والعدادات مبرمجه بالافرنجيه... يعني
عداد السرعه بالميل
درجة الحراره بالفهرنهايت

ولكن الاجابه تولّد سؤال .... هل وكالة عبداللطيف جميل تستقبل هذا النوع من السيارات؟؟؟؟

^^^^

قبل لانقولك هل عبداللطيف جميل يستقبل السيارة نبيك تعلمنا وش الملحقات المصممة للمناطق الثلجية؟

وان المكينة ماتتحمل الطرق الطويلة وترتفع درجة الحرارة وان المكيف مايبرد



على اية اساس بنيت كلامك هذا كله؟؟؟؟

[غررررريب]

المشاركة الأصلية كتبت بواسطة نديم الطيف

اقول وش اخبار السيدي :d


خلني اقابلك خميس وجمعة اخذ منك السيدي الي بالي بالك واوريك شلون تشغل الرادار... وش رايك؟

هلاوالله
والله يحيك باي وقت
وعذرا لاني قليل ادخل المنتدى خميس وجمعه ليتك داق على جوالي تجي تقهوى عندي وتشرف محلي

[غررررريب]

نديم معليش ماقدرت ارد على الرساله يقول يبي لي 100 مشاركه عشان اراسلك ارسلي الرجال وانا اسنعه

[بدر هزاع]

نديم الله يعطيك العافيه وشاكر لك مبادرتك في ازالة اللبس والاستفهام عن الكزس الترا

حبيت استشيرك اخوي حصلت اليوم لكزس 2001الترا 430 لونها لؤلؤي من برى وبيج من جوى ماشيه 150 الف + شاشة + صدامها اللي قدام مرشوش حصلتها بحدود 77 الف ... ابي رائك وانا اخوك ،، واكون شاكر لك لو اظفتني على الايميل b_classic@hotmail.com

[نديم الطيف]

المشاركة الأصلية كتبت بواسطة بدر هزاع

نديم الله يعطيك العافيه وشاكر لك مبادرتك في ازالة اللبس والاستفهام عن الكزس الترا

حبيت استشيرك اخوي حصلت اليوم لكزس 2001الترا 430 لونها لؤلؤي من برى وبيج من جوى ماشيه 150 الف + شاشة + صدامها اللي قدام مرشوش حصلتها بحدود 77 الف ... ابي رائك وانا اخوك ،، واكون شاكر لك لو اظفتني على الايميل b_classic@hotmail.com

الله يعافيك....والكزس الي انت لاقي هل ماشيه 150 الف ميل والا كيلو؟ وحط لنا صور السيارة بهذا الموضوع وهل استخدمت بالسعودية والا بطاقة جمركية؟


بامكاني اضيفك مسنجر لكن حط استفساراتك وصور السيارة هنا بالمنتدى عشان تستفيد وغيرك يستفيد

[بدر هزاع]

مساء الخير للجميع وان شاء الله تكونون بصحة وعافية

هذي الصوره
7
7
7


بالنسبه للاستفسارات الاخرى العداد 150 الف ميل ، السياره بلوحاتها الجمركيه لسى نيو

عطني رائك لاهنت انت وبقية الاخوان ،، لاهنتم الجميع

[نديم الطيف]

والله ياخوك ماقدر افيدك كذا...حط صور كثيرة للسيارة من قدام وورا وعلى الجنب وصور للداخلية كاملة بالمراتب والخلفية والطبلون والديكور والشاشة وكل شي عشان نفيدك بوجهة النظر...ويبقى عليك انت الفحص


وترا 150 الف ميل يعني 240.000 كيلو ...........

[سمسم السمسماني]

نديم يا بطل

ترى مرررررررة قهرني كلامك بالذات لما عرفت انه مافي فرق يذكر

لاكن الحمد لله على كل حال

اذا سمحت كأني سمعت ان في سي دي نفجيشن عندك يا صديقي < بدأت المصلحة

شوف بصراحة انا الي عندي قديم 2003 ويبغاله تحديث والوكالة عيال ..... يقولو ب2500

عاد لقيته على التورنت وقاعد احمله بس جداً بطيء له في حدود اسبوعين يحمل بس الجهه مرررررة

بعيدة المهم خلص اليوم الصباح وحجمة 6جيجا وشوية وما ادري الظاهر انه حول العالم

بجرب اليوم انسخة واشوف ايش يصير

يا ريت تسويلي اضافة على الماسنجر حاولت ارسلك ما قدرت

smsm.alsmsmani@hotmail.com

اذا اشتغل اعطيك النسخة ب10 ريال

واذا ما اشتغل اخذ منك النسخة ب1ريال

[نديم الطيف]

^^^^


تراني ضفتك...والرجال الي يبي يعدل على السيدي جاهز...والسيدي باخذه منك او من الاخ غريب واذا ضبط باعطيكم كلكم نسخ بس ماهي ببلاش...........مجانية

[سمسم السمسماني]

طيب يا طيب

انا باحاول بكل الطرق لنسخ الديفيدي واشوف ايش يسير

[أحاسيس]

السلام عليكم ورحمة الله وبركاته

بصراحه انا من فترة اتابع الموضوع المميز والمشاركات الأكثر تميزاً خاصة من أخي صاحب الموضوع نديم

وحبيت اشارك معكم رغم اني لا املك لكزس

ولكن معي فورد جراند ماركيز استخدام امريكي وحبيت اذكر تجربتي

الحمدلله استلمت السيارة بطاقة جمركية والحمدلله ما فيها اي مشاكل

فقط كان فيه ارتفاع بسيط جداً في الحرارة يعني كانت توصل النص وفي عز الصيف توصل فوق النص بدرجة

ما ارتحت للحرارة وحاولت اخليها تنخفض شوي وفقط بتغيير شيء بسيط جداً الحمدلله انخفضت الحرارة كثيرة

وصارت الربع وفي عز الصيف تحت النصف بشوي والحمدلله

والسبب هو اني قمت بتغيير بلف الحرارة وقيمته ( 30 ) ريال فقط لا غير وقيمة التركيب 50 ريال

لو اي احد فك بلف الفورد راح يحصل مكتوب عليه رقم بالحفر ( 93 ) واعتقد انه يعني انه البلف يفتح عند درجة غليان

93 والبلف السعودي يكون رقمه ( 91 ) والعملية بسيطة جداً

علماً اني ما غيرت ولا عملت اي شيء والرديت نفسه حق بلده

والحمدلله كل شيء تمام للحين والسيارة لها معي تقريباً سنتين بدون اي مشاكل .



سؤالي للأخ نديم او اصحاب الخبرة

ماهي القطع الضرورية التي احتاج تغييرها في الكزس الامريكي ؟ مثل بلف حرارة او ردييتر ؟؟؟؟

واي المناطق الأفظل في امريكا تكساس او فلوريدا ؟ ولو تعرفون معرض ممتاز في جدة ياليت احد يدلني

وشكراً للجميع

تحياتي ...

[نديم الطيف]

^^^

حياك الله ياغالي وشكراً على كلامك الطيب


وبالنسبة للقطع الي تغيرها انا ماغيرت ولا شي باللكزس...مثلها مثل السعودي بكل شي حتى الحرارة..والي يقول غير هالكلام ماعنده ماعند جدتي



اما بالنسبة لاستيرات السيارة من امريكا هذي تعتمد اذا لك شخص معرفة بتاخذ من نفس المنطقة الي هو فيها...او تاخذ حسب النظافة مايهم من اي ولاية تاخذها...لان المواصفات الامريكية موحدة بكل الولايات



بالتوفيق...

[مغلي]

المشاركة الأصلية كتبت بواسطة نديم الطيف

يعني امريكا ماعندهم مناطق حارة؟ صحاري تكساس باردة والا حارة؟

ولاية ميامي بكبرها تراها على خط الاستواء...يعني جوهم مثل جو السودان

وين خط الاستواء ووين ميامي

خط الاستواء يمر بمنتصف البرازيل تماما

واذا تبي تتأكد عندك قوقل ايرث مايقصر

تقريبا بين ميامي وخط الاستواء 4500 كيلو متر

[نديم الطيف]

^^^

ليتك تتكرم وترفق لنا صورة لخط الاستواء وتقاطعه مع البرازيل يالغالي وبعده عن ميامي ومنكم نستفيد