[سايبر]

ياخوان أرجوكم المساعدة عندي vx_r 2002
وفيه صوت إذا السيارة واقفة وفي الفاضي طبعا قير عادي وإذا دعست الكلتش يتوقف حتى لو مجر دوسة خفيفة يتوقف الصوت قالوا لي ناس كثير ما عليك منه هذا صوت الفحمة ولا يأثر
لكن بعض المهندسين قال غيره بيأثر على العمود ما أدري شنهو العمود

المهم من كان عنده علم فليخبرنا هل له تأثير لأني إذا بأغيره يحتاج فك قير
وأنا أسافر وأمسك خطوط

[رمــــــاد]

و الله ما اعرف الشباب يفيدونك

[سايبر]

جزاك الله خير يا رماد
وننتظر الشباب

[كربوع]

العامود يقصدون عامود الكردان واهو الزبده في المكينه
والمشكله ان صحن الكلتش يبي وزن
او انك مركب صحن تجاري
يعني لازم فك القير
وتصليح خراب بسيط افضل من تطوره الى المكينه

[صقرررر]

عادي هذا الصوت ولا يؤثر ان شاء الله
اما المهندسين ترى مافيه مهندسين الا ماقل
فيه متعلمين وعلى حساب مخابينا جب هذاي القطعة واذا ما صارت الذي هو قال جبلنا القطعة الاخرى نشوف
وهكذا

[الدينمو]

حبيبي هذه مشكلة في الكلتش

والصوت مثل الحنة والا لا

واعتقد انه من القطع وتركيبها السيء

ولازم تفحصها وشوف كم ورشة

وقرر على ذلك

وبعدين حتى الوكالة ساروا كالورش

تحياتي

[تــ تيربوــــون]

مثل ما قالوا الشباب تراه 80% كلش

واذا هو كلش تراه سهلات....

ولكن الصوت هل مثل حنة الكارونه الخفيفه....

لانه اذا نفس الصوت معناته انه القير عندك ترس او كذا ترس متواكلين ولازم تغيرهم....

او الدبل يمكن يكون البيرنق فيه تعبان

عطني خبر وانا اخوك

والله يكون في عونك

[سايبر]

أتفقوا المهندسين أن الصوت من فحمة الكلتش ولا تؤثر وتمشيك ويكون تأثيرها على الكلتش فقط

لكن المشكلة في الرجة اللي اكتشفتها عندما أعدي سرعة 150
رجة مستمرة واهتزاز في السيارة واذا فكيت رجلي من البنزين فجأة يطلع صوت يشبه صوت الاحتكاك
وبعدها يختفي

[أبوأصايل]

عزيزي
الصوت هذا طبيعي ولا توسوس ترى أغلب اللاندكروزر فيه نفس الصوت ولا يعتبر مشكلة أو عطل
مثل القير أحيانا ما يلقم بسرعة وخصوصا الريوس
فلا تخاف من هذا الصوت
كان عندنا لاند فيه نفس الصوت وما بقينا ورشه ما رحنا لها والكل يفتي بشيء جديد وخسرنا عليه وفي الاخير ما راح الصوت وللجيب معي ما يقارب 6 سنوات وبنفس الحاله وماشي زي الحلاوه
فلا تخسر ولا تتعب نفسك خل الموتر كما و عليه