[فارس الرياض]

السلام عليكم ورحمه الله وبركاته _ يا اخوان انا شغال في مستشفى قسم الأطفاء والدوام ورديات وتعب شوي _مع اني مو عسكري ونزلت لي وظيفه بأمن المنشأت برتبه عريف ومادري وش اختار هل أستمر بوظيفتي مع ان راتبها 6 وشوي ولا اجزم واصير عسكري مع اني مادري كم راتبها _ وش رايكم يالربع شيرو علي

[حامدسعد]

عريف في أمن المنشآت أفضل لك... خاصةً اذا كان الدوام مكاتب مو حراسات...والله يوفقك..

وترا راتب العريف في امن المنشآت 6 وعليها شويات...

[فارس الرياض]

والله يالغالي مادري هي مكاتب ولا حراسات بس الأكيد انها حراسات وفيها خطوره خاصه بالوقت الحاضر وانا افكر في التقاعد _ انا اشوف اذا صرت عسكري ماعندك تقاعد اما اذا كانت موظف حكومي فعندك تقاعد يسوى _ على فكره انا مو موظف حكومي انا عقد

[المسـافر]

اللي اعرفه إن العسكرية فيها إستلامات ( بنت عم الورديات )

و غير كذا سن التقاعد عندهم أبكر من المدنيين



عموماً أشوف أن راتبك حليو

و بما أنك تحملت وظيفتك كل هالفترة أقترح تكمل فيها

لأنك ماتدري يمكن البيئة الجديدة اللي بتروح لها ماتعجبك

خصوصاً من ناحية الزملاء او الموظفين اللي معك


المهم أستخر و شاور كل اللي حولك خصوصاً العسكريين و لاتستعجل



دعواتي لك بالتوفيق

[فارس الرياض]

والله يالمسافر بعثت فيني روح الأمل _ ومثل ماذكرت انا اشتغل في محطه اطفاء قسم بالله تعب لأنك جالس في منطقه مستشفى _مرضى.مختبرات دم . حوادث حريق . حوادث سير يعني من مجميعه

تحياتي لكل من شارك في موضوعي

[ابوصالح]

ياخي الكريم
نصيحه
لاتقرب العسكريه وانت مو محتد عليها ماتدري يمكن تطيح باداره قشرا و الرتبه عريف فنصيحه خلك مكانك
خصوصا ان الله انعم عليك بوظيفه

[فارس الرياض]

والله انكم صادقين ياأخوان وعز الله اني راح استمر بوظيفتي ويكفي اني مكون قاعده كبيره من الزملاء بحكم السنين وكذلك الخبره في مجالي
مشكور لكل من شارك في النقاش

[عاشق التيما]

اذا كانت الوضيفة عريف ودوام مكتبي خذها شرط مايكون ميداني

[هٍـآيـوٍمآ ( آلمٍـطيـًرٍيُِ )]

ابتعد عن شي اسمه عسكري نصيحه

انا اقدر اتوظف عسكري بس ماابي وحاولوا فيني بس رفضت<*****بواسطه خخخخ

والحمدالله الحين موظف حكومي مثلك ورديات وافضل من العسكريه

فـ نصيحه خلك بوظيفتك ولاتروح للموت قصدي العسكريه خخخخخخخخخ

بالتوفيق يالغالي

[كورولالا وبس]

والله يالغالي ماعندي علم
لكن الان التوجه إلى
التخصصات الطبية لانها مطلوبة أكثررررررررررر

[لكــــزس]

لا تبعد عن العسكريه (((((((( الا هججججججججججججججججج ))))))

نصيحه خلك بوضيفتك.. ما دام الراتب ما فرق.... وظيفتك أمن لك..

[فارس الرياض]

المشاركة الأصلية كتبت بواسطة عاشق التيما

اذا كانت الوضيفة عريف ودوام مكتبي خذها شرط مايكون ميداني

موب الظاهر انها مكتبي الظاهر انها بأحد المجمعات الشكنية يعني الطقة براسك

مشكور على النصيحة

[فارس الرياض]

المشاركة الأصلية كتبت بواسطة فتي الاحساء

ابتعد عن شي اسمه عسكري نصيحه

انا اقدر اتوظف عسكري بس ماابي وحاولوا فيني بس رفضت<*****بواسطه خخخخ

والحمدالله الحين موظف حكومي مثلك ورديات وافضل من العسكريه

فـ نصيحه خلك بوظيفتك ولاتروح للموت قصدي العسكريه خخخخخخخخخ

بالتوفيق يالغالي

والله مثل ماقلت وقالو الأخوان امسك خبلك لا يجيك اخبل منه

[فارس الرياض]

المشاركة الأصلية كتبت بواسطة كورولالا وبس

والله يالغالي ماعندي علم
لكن الان التوجه إلى
التخصصات الطبية لانها مطلوبة أكثررررررررررر

انا تخصصي فني اطفاء يعني ويني وين التخصصات الطبية

مشكور على مرورك الموضوع

[فارس الرياض]

المشاركة الأصلية كتبت بواسطة لكــــزس

لا تبعد عن العسكريه (((((((( الا هججججججججججججججججج ))))))

نصيحه خلك بوضيفتك.. ما دام الراتب ما فرق.... وظيفتك أمن لك..

مشكور يا الغالي على الشور

الله يعطيكم العافيه يا اخوان والله ماقصرتو

[فاقد حنان]

يارجال استخر وشوف نفسك

وشاور اهلك

مع اني ماانصحك بالعسكرية ياشيخ والله اهانه يجيك الي اكبر منك ينفخ عليك ويهنيك وانت اكبر منه بالسن

انا اشوف وظيفتك حلوة صرااحة ورااتبك حلو اقعد فيها

دام انك تحملتها السنين ذي كلها تحملها ذا المره وخلاص

عاد انت استخر وشوف مدري عنك انت وش ميولك

تقبل مروري