[عنييييد]

انا اطلب صور هايلكس Sglx 2008 4x4

وابي الفرق بين Glx وsglx

انتظر ردودكم ......

[عنييييد]

طبعا ابي صور لسيارات عبداللطيف جميل

وليس الخليجي

وهل تنصحون بها مع العلم ان السعر 83000 الف ريال

وما هو البديل الافضل للهايلكس

[أبوحمد]

هلا فيك أخوي ..

معقوله أنت في الرياض ومابعد شفت الهايلكس الدفرنسين !

بالنسبة للسعودي أنا شفته جدا مميز عن الخليجي , طبعا الخطوط هذي السنه نفس الشي اللهم السعودي تميزه من الخارج
وجود دعامه امامية - مرايات بلون السياره مع اشاره - دعاسه جانبية مختلفه - جنوط شكلها أزين من الوكاله - الجناح الخلفي - الحساسات

وايضا تم توفير نفس السياره بقير أوتوماتيك ..

و ايضا تم توفير نوعين لكرسي الراكب الامامي - نوع عريض - نوع كرسي مستقل مع وجود تكايه .

الفرق بين السوبر والـ Glx فقط عدد 2 ايرباقات أمامية ونظام فرامل مانع للأنزلاق طبعا لصالح طراز السوبر ..
اللي أنت تقول قيمته 83000 هذا القير الاوتو لأن العادي بـ 80000 ريال ..

أرجو أن أكون أفدتك ,, أما الصور إن شاء الله بحاول أوفرها قريبا ..

[عنييييد]

بارك الله فيك على هذا الرد الوافي من رجال وافي

وانا شفتها لكن ودي بصورتها احطها بالجوال واشاور الربع فيها لان سعرها مرتفع ويمكن يكون في بديل افضل منها

[أبوحمد]

بصراحه الهايلكس الدفرنسين وبس

أنت تبي عادي والا اوتو ؟؟
تبي بنزين والا ديزل ؟؟

حدد مواصفاتك علشان اقيم لك اللي يصلح .

[عنييييد]

الصراحه انا اطلب الـ sglx ويكون القير عادي لان سيارة البر ما تصلح تماتيك
والبنزين طبعا غمارتين بس محتار في اللون

بين الابيض والفضي

[أبوحمد]

إذا بتاخذ سوبر يعني S-glx أنصحك تاخذ الفضي والسبب لأن جنوطه تجي كروم وبيطلع منظرها مع اللون عكس الابيض اللي يمكن ما يبين معك كثير بحكم الناس متعودين عليه

بس للأمانه مهما كان الابيض على الهايلكس شي ثاني ..

مع اني شفت كم من لون صراحه إبداع خاصة مع الدعسات الجديدة والجنوط الكروم حق 2008 مثل العنابي ,, بس عيبه أن لون الخط يضيع مع لون السياره ..

ياليت تتأكد من السعر هل العادي بـ83 أم الاوتو هو اللي بـ83 أنا ناوي عليه أن شاء الله بس مع بداية العام الجديد علشان يجي مكتوب على الباب 2008 وليس 2007 مثل الموجود حاليا ..

[ابوتع]

شف اخوى سعر السعودية كما تفضلت اما الخليجية عند اليحي القير اوتوماتيك ب77 الف والقير العادى 75 الف ارجو اني افتك

[عنييييد]

اشكركم على الردود

ولكن السعودي هذه المره غييييير

احسن ان الخليجيه ما لها داعي ابدا من حيث الخطوط والجنوط والمواصفات

[أبوحمد]

أخوي عنيد هذي الصور صورتها لك اليوم وعلشانك .. أرجو أن تكون تفي بالغرض ..

الثــــــــانية

الثــــــــــالثة

الرابـــــــــــعة

[عنييييد]

ابو احمد

الله يبارك فيك ويكثر من امثالك

ودي اخذ رايك فيه واحد من اصحابي يقول 2007 الخطوط اللي على الجوانب احلي من 2008

مدري فيه فرق بينهم ام لا

ويقولون ان فيه نوع المراتب مفصوله وهذي النوعيه هل توجد عندنا وكيف اعرفها .

[أبوحمد]

يا هلا فيك أخوي

هل تقصد أنك تبي تشتري 2007 علشان الخطوط والا 2008 وتغير لخطوط 2007 ؟؟

بغض النظر عن السؤال صدقني الجديد جديد وأذكر خطوط 2007 كلهم قالوا مالها داعي ومالها اي منظر وجايه كأنها علامة صح وخذ لك من ذي الخرابيط والحين صارت هي أحسمن من 2006

صدقني الى الان خطوط 2008 نصبه على الموتر شكلها والوانها المتعدده صراحه شي ..

بالنسبة للمراتب المفصولة أنا ايضا سمعت وما شفتها الا على الهايلكس الدفرنس فقط

أما الدبل فهي إجباري على القير الاوتو -- أما العادي قالوا أنه موجود بس الى الان ما شفت منه شي ؟

وأنت اذا تبي موتر قلهم أبيه سوبر جي ال اكس فل كامل مع ركاية .. ويوفرونه لك من المخازن اللي بجده لأنه غير موجود في صالات العرض ..

بس يخوي تكفى اذا سيرت للوكاله وسألتهم عن الكراسي الفصل والتكاية أرجو أن تسأل لي عن الدبل الاوتو بكم سعره الان ؟؟

[عاشق الدبل]

2008 الدفرنسين روووووعة ونصبة وإذا هي على الخطوط غيرها مع أن خطوط الخليجي حلوة وبعدين جنوطه روووعة ومميزة ما يحتاج تشتري جنوط وتغير كفرات وقلق

[أبوحمد]

المشاركة الأصلية كتبت بواسطة عاشق الدبل

2008 الدفرنسين روووووعة ونصبة وإذا هي على الخطوط غيرها مع أن خطوط الخليجي حلوة وبعدين جنوطه روووعة ومميزة ما يحتاج تشتري جنوط وتغير كفرات وقلق

كيف حالك يا عاشق الدبل

أذكر انك طلبت مساعدتي في كذا موضوع ,, ووالله اني كتبت لك أشياء كثيره وفصلت وشرحت شرح وافي ويوم أعتمد الرد

الا تجيني رساله ادارية تقول الموضوع انتهى وقته ,, وارجع علشان أنسخ كتابتي ماعد أقدر الين أنقهرت وطلعت من الموضوع ..

فالمعذره منك .