[جيب فورتشنر]

___________-
_____________-
_______________-

طبعا مثل ما هو معروف ان الفل كامل من الفورتشنر 6 سلندر 2008 بدون انوار زنون

فانا ابركب في الوكالة انوار زنون ولكن ماباخذ زنون فورتشنر لأنه فيه مشاكل

فأبي رايكم وش افضل زنون اخليهم يركبونه وهل تتوقعون يوافقون يركبون مثلا زنون vxr على الفورتشنر

او هناك احسن منه ؟
طبعا المطلوب زنون ينور الخط موب يعمي الناس

وشغل وكالة عشان الضمان
اتمنى اللي جرب يعطينا تجربته ..

[المحظوظ]

يوجد زينون في قسم الاكسسوارات عند عبداللطيف جميل وسعره تقريبا 2200 ريال من شركة اسمها Piaa وهي شركة يابانية وممتازة وبإمكانك تختار النور العالي او الواطي حسب رغبتك...ولكن السعر غالي ومبالغ فيه!!!! وللمعلومية تم الغاء الزينون في موديل 2007 و 2008 لكثرة مشاكلة علما ان النور العالي في الفورتشنر قوي جدا ...!!!! وبأي حال لا تركب اي شئ الا في الوكاله وتحت الضمان

[الجفني]

معليش اخوي المحظوط انا بصراحه اشوف ان انوار العالي ليس قوي مثل الجيوب الاخراء لكن يميش حاله

[أبوحمد]

ما أنصحك تركب زينون لأن الزينون يحتاج عدسه علشان يجمع لك النور

أما اذا ركبتها كذا على طول ماراح ينور لك الخط مثل ما تتوقع ,, أنا مجربه وما أستفدت شي !!

[جيب فورتشنر]

شكرا لكل من رد
اخ ابو احمد هو صحيح ماراح ينور الخط بشكل قوي
لكن راح يكون افضل بكثير من النور العادي اللي مركب عليها الحين
لأني جربت قبل كذا زنون في سيارة ثانية وكان الزنون نازل على الارض عشان ينور الخط

ففعلا كان افضل من النور العادي بمراحل في تنوير الخط

[أبوحمد]

أخوي جيب فورتشنر ,,

أنا مجرب وفي اليمن الشوارع كلها طافية خطوط السفر خطين فقط راح وجاي ..

النور اسمه العالي وش يفيد اذا كان قدامك على الخط !!

إذا وسط المدينة مافي مشكله بس اذا بتسافر فيه وطريق مظلم بتتورط وهذا عن تجربه والله يوفقك
ولا تنسى ترا سياره عن سياره تفرق

وشركة زينون عن شركة ثانية أيضا يكون في اختلاف ..

[فورتشنري]

ابداً ماانصح بالزينون تراه مو شي بالخطوط الطويله
نصيحتي لك ياراعي الفورتشنر روح للوكاله وخلهم يرفعون النور العالي لانه بالفعل واطي جداًمقارنه بغيرها من الجيوب

[جيب فورتشنر]

انا ما اتكلم عن العالي
انا اتكلم عن الواطي العادي يعني اللي يشتغل اول شي

انا لما امسك خطوط مظلمه
اشوف الزنون افضل بمراحل لأن المسافة اللي ينورها النور العادي تشوفها مثلا 6 امتار قدام

اما الزنون اكثر من 10 متر وهكذا .. هذا كلامي من واقع تجربه

فما ادري عن الجيب

اما العالي حق الجيب فما جربته في الظلام لكن مبدئيا اشوفه قوي ماشاء الله

وعلى فكرة في زر على اليسار يرفع النور وينزله حركه حلوه هذي وراح تكون احلى مع الزنون

[غـيـر الـنـاس]

انا انصحك تركب في الوكاله

وبعدين انا بالنسبه لي ان الزيون يفرق عن العادي بووواجد
سواء في الخط وداخل البلد

[دفع رباعي]

والله غريبة أن زنون 2006 فيه مشاكل أنا لي مطلع سيارتي لها تقريباً سنة ونصف واللهم لك الحمد لم أعاني من خراب الأنوار الزنون بل ع العكس قوية جداً ماشاء الله في المدينة أو في السفر لدرجة اللي أمامي يكبس لي بالنور يحسبه العالي وبعض الأحيان أقوم بتنزيل درجة الإضاءة إلى 4 أو 3 داخل المدينة فقط أما في السفر على الخطوط الطويلة أجعله على رقم 5 ، ،،،،،

ونصيحتي لك ياجيب فروتشنر ما تركب إلا هو وكالة على الضمان وتحصل على إضاءة قوية جداً ومضمونة
وأستغرب جداً من الشركة إبعادها من بعد موديل 2006 ،، ياأخي جيب قيمته فوق المائة ألف وبدون زنون شي يقهر ،،،،، وتقبل تحيااااااااااتي .

[المحظوظ]

تم الغاء الزينون لكثرة مشاكلة ...وهذا ما اثبته لي بعض مستخدمي موديل 2006 وكذلك الصيانة ...لذلك لا انصح وبشدة التعديل في كهرباء السيارة إلا في الوكالة فقط وحتى تتحمل الوكالة الضمان والصيانة ....سيارتي Vx2 ولم اركب عليها زينون لكونه غالي وليس هناك ضرورة ملحة لتركيبة كون الانوار عندي مقتنع بها وانا لا احب التعديل في السيارة

[((محمد))]

والله انا اتوقع ان الزينزن من الوكاله ممتاز لاسيما ان كنت راعي خطوط
ومن الوكاله علشان اذا صارله شي فيكون منهم

وبعدن قلانا اذا ركبته علشان نعرف
والله يوفقك