[قـطـر]

السلام عليكم

مادري يااخوان اذا فيه لون غير اللون الاسود لطبلون الفي اكس ار؟

لاني انا طالب واحد وراح يوصل على شهر 1 لكن مادري اذا كان فيه امكانية اني اخليه بيج من داخل بدل الاسود؟

[ولدالدوحه]

شوف الشركة كلمهم لأن الكروزر الجديد بأنواعة جاي لون الطبلون اسود .

[مدور الحب]

شوف وارد البريمي بمعارض طريق سلوى

[الكتلوج]

والله اسأل الي طلبت منهم هم ابخص في الشي هذا لانهم ماراح يعطونك شي إلا قادرين عليه وهم الي يستفسرون إذا طلبك موجود هذا افضل من وجهة نظري

[حسونه]

ما أتوقع
لأنك تبي مواصفات خاصة
وكذا يزيد السعر

[غالي الأثمان]

انا سألت وقالوا مافيه لون بيج كله اسود
وهذا اكبر عيب في اللاند الجديد
اتوقع انهم مخلينه بالعمد علشان ينزلونه بعد كم سنه
!!!!حركات!!!!

[ا ب ت ث ج ح]

نعم اخوي ، فيه لون ثاني " طبعا اقصد لون الطبلون - الداش بورد - " غير اللون الاسود
فيه لون بني داكن - محروق - و انا شفته في بعض الصور و الوكاله في الكويت
طبعا مو اللون اللي تدور لكن على الاقل احلى من الاسود و يمشي مع لون الكشنات البيج اكثر بحكم ان البيج من درجات البني
ولو اعرف شلون انزل صور كان ما قصرت معاك و المسامحة !!!

[قـطـر]

مشكورين ياإخوان على الافادة

[هاهاها]

الموديلات الجدية كلها اتجي باالاسود الكزس جميع الموديلات بل اسود