[المجازف]

السلام عليكم ورحمة الله وبركاته
صراحة ياخوان انا ناوي لي على كامري جراندي 2006او2005 قلت اشاور الاخوان افضل
انا صراحة معي كامري 2006 بس 4سلندر والمصيبة الكبرى انها قير عادي عشان كذا ببيعها تعبني هالقير انتم خابرين القير العادي مع الزحمة يجيب الهم
وعشان هذا السبب قلت ببيعها ولالوانها قير اوتو مابتعها ولا طرى ونويت على كامري جراندي 2006.او2005 مستعمله وتكون نظيفة واهم شي قير اوتو.
المهم انا اخذت عقدة مستديمة من اي 6 سلندر كان معي ماكسيما 2002 جابت لي الهم والغم خرابات بالجمله قطع غيار نار نار كل يوم في ورشة يزين شي يخرب شي وتشفط بنزين شفط ,وحرارة دائما مرتفعه لكن قلت لعل الكامري تختلف عنها حسب ماسمعت ان 6 سلندر الكامري ممتازة وقطع غيارها معقوله وخراباتها قليله الله الله ياخوان مشورتكم ونصايحكم ووين احصلها نظيفة معارض الشفا ولا النسيم اللي في الرياض وكم اسعارهن وكم تسوى سيارتي كامري 2006 فل كامل فتحة جناح 6 سيديهات قير عادي وشاكر لكم مقدما .

[داحس]

وعليكم السلام
يازين الجراندي بس وين النظيف ان لقيت نظيف لاتشاور

وبالنسبه للقير العادي ترا بنظري انه زين مع الاربعه سلندر يعني يعجبك ماشفت التماتيك اربعه سلندر صياح المكينه قوي تحس السياره يبي يصير فيها شي وبعدين المكسيما غير والكامري غير ماتوقع نفس الشي فرق كبير انا ماستعملت مكسيما بس واضح انها غير وبالنسبه لسعر القراندي مدري والله بس تدري ان وكيل تويوتا فالكويت كان يبيع فالقراندي 2006 حتى بعد مانزلت الاريون وهي ماخلصت بس ماكان عندهم الافئه وحده بس قراندي جلد فل كامل وسعر المستعمل مدري كم والله يوفقك

[النمر الاتحادي]

أنا ما عندي خبرة في السيارات

بس أنا أقول لو تبغى قوة محرك ترى في الأوريون

وترى السيارة المستعملة ما تدري اش فيها

( وجهة نظر )

تقبل مروري

[فارس الرياض]

قبل سيارتي الكامري هاذي 2007 كان معاي 2006 قراندي فل ابشن مشتريها 91 الف كاش _واستعملتها سنه ومافيها أي شي بس كانت ماشيه 60 الف وبعتها ب60 الف السياره موتر لا اصوات ووسيعه ولاتصرف بنزين _ اذا حصلت زي كذا موتر اشتره وانت مغمض

[المجازف]

جزاكم الله خير ياخوان
بس عندي اسئلة عن الجراندي 6 سلندر هل خراباته واجد وحرارتها طبيعيه خصوصا انا امسك خطوط الظهر في عز الصيف وبما ان المكينه كبيره ماذا تكون حرارتها وهل تتحمل الكرف مثل 4 سلندر

[فارس الرياض]

يا استاذي العزيز حرارتها طبيعي _ وش رايك بعد ان حراره 2007 Glx‏ ‏4 سرندل اعلى منها _ توكل على الله _ بس اقول لك شو عيوبها قدام 2007
قيرها 4 غيار
ماتحس انك راكب موتر فل اوبشن _ قصدي ك لوحه تحكم ، يعني مثلا مافيها سي دي ، طبلون ليزر
جنوط مقاس 15
ستاره خلفيه يدوي
وسلامتك

[حــــمــــوودي]

المشكله شلون تطيح لك في نظيف هاذي المشكله .. ولا الكامري 6 سلندر اذا انت راعي مقاوم

وراعي سرعه فأتشرها .. لو العكس انصحك بالأربعه سلندر يكون احسن .. بالنسبه للحراره

يوم تقول تمسك خطوط بعز الظهر ترا من صالح حرارة المكينه انك ماسك خط ترتفع اذا كنت

واقف وخصوصا اذا صار زحمه يعني انت عارف الرياض ما فيها زحمه ابد ما شاء الله .. بس

بس ما تتعدا النص . ان شاء الله .. وبالنسبه للمعارض روح لهذا وهذا .. لا بغيت تبيع بع في النسيم

تقبل مروري أخوك حــمــوودي.

[المجازف]

بارك الله فيكم
ورحت معارض الشفا وحفرتها تحفير تصدقون مالقيت ولا وحدة جراندي من 2005الى 2006

[كامري جنان]

اذا انت راعي خطوط وقومات انصحك بالجراندي 2005
واسأل مجرب

[العاااابر]

الله يكتب لك كل خير