[أفالون وبس]

السلام عليكم

الأفالون 2006 هل يتوفر فيها نظام بلوتوث زي ماسمعت ؟؟؟

ارجو الرد

[الــوســيــم]

هلا بك اخوي الكريم ..

لا يا الغالي ما فيها بلوتوث ..

الفرق بين 2005 و 2006 هو ان فيه حساسين قدام و حساسين ورا و ايضا عمود التوازن او ما يسمى بنظام التوازن مثل الموجود في اللكزس ..

اتمنى اكون افدتك يا غالي ..

الـــوســــيــــم

[أفالون وبس]

الوسيم

الف شكر لك يالغالي

[البروفسيور]

لا مافيها اتمنى اني افدك اخي الكريم

[بولافي]

اخوي الوسيم

السلام عليكم اسمحلي على المداخله

ترى الافالون ما فيها حساسات وشوف موقع الام وانت تحكم

شكراً واسف مره اخرى على المداخله

[البروفسيور]

الاخ بولافي انا شايف الافالون 2006 في المعارض وفيها حساسات وهو الفرق الوحيد عن 2005 وصحيح انها تركيب ابوجميل بس فيها وشكلها مقبول وجميل اما انظمة الثبات ماشفت مايدل على وجودها وراعي المعرض يقول مافيها وشكله ماعنده سالفة والوكاله تقول فيها والله العالم لازم يقطع الشك باليقين واحد من ملاك الافالون 2006
تحياتي لك

[الــوســيــم]

اخوي الغالي بولافي الافالون 2006 فيها حساسات يا الغالي ..

صحيح انها مو من الشركة الام لكن شكلها حلو مثل و مقبول مثل ما قال اخوي البرفسيور ..

و اهم شئ انها تكون شغالة زين ..

اما بالنسبة لعمود التوازن انا متأكد 100% ان فيها لان قريبي بالاصح عمي اشترى افالون 2006 له الآن تقريبا اسبوع و نصف ..

و فيها فررق كبييييير بصراحه في السواقه ..

يعني تحس السيارة كلها تلف معاك مو مثل 2005 ..

و خصوصا اذا جيت على سرعه و تبي تلف مع مخرج بصرااحه ثباات غيييير طبيعي ..

عموما اتمنى اني اكون افدتك يا الغالي ..


الـــوســــيــــم

[البروفسيور]

تسلم يالوسيم ولا واليوم في جريدة الحياة منزلين اعلان للافالون من عبداللطيف جميل وذاكرين فيه انه 2006 بالمزيد من المواصفات مثل vsc, trc تدللك يعني اعتقد انه فيها هالانظمة والله اعلم يمكن دعاية ولا جاء وقت الجد قالوا اختياري بالطلب لكن شكل الاعلان انه فيها هالانظمة
تحياتي لكم

[أفالون وبس]

تسلم يالوسيم ولا واليوم في جريدة الحياة منزلين اعلان للافالون من عبداللطيف جميل وذاكرين فيه انه 2006 بالمزيد من المواصفات مثل vsc, trc تدللك يعني اعتقد انه فيها هالانظمة والله اعلم يمكن دعاية ولا جاء وقت الجد قالوا اختياري بالطلب لكن شكل الاعلان انه فيها هالانظمة
تحياتي لكم

حتى أنا قرأت هذا الخبر وهذا أثبات للشاكين حول وجود هذا النظام في موديل 2006

لكن المشكلة الساسية ما انحلت الا وهي توفرها في الوكالة

فاتصلت على الرقم المجاني وقالي الموظف لازم حجز كالعادة وانت وحظك بالكمبيوتر

فقلتله عندي حجز من اول فاعطيته رقم الحجز وقالي انه حيتصل علي عشان يخبرني عن السيارة اهي

وصلت ام لا ومع ذلك ما اتصل ...

والظاهر اني باتجه لسيارة ثانية غير الأفالون والسبب الوكيل وكلنا نعرف هذا الأمر

شكرا على الردود

السلام عليكم

[البروفسيور]

افالون وبس تحية طيبة فعلا هذي مشكلة مسئلة الحجز ولكن السيارة تستاهل خاصة بعد اضافة ال vsc,trc ولا بعض السيارات تجي ببلوتوث وتظليل خفيف لان خوي اتصلوا علية وقالوا له السيارة وصلت ولك 24 ساعة تسدد الفلوس والا ضاع الحجز وقال له الي اتصل فيه ان سيارته فيها بلوتوث وتظليل خفيف شد بلد (غريبة) وسعرها 118500 بدون اللوحات والاستمارة لان فيها هالميزتين وانه الي بدونها سعرها 116500 وعموما خوي اشترا سيارة ثانية لان له 6 اشهر حاجز ولا طالب ابيض لؤلؤي وجابوا له فضي داخلها رمادي وهو سيتنازل لي مع ان الوكالة مانعة التنازل واذا قدر يتنازل لي باخذ السيارة وسااوفايكم اذا الله تمم بخير بتقرير مفصل عنها. علما باني حاجز ذهبي داخله بيج من حوالي اسبوعين الي 3 اسابيع وماافضل الفضي بس احسن من الانتظار بالاشهر وش نسوي

[البروفسيور]

فعلا تاكدت من الوكالة وشفت المواصفات على الكمبيوتر عندهم والسيارة 2006 وفعلا فيها بلوتوث زبعد السؤال والتاكد وقردنة مندوب المبيعات عرفت ان البلوتوث تركيب ابو جميل وليس شد بلد والله مشكلة ابوجميل يبي يكحش بالفلوس كحش الحساسا ت تركيبه والبلوتوث تركيبه ولا بعد يحط عليها تضليلة للعزل الحراري نوع اسمه نسيته حاجة كول (بس مو في كول لاني اعرف هالنوع) اعتقد ون كول او شي حول ذا الاسم كذا وبرضوا تركيبه ولا بعد يلزمك بها ما يشاورك شغل ابو جميل جشع وترقيع.

[الــوســيــم]

غريبه يا الغالي ..

انا اقولك عمي شاريها من معرض بالرياض طبعا ببطاقتها الجمركيه ..

و ما فيها بلوتوث ولا تضليله ..

بس ترى ابو جميل الله يصلحه يركبها لك ولا يشاورك و يزيد عليك بالسعر ..

يعني اذا انت ما شريتها فيه غيرك 1000 يشترونها ..

عموما الله يوفقك ان شاء الله يا الغالي ,,


الـــوســــيـــــم

[البروفسيور]

كلامك صحيح يالوسيم وفعلا قلنا لهم مانبي البلوتوث ولا التضليلة قال مندوب المبيعات الي مايدري وش السالفة :لا مو ممكن لازم تتركب لانها اوامر الشركة قلت له: اي شركة قال: تويوتا قلت له: ماعليش بقوة ترانا مو هنود تويوتا لو بتركبها كان جابتها مركبة من المصنع قصدك اوامر شركة ابو جميل النصابين .
تلقا هالتضليلة واجهزة البلوتوث هم وكلائها . زي ماكان يسوي في الراديوهات حقت الجيوب يطلبها بدون راديوا اقل لتكلفة ويركب عليها نوع صيني او كوري لونة فضي الظاهر اكاي لانه هو وكيله ووكيل عدة اجهزة اليكترونية منها اكاي وتوشيبا وحوالي 5 وكالات علشان يمشي بضاعتة واقل تكلفة واكثر ربح. من الجهتين من وكالة السيارة لم يبيع ووكاله المسجل الي يبيعة عليك بالقوة مركبه بالسيارة برضوربحان ياخي بيموت ويخلي الفلوس ليش الطمع خلها برغبة الزبون مو عصب واستغلال لانه عارف اننا بنشتري نشتري والا المعارض ب 130000 ريال واقل سعر هو 125000 اذا حظك كويس.