[@ أبو شهد @]

السلام عليكم ورحمة الله وبركاته

مساء الخير للجميع......

تكفون يا عشاق الأميرة هذا أول موضوع لي في المنتدى ... وبغيت الفزعة

بإختصار أنا صار لي أكثر من شهرين الف الوكالات والمنتديات عشان أبي اشتري سيارة وفي الأخير دوخت وطفشت
بسبب أن لكل سيارة عيوب ولكن ابي اقلها عيوب لأني ناوي أستخدم سنين مو مسألة فترة بسيطة إذا الله أعطانا عمر..

طبعا قررت أتوكل على الله بعد الإستخارة وأشتري الأميرة.. بعد ما أقرأ ردودكم..

بس بغيت فزعتكم وتعطوني رايكم في عدة أمور :

1- بالنسبة للريحة اللي تطلع من السيارة لقيتوا لها حل؟؟؟

2- بالنسبة للقراندي طبعا جنط17 والسؤال... هل السيارة مريحة لأنه معروف كل ما كان الجنط أكبر كل ما قلت الراحة ...
والسيارة بشكل عام مريحة أو لا؟؟؟

3- القراندي 2008 بدون شاشة.. بجناح أو لا ؟؟.... لأن الجناح بصراحة باااااااااااااايخ ومخرب السيارة..

4- الفرق بين 2007 و 2008 ( ايش المواصفات الجديدة) ..

5- هل يوجد بالسيارة نظام إنذار أو لا ؟؟ يعني لو أنكسر زجاج أو غيرة تعمل صوت إنذار؟؟

6- نظام التبريد والتكييف فيها ممتاز أو لا ... وزي ما تعرفون ان دولتنا بإسم الله عليها براد يرد الروح

7- بالنسبة للأنوار الأمامية سواء العالي أو الواطي طريقة إنارة وتوزيع الإنارة ممتاز بالإخص النور الواطي لاني راعي خطوط ...وبعض الطرق صعب تستخدم الإضاءة العاليه فيها على طول..

8- تكفوووووووووووون قولولي عيوب السيارة اللي واجهتكم ولكم مني دعوة بظهر الغيب...


آآآسف على الإطالة بس تعرفون المال عديل الروح والواحد بيحط 100 الف ريال

بإنتظار ردودكم

مودتي

أبو شهد ,,,,,,,

[عاشق المازدا]

حياك الله أخوي بو شهد
اسمح لي أجاوب على أسئلتك:

1ـ الريحة في الأفالون مو الأوريون
2ـ بصراحة اللي معي تورنيج جنطها 16 بس بصراحة السيارة في رجة على110كم

3ـ أبشرك 2008 بدون جناح إنت تطلبه

4ـ والله بالتحديد ماأدري بس يقولون ركبوا لمبات تحت عند الأبواب ولاحظت وجود مكيف في السقف للركاب اللي في الخلف ماأدري هل كان موجود في 2007 ولا لا

5ـ ردد ياليل ماأطولك

6ـ بصراحة جيد يعني لاتخاف مو سبب يخليك تترك السيارة

7ـ أنا اللي معاي تورنيج يعني أنوار عادية وماشاء الله قوية جدا عاد كيف الجراندي اللي فيها لمبات شبيه بالزينون

8ـ بصراحة العيب الوحيد اللي قابلني وجود رجة لمن أمشي110 كم يمكن عشان أخذتها من المعارض انعدمت من الوقفة

وألف مبروك مقدما

ولاتنسى تدعي لنا :d

[@ أبو شهد @]

وفقك الله أخوي عاشق المازدا وشكرا لردك السريع

أخوي بالنسبة للريحة موجوده في الأوريون ومع خويي أوريون تورينج 2007 والريحة موجودة وتجيب الهم
بس قلت أكيد الشباب لقوا حل

بالنسبة للرجة اللي عندك مالقيت أنت حل في الوكالة؟؟؟

مودتي........

[ملك الخطوط]

هلا وغلا اخوي ابو شهد
انا الي اعرفه عن الاوريون والي اخوياي اشتكو منه في السياره الي هوه ( الانذار )
سياره مافيها انذار وسارت مطمع لكثير من الحراميه ( الله يجعلهم بشلل ) الشنطة الوحيده الي تقفل بمفتاح
اما باقي السياره بدون انذار شي مايدخل العقل سياره 2008 ومواصفات ومافيها انذار ضد السرقه
يعني باختصار لو انكسر القزاز او انخلع الباب او انسرق المسجل او الشمعات او انخلعت الشنطه ولهفو الاستبنه تاكد انه مافي ازعاج في الشارع والحرامي بيجلس يمزمز على السياره الين يخليها لك نظيفه
هذا كلام واحد من اخوياي معاه جراندي يقلي كسرو القزاز ولهفو المسجل ( ابو شاشه ) رغم ان شباك غرفته تطل على السياره من البيت
تحياتي لك

[@ أبو شهد @]

هلا بك أخوي ملك الخطوط

والله شي يخوف بصراحة إن ما فيها نظام إنذار ..... غرررررريبة جدا ..كل السيارات فيها الا الاوريون

الله يستر علينا وعلى اصحابها

أشكرك كثير الشكر اخوي على ردك

على فكرة ترى حبيتك عشان موترك زي موتري سابقا وبعته بس أنا أحسن منك 2003


تقبل تحيتي

[بيتروف]

اخوي الريحة موجودة في الاوريون
انا عندي اوروين جراندي وكانت تطلع اول ماشغل المكيف ريحة وتبقى خمس ثواني وتروح
لكن مع الايام راحت بروحها يعني بقت يمكن 3 شهور وعقب خلاص
واما عن عيوبها بصراحة تحس بكل شي في الشارع وعن مميزاتها انها من تويوتا وبس
والاخو اللي قال انه في مكيفات فوق الركاب اللي في الخلف هذه مب مكيفات هذه ليتات وشكرا

[@ أبو شهد @]

شكراً لتجاوبك أخوي بيتروف

يعني أفهم من كلامك إن السيارة غير مريحة نهائياً؟؟؟

[راعي الاميرة]

1- ماعندي اي ريحة ولله الحمد ولاعند الشباب اللي اعرفهم

2- انا بالنسبة ليا تمام لاني اتجنب اي مطب كان صغير ولا كبير وغالبا احفظ الشوارع اللي امشي فيها

3-بدون جناح واذا تبغاه تطلبه

4- شالوا الجناح وحطوا عند الرجول ليد خفيف وطبعا لما شالوا الجناح حطوا لمبة فرامه ليد في الطبلون اللي ورا

5- للاسف الشديد لا

6- ماشاء االله ماشاء الله لا يعلى عليه عطه 5 دقايق في الظهر وبعدها راح تقلب على الاسكيمو في عز الظهرية

7- الاضاءة 100%

8- طلع الصوت اللي ناحية القير ووديتها وقلتلهم عليها في صيانة 5 الاف وراح الصوت الان ولله الحمد


اتمنى لك التوفيق
وتحياتي لك

[اسماعيل السم]

يعطيك ألف عافية ياراعي الاميرة طمنتنا عشان نشتريها ولانخاف

[ممنوع الدخول]

- بالنسبة للريحة اللي تطلع من السيارة لقيتوا لها حل؟؟؟
بالنسبة ل 2008 لحد الان ما شفت فيها ريحة

2- بالنسبة للقراندي طبعا جنط17 والسؤال... هل السيارة مريحة لأنه معروف كل ما كان الجنط أكبر كل ما قلت الراحة ...
والسيارة بشكل عام مريحة أو لا؟؟؟
السيارة مريحة جدا وناعمة وال2008 معدلين معاوناتها بس مشكلتها شوي اذا صار الهوى تارس تلعب نفس الكامري بس استعمالها حلو ومريحة جدا

3- القراندي 2008 بدون شاشة.. بجناح أو لا ؟؟.... لأن الجناح بصراحة باااااااااااااايخ ومخرب السيارة..
الجناح ما يجي الا عالفل الكامل جلد وشاشة وانا عندي بدون جناح بس حاليا افكر اني اركب

4- الفرق بين 2007 و 2008 ( ايش المواصفات الجديدة) ..
الفرق الله يسلمك اضاءة خفيفة بمنطقة الارجل تعطي شكل حلو للسيارة بالليل

5- هل يوجد بالسيارة نظام إنذار أو لا ؟؟ يعني لو أنكسر زجاج أو غيرة تعمل صوت إنذار؟؟
للاسف لا يوجد نظام انذار فقط حماية ضد تشغيل السيارة

6- نظام التبريد والتكييف فيها ممتاز أو لا ... وزي ما تعرفون ان دولتنا بإسم الله عليها براد يرد الروح
نظام التبريد ممتاز ( مع اني ماخذها بعد الصيف ما يدميني احكم عدل بس عيبه دفع الهوا ضعيف نسبيا بس بارد ما اعاني منه )

7- بالنسبة للأنوار الأمامية سواء العالي أو الواطي طريقة إنارة وتوزيع الإنارة ممتاز بالإخص النور الواطي لاني راعي خطوط ...وبعض الطرق صعب تستخدم الإضاءة العاليه فيها على طول..
الانوار ممتازه وفارشه عالخط طبعا الجراندي زينون بعدسة وفيها نظام وزن تلقائي للانوار يعني قد ما تحمل السيارة ركاب او اغراض ارتفاع الاضاءة ثابت وهذي ميزه حلوة
بالنسبة للعالي قوي جدا بس مشكلته انه مركز بالوسط والسبب ان لمبة الواطي ما تقلب عالي زي الكامري بس انا اشوفه زين

8- تكفوووووووووووون قولولي عيوب السيارة اللي واجهتكم ولكم مني دعوة بظهر الغيب...
دام انك ماخذ تيوتا يعني باذن الله بتبعد عن العيوب والمشاكل
يعني انا واحد من الناس عاجبتني الالتيما بس وانا اخوك التيوتا لك وللزمن ومتى ما فكرت تبيعه سعره فيه

العيوب :

اللي يرفع الضغط بالقراندي نظام التركشن ما ينفصل بزر يبيله قصة طويلة موجودة بمنتدى الافالون عشان تفصله ويضيع نص عزم الاول عليك

وفيه عيب ثاني اذا السيارة كانت على الدي وتدعس حد الدعسة تاخذلها كم ثانية تفكير وبعدين تفز اما على وضع التتابع S استجابتها تكون حلوة

بس انت اذا مو راعي مقاوم ومجاكر ما بتفرق معاك نهائيا

العيب الثالث صوت الهوى قوي اذا كان الهوى عكسك حتى اذا انت تمشي 120 يظايق

بس بالجو العادي الصوت مقبول وانا عن نفسي اتوق السبب عدم وجوت ربلات كافية على الزجاج الامامي ويمكن ملاحظتها مخلين الربلات تحت الزجاج وليس فوقه ( ربل مخفي )

اتمنى اني افدتك واسمحلى عالاطالة

واي استفسار عندك انا حاضر

[بيتروف]

اخوي ماقولك مب مريحة مرة بس يعني انا قلتلك الصراحة بس انت لو تجرب الاوريون يوم يومين بيكون احسن

[@ أبو شهد @]

أخوي راعي الاميرة + ممنوع الدخول

الله يجزاكم الف خير وأشكر تجاوبكم

على العموم أنتم طمنتوني من ناحية السيارة ....

بس

المشكة اللي أنا خايف منها اللي هي عدم الراحة لأن مشاويري كثيرة وكان معاي كابريس ss وبصراحة طفشني جدا جدا من ناحية المناقز الي درجة إني أحس ظهري يتعب لما أطول في السيارة..

وحاولت أجرب إيجار بس ما فيه قراندي( لأن جنطها 17 ) وإنشاء الله الاقي الجواب الشافي من الاعضاء بس كذا حمستوني عليها بقووووووووة

أشكركم جزيل الشكر والله لا يحرمنا منكم ويخليلكم أميراتكم........

مودتي

[@ أبو شهد @]

المشاركة الأصلية كتبت بواسطة بيتروف

اخوي ماقولك مب مريحة مرة بس يعني انا قلتلك الصراحة بس انت لو تجرب الاوريون يوم يومين بيكون احسن

تسلم لي يا قمر .... وبحاول أجربها بأي طريقة

يسلم لي تواصلك وردك ...... لاحرمناك

مودتي