السلام عليكم و تحية طيبة خوي وعزيز على نفسي له 6 اشهر حاجز ولا طالب ابيض لؤلؤي داخلها بيج خيار اول وجابوا له فضي داخلها رمادي وهذا كان واضعه خيار ثاني لان خوي اتصلوا علية وقالوا له السيارة وصلت ولك 24 ساعة تسدد الفلوس والا ضاع الحجز كلمه بالليل بعد العشاء وقال له لك الي الساعة 5 المغرب ثاني يوم يعني اقل من 24 ساعة وسعرها 118500 بدون اللوحات والاستمارة وهو سيتنازل لي لانه اشتري سيارة ثانية وابشركم الامور زانت مع الوكالة ودفعنا الفلوس وعبا نموذج تحويل تسجيل سيارة ليتم تسجيلها باسمي واخذوا صورة بطاقة الاحوال حقتي ورقم الجوال حقي لانه لايمكن التنازل عن الحجز لاخر ولكن بعد وصول السيارة تدفع الفلوس ثم تستطيع التنازل بتسجيل السيارة لاسم شخص اخر لانه خوي قال لهم السيارة شاريها هدية لي وانا حر فلوسكم واخذتوها والسيارة بتتسجل باسم الي ابي ووافقوا علما باني حاجز ذهبي داخله بيج من حوالي اسبوعين الي 3 اسابيع وماافضل الفضي بس احسن من الانتظار بالاشهر وش نسوي والسيارة ليمتد وجاية ببلوتوث وتظليل شفاف نوع عازل للحرارة مثل ال في كوول علما بان المميزات الاضافية في 2006 هي الحساسات والبلوتوث والتضليلة وكلها تركيب ابو جميل وليس شد وكالة وغصب عنك تاخذها كذا ليس لك خيار لاننا قلنا لهم مانبي التضليل ولا البلوتوث ورفضوا ياتاخذون السيارة كذا والا مافي قسم بالله وليس هنا احد يقسم بالله عبث هذا الي صار .
علما بان انظمة الثبات لايعرفون لا المندوب الي باعنا السيارة ولا المندوب خوية الي جنبة عارف هي موجودة في السيارة والا وقلت لهم انها موجودة قالوا ماندري وشكلهم مضيعين واضح من ترددهم وتلعبكهم في الرد ولقيت انهم معتمدين على معلوماتهم على كتالوج 2005 واعطوني واحد منه.
لكن اعلان ابوجميل في الجرايد يقول ن انظمة السلامة اضيفت في 2006 وكذالك الاخوان في المنتدى من ملاك 2006 افادوا بوجودها.
عموما السيارة في الترانزيت حسب قولة والبطاقة الجمركية تصله بعد يومين لي 3 ايام من الليلة وبعدها نصدر اللوحات ونستلم السيارة وساوافيكم انشاء الله بتقرير مفصل عنها بعد استلامها وبعد انتهاء التمرين واذا استجد جديد لاني والله عانيت في تضارب الاراء بخصوص الافالون من مدح وذم ولكن النصيب اخذت السيارة واتمنى ان اوفق باعطاء الصورة الحقيقة سواء ايجابا او سلبا عن السيارة لكم والله على مااقول شهيد
المواضيع المتشابهه للموضوع: وصلت سيارتي الافالون 
