[الذبابي]

السلام عليكم ورحمة الله وبركاته

عندي GXR موديل 2001

قير عادي وودي احوله اوتو

هل ممكن العمليه وكم التكلفه المتوقعه

مع خالص احترامي لكم

[منبع الأحساس]

هو ممكن تغيره بس كيف ما أدري

الحين الأعضاء يجبون لك العلم الأكيد

[أبوحمد]

مثل هذي الاشياء ما انصحك ابدا

بيع واشتري اوتو شد بلد ..

[شقـــران]

مرحبا أخوي الذبابي .. بالنسبه لتحويل (الجير) من العادي للأوتو ممكن ومافيه أي صعوبه .. بس بيكلفك غالي ويعتمد غلاء قطع الغيار من (جير) 2002 وتحت إلى (جير) 2003 وفوق وغير الكمبيوتر إذا كان (جير) 2003 فوق .. ولا تنسى إن عزم السياره بيضعف شوي .. وطبعا ً يختلف الوضع لو كان التبديل من الأوتو للعادي .. وف النهايه أنا ما أنصحك تبدله واوافق أخوي بو حمد في الراي أفضل إنك تاخذ لك سياره (جير) اوتوماتيك شد بلدها وتفك راسك من الصدعه .. وتقبل مروري أخي الكريم

[وليد الأسلمي]

وانا مع ابوحمد وشقران

وكثير اللي يرغبون العادي ويفضلونه

[حامدسعد]

ياشباب طيب الي بيحول من اوتو للعادي

وش الاسهل ...؟

[الذبابي]

اخواني بارك الله فيكم وجزاكم الله خيرعلى تفاعلكم

الحقيقه انا نفسي في سياره قير اوتو
ومو راضي ابيع السياره لأنها تمشي بعروقي
وانا عندي لها ميزانيه لو توصل عشرين الف او ازود بشوي
بس الوكاله عندنا تقول ما تركب ولا عطوني سعر معين

[مصرقع الشرقية]

رح الوكالة اذا ما غيرولك اللة لا يهينك شفلك ورشة من الورش الكبار المعروفة
شغل فلبن ونظيف وترى بيكلف وبعدين انصحك تسوي للي بيعطيك ضمان اطول

[عجزت اسجل]

هلا اخوي
تكلمنا قبل عن تغير السياره من عادي ال اوتو
ومن اوتو الى عادي

وانا مغير من اوتو الى عادي
وكتبت كل العيوب والمساوء اللى مرت علي او عرفتها


""

من عادي الي تومتيك ما يضبط 100%
والشغله يبيلها:
الفتحه الدخليه للقير تكون كبيره ويبيلها صاج ع نفس وزن القير الجديد"التوماتيك" علشان الهواء الحار ما يدخل للسياره وكذلك علشان الصوت
كذلك يبيلك حذاف الطنجره والقير ومواصير التبريد وراديتر تبريد والديكورات الداخليه للسياره والدعسات والطبلون وظفيره الكهرب وشغلات
يعني انا اقول لو معك توماتيك وتغيره لعادي انا ابنصحك بحكم ان القير العادي يتحمل اكثر من التوماتيك وانه يصبر اما توماتيك يبيله صيانه وبعدين القير اللي تبي تشريه لازم يكون نظيف ومواظب راعيه ع تغير الزيت اول باول او قير جديد وهذا بيكلف 10الف وفوق
انا اشوف اخوي انك تخلي سيارك ع قيرها العادي افضلك واذا تبي توماتيك غير السياره لسياره شد بلدها القير التوماتيك
والله اعلم