[أيمن ملهي]

أنا امتللك لاندكروزر Gx-r-2004 محسن عندي مشكله أحس أن المكينه حق السيارة ماتعطيني
أستجابه قويه عن تبديل الجيرات من الخامس إلى الأول عندما أريد العوده إلى الأنطلاق بسرعة تكون السياره
معي ثقيله جدا فهل يمكن لو تكرمتم يا أهل الخير تفسروا لنا ليش هذا الموضوع وهل هذا المشكله او الخلل
طبيعي في جميع الأندكروزر Gx-r ام أنه مشكله في سيارتي

[عسكـــــريم]

من وجهة نظري وعلى حسب مااعرفه انا اقول ان السياره لازم تمشي فوق الــ80 او 90 الف كيلو تقريبا عشان الماكينه تتمرن اعرف صديق لي عنده لاندكروزر 2003 اوتوماتيك ويشتكي من ثقله اذا قوم السياره لكن مع المشي قالي ترى عزم سيارتي فتح وصار اوكي ويوم سألت قالو لي كل السيارات كذا............ والله اعلم ..... من يوافقني بالراي ياشباب

[أيمن ملهي]

حسب ماعرفت انا من ناس أنه عند ما تقوم بس السياره تصبح ثقيله أما عندما أمشي بها 120 160 تصبح سريعه وأفتونا ياشباب ويا مهندسين

[عسكـــــريم]

وشرايك لوقلت لك ان عند والدي لاندكروزر موديل 97 جي اكس ار ******** يعني كاربريتر ...مو بخاخ
وسويت قومه مع سفاري نفس الموديل تقريبا ولاقدر يتعداني في القومه ولافي الخط...
وجربت مع هايلوكس موديل 95 تقريبا ونفس الشئ ماقدر يفوت في القومه
وبالصدفه شفت لاندكروزر 2002 جي اكس على مااعتقد واقف عند اشاره وكان بجنبه فورد ماركيز 2000
يوم فتحت الاشاره قاموا متساويين لكن يوم مشى الفورد فوق الثمانين تعداه شوي

هذا يعني ان موترك فيه بلا.... اذا كان موترك جديد وعداد الكيلو مامشى اكثر من 80 كيلو يصير الموتر قومته ثقيله لكن بعدين مع الوقت ومع الروحه والجيه يتمرن موترك وانشاء الله يصير خفيف <***** على حسب خبرتي وخبرة المجربين
انا اقصد عداد الكيلو مو عداد السرعه..... والله يوفقك

[أيمن ملهي]

شكرااا اخي عسكريمممممممم

[مظاوي]

انا عندي Gxr2002 قوي من القومة إلى الخط ينزل 195 في كيلو تقريباً وو بس يوم يحر الموتر قومته تضعف شوي وو اهم شي جييك على البلكات وو فلتر الجير والمكينه وزيت الجير والمكينة وو فلتر البترول وو إنته والخير رباعة

[أبو عائض]

هذا الموضوع أعتقد أنه وحسب وجه نظري حالة نفسية مع احترامي لك أخوي أيمن مهلي ، لأنها صارت مع واحد من الشباب يقول لي ان السيارة فيها وفيها وهي جديدة ، ويوم راح الوكالة سوو لها فحص وقالوا السيارة تمام وجديدة ما فيها شي ، وجاه واحد فلبيني من الوكالة وقال له ترى الموضوع حالة نفسية من زود الخوف على السيارة علشان إنها جديدة يحس الواحد ان السيارة مو طبيعية إن كان في مشيها والا في صوتها ... إلخ .

هذا اللي عندي ، وأرجو عدم المؤاخذه في التشبيه .

تحياتي للجميع ، والسلام عليكم .