[راعي الاميرة]

ياشباب لا هنتم ...

اليوم وانا ماشي في ام الرخا والشده فجأه طلعلي صوت في التنده !!!
لمن افك التنده يروح
مدري صوت زقزقه او شي محلوول

هل فيه احد صارله نفس المشكله ...؟
افيدوني لاهنتم وطمنوني ...

[خالداحمد]

شيك على الفتحه ممكن فيها غبار او شيء من هالقبيل ولاتنسى تقفلها زين بسيطة ان شاء الله

[راعي الاميرة]

الف شكر يالغالي

ونشوف رد باقي الشباب

[أوريون الغربيه]

بصراحه انا طلع تفس الصوت معي وكنت كاتب موضوع وهذا الرابط

http://www.toyota4arab.com/forum/showthread.php?t=16984
وانا راح اوديها الشركه خلال هذا الاسبوع

بس للحين مافضيت اني اوديها


تحيــــــــــــــــــــــــــاتي

[احمد اورين]

انا اعاني نفس المشكله

[دقات قلب]

أخوي راعي الأميرة

ياراجل صرت اكره اطلع مشوار بـجدة .. بسبب الحفر والمطبات اللي ما لها نهاية

اخر شيء اعتقد اعادوا زفلتت طريق المدينة .. وتعال شوف الحفر والمطبات شيء يهول

عموماً اخي .. حاول تشوف الغبار اذا كان موجود ونضفها ,, ولا دربك ودرب الوكالة اللي بـ كوبري المربع طريق المدينة

[راعي الاميرة]

ألف شكر لكل اللي ردوا


.....

[لامار]

ياجماعة الخير نفس المشكله عندي خصوصا اذا طلعت على مطب

تسمع صوت طقطقه في التنده
وديتها الشركه وياليتني ماوديتها .....

فكو التنده كلها وخرجوها برا
وربي لمن شفت المنظر مغصني بطني وعفت السياره

والنهايه وش تتوقعون لقو المشكله ؟؟؟؟؟؟؟



تشحيـــــم فقط لان التنده ناشفه من كثر الوقفه في الشمس

والحين يدي على قلبي لمن اغسل السياره
اخاف يدخل مويه من الفتحه تعرفون بعد الفك والربط


نصيحه الى عنده نفس المشكله

بس يبيلها تشحيــــــــم

وتقدر تسويها بنفسك بدون وكالة وبدون خرابيط

[أبو زعانف]

أنا والله كان ودي أكتب موضوع
لأنه صراحه الصوت رافعلي ضغطي خصوصا إنه مزعج جدا جدا
وسواءً فكيت التندا ولا مقفله الصوت يطلع

واليوم بوديها الشركه
بس كلام أخوي لامار خلاني أتردد شوي

بليز أخوي لامار قولي شلون يتم التشحيم

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,
وبعدين يا جماعه في مشكله ثانيه برضو رافعه ضغطي مدري إذا صارت لواحد فيكم
والمشكله هي :-
أسمع صوت هواء يصدر من الطبلون أو باب السائق أو المنطقه المجاوره للطبلون
والصوت أسمعه مع ضغط المكينه
كلما زاد الضغط حق المكينه ( عداد ضغط الهواء ) زاد صوت الهواء اللي أسمعه
فإذا وصل ضغط المكينه إلى 6 أحس الصوت يبي يفجر السياره من علوه
والصوت هاذا رافعلي ضغطي

ولا أحد يجي يقولي هذا أمر عادي لأن الصوت عالي جدا وغير طبيعي
بالإضافه إنه ما كان موجود عندما كانت السياره جديده
فما أدري في أحد عنده نفس مشكلتي
,,,,,,,,,,,,,,,,,,,,,,,,,,,,,,,,,,,,,,,,,,,
ولاتنسوا مشكلة صوت التندا
كيف يتم التشحيم الله يرضى عليكم

[راعي الاميرة]

ألف شكر لامار

بس كيف افك التنده ....

[أبو زعانف]

شباب توكلت على الله ووديتها للشركه وقالولي تعال بعد 3 أيام
بس عسى إنهم يحلون المشاكل

إن شاء الله إذا أستلمتها أوافيكم بالأخبار

[محمد بن سعد]

نفس الوضع عندي

[راعي الاميرة]

ابشركم يالغاليين اليوم وديت السياره للشركه الصبح صيانه 5 الاف وقلي استلمها الظهر بس لمن قلتله على مشكله التنده قلي تعال استلمها بعد المغرب ...

وطبعا الشي اللي سووه انهم فكوا السقف وربطوا الصواميل حقت التنده من اولها لاخرها

ولله الحمد راح الصوووت ....

[الاوريون الأبيض]

على البركة انحلت المشكلة يا سفيان

[جاسم اوريون]

مشكور على الموضوع

[أبو زعانف]

الله يستر
إن شاء الله اليوم بستلمها وأشوووف حلوا مشكلتها ولا لا
الله يستر

[دقات قلب]

المشاركة الأصلية كتبت بواسطة راعي الاميرة

ابشركم يالغاليين اليوم وديت السياره للشركه الصبح صيانه 5 الاف وقلي استلمها الظهر بس لمن قلتله على مشكله التنده قلي تعال استلمها بعد المغرب ...

وطبعا الشي اللي سووه انهم فكوا السقف وربطوا الصواميل حقت التنده من اولها لاخرها

ولله الحمد راح الصوووت ....

الحمد لله .. مبروك

سويتها بجدة .. بأي فرع ..

لأني اشوف فرع طريق المدينة كوبري المربع افضل شيء

باقي المدن اشوفها مو قد كذا