[الحيرااان]

السلام عليكم ورحمة الله وبركاته...
اخواني حبيت اقول لكم معلومة مدري يمكن الاكثريه يعرفونها لكن انا انصدمت فيها بصراحة
وهي ان الافالون الموجوده عندنا ليست ليمتد لكن عندنا وكالة عبدالطيف جميل يحطون استكر عليها انها ليمتد انا طلعت وحده وشفت البطاقة الجمركيه مكتوب فيها اكس ال اس والمواصفات الموجوده فيها بالفعل تنطبق على هذه الفئه وليست على فئة الليمتد. وحتى بعد السعر تقريباً 31300 دولار يعني قريب لسعر الوكاله عندنا لكن الغريب والي محيرني ************ طبعاً على اسمي الحيران هههه.
انه الوكاله مو راضيه تعترف انها اكس ال اس ويضحكوا علينا ويقولوا ان هذي مواصفات الليمتد الخليجيه وهذا مو صحيح ابداً واللي يبي يتأكد يروح لموقع تويوتا الا صل ويتاكل من هالشي.
موقع تويوتا: http://www.toyota.com/avalon/options.html

[البروفسيور]

والله غريبة عاد تصدق انا شفت البطاقة الجمركية حقت سيارتي في الوكالة لاني كنت ناوي اطلع اللوحات والاتمارة بنفسي وبعدين تراجعت واعطيتهم يسونها هم بس مادققت ايش مكتوب فيها ولكن هذا خشمك ياعقاب ولو كان اعوج وش نسوي مالنا الا ابوجميل والي موجود عنده والله يحاسبهم اذا هم غرروا بنا

[الأمازون]

ترى الأفالون الموجودة لميتد
قارن المواصفات بتلاقيها لمتد
و بخصوص السعر : تري السعر اللي في الموقع سعر أمريكا وبالتالي مضاف اليه ضريبة المبيعات
وغيرة من الضرائب.

ودمتم سالمين.

[لكزس]

اخي الكريم احب اسالك اولا مين اللي يصدر البطاقة الجمركية

هل الشركة الام ام جماركنا السعودية

اكيد الجمارك تبعنا هي اللي تصدرها والكمبيوتر اللي عندهم قديم

مسجلين فيه الموديل القديم فقط وهو الاكس ال و الاكس ال اس

اما الموديل الجديد فموجود اكس ال وليميتد لكن لم يتم تعديل الكمبيوتر في الجمارك

يبغالهم كم سنة الظاهر عشان يعدلونه لكن احب ان اؤكد لكم انه اللي عندنا ليميتد

لانه البصمة تتوفر لليميتد فقط وهذا دليل كافي

[الأمازون]

والله انك جبت الغايبة
الموضوع انا الجمارك والمرور عندنا للأسف ما يدقق في التفاصيل الصغيرة
يتبعو نظام (طبطب وليِس يطلع كويس)

وشكرا

[مستشار العين]

السيارات في الموقع حسب المواصفات الامريكية
وليست الخليجية