[ليكزي]

بنت الخران
سابق
أفـالون
فهودو

الفعو ..
شكرا عالمرور الجميل ..

فهودو

فهل عندك خبر أخوي بالتغييرات اللي راح تصير في موديل 2009 ؟

لا والله ماعندي أخبار بصراحة عن موديل 2009 ، بس اتوقع تغيرات " طفيفة وبسيطة جدا" كعادة لكزس في كل سنة ومع كل موديل ..
يعني الموديل الثاني للشكل الجديد ، اقصد موديل 2006 الخليجي طبعا، اضافوا فيه الكاميرا الخلفية اللي ما كانت موجودة "حسب ما سمعت" في الموديل السابق 2005 .. وكذلك النظام الصوتي أو "الساوند سستم" في 2005 ما كان يدعم صيغ ملفات mp3 ! و لكن في 2006 يشغل طبعا ..
اما موديل 2007 .. غيروا و حدثوا فيه "ثيم" و "استايل" الشاشة القديمة ، الى جرافيك جديد و مميزات جديدة في الشاشة واحلى بكثير من سابقه ..
و موديل 2008 بطبيعة الحال تلاقي كل تغيراتها في هالموضوع .. وهي الأكثر على الإطلاق بين مثيلاتها في الاعوام السابقة ..

في 2009، (مجرد توقعات) وأماني بتغير و تطوير محركات السيارة، سواء الـ 6 سلندر أو الـ 8 سلندر .. ويمكن من المميزات، يخلون الشاشة تشغل TV لـ القنوات المحلية ، وهي الميزة مش موجودة اساسا الا في لكزس في اليابان فقط .. واليك هذا الفيديو:-
http://youtube.com/watch?v=erq5armGzzM

يمكن بعد يضيفون نظام (الرادار) نفس الـ LS لان هالنظام موجود و تقدر تضيفه على الـ GS في أمريكا ..

الله و أعلم ..

هل أصبر ولا أشتريها الحين ؟ علما بأني مافيني صبر خلاص ! صبرت وايد هههه

والله هو يعتمد عليك وعلى مدى رغبتك ولهفتك وتشوقك للسيارة ..
والله اذا تقدر تصبر .. اصبر وايش وراك ..
واذا ما تقدر تنطر وتستحمل ، توكل على الله يبا وطق
لك على وحدة موديل 2008 .. بالمبارك ان شاء الله ..
انا عن نفسي، طلعت السيارة يمكن اول ما نزلت بأسبوع " عرفت هالشي من المعلومات عن السيارة اللي انا حاجزها في الكمبيوتر مال الوكالة " و لاني كنت ناطرها أصلا .. فأول ما اتصلوا فيني ، كان عندي امتحانات وأول ما خلصت ، علطوووول رحت لهم .. وكلها ثلاث ايام والا انا اسوق الموتر ..

وانا سمعت ان تقدر تودي سيارتك الوكالة ويضيفون عليها الأكسسوارات الجديدة التي أضيفت على الموديل الجديد بتكلفة

امممم ، والله ممكن
شوف الوكالة شتقولك ..!!

الله يوفقك ..

تحياتي
ليكزي

[نواف البريكي]

يعطيك العافيه ابداع

[شكمان ابوكنداسه]

ماشاء الله تبارك الله والله يرزقنا وحده مثلها ان شاء الله

[علي البراهيم]

مشكورين على هذه الصور الرائعة

[مجنون كوكو]

السلام عليكم ورحمة الله وبركاته


كيفكم احبائي

ما شاء الله عليك لكزي ( اسم على مسمى ) ويعطيك خير السياره ويكفيك شرها

ولا تتهور وترووح تدعس وتسرع بالسياره وتبي تجربها يمكن سبحان الله لا قدر الله يصير شي

خلك ثقيييل وعلى هونك ((( تقول ابوك ينصحك ههههههه )))

انا حبيبي عندي سوالين الحين gs كيف وسعها هل هو مثل الافالون بالوسع ولا لا ؟
وهل فيه كاميرا خلفية ولا لا؟

لا ني كنت ناوي على افالون بس غيرت باخر لحظة الى gs بفضل الله ثم بفضلك (( سبحان الله من كورورلا الى لكزس )) الحمد لله واشكره

[ليكزي]

مجنون كوكو

عليكم السلام ورحمة الله وبركاته
تسلم أخوي ،، افا عليك لا توصي حريص ..

انا حبيبي عندي سوالين الحين gs كيف وسعها هل هو مثل الافالون بالوسع ولا لا ؟

هع ، لا والله شتان فارق المساحة الداخلية بين الـ GS و الأفالون ..
الافالون سيارة رسمية عائلية كبيرة الحجم بينما الـ GS سيارة رياضية شبابية متوسطة الحجم ..
بصراحة، يمكن اللي يلاحظ على مقاعد الـ GS هو قلة ارتفاع المقعد وخاصة المقاعد الخلفية مما يشعر البعض بالضيق بينما مساحة الارجل تعد اكبر من منافسيها الالمان العمالقة الـ E كلاس والفئة الخامسة ..

هنا موضوع سابق يتحدث ضمن هذا الإطار:
رداً على منتقديها: لكزس Gs تتفوق على منافسيها في المساحة الداخلية للأرجل

وهل فيه كاميرا خلفية ولا لا؟

طبعا فيها

لا ني كنت ناوي على افالون بس غيرت باخر لحظة الى gs بفضل الله ثم بفضلك (( سبحان الله من كورورلا الى لكزس )) الحمد لله واشكره

ما شاء الله ، سبحان مغير الأحوال ..
عالعموم، ان شاء الله تكون على مستوى طموحاتك وآمالك وترضيك وما تخيب ظنك السيارة ان شاء الله ..
يعطيك خيرها ويكفيك شرها مقدما ..

تحياتي
ليكزي

[الكورولا مووووت]

مجهود رائع

الف شكرررررررررررر

[بن عتير]

مشكووووووووووووور
الله يعطيك العافية

[بــرنــس]

تسلم على الصووور والله ماقصرت
الله متى تكوووون ملكي:d

[بنت الخران]

رااااااااااااااااااااااااااااااااااائع جدا الموضوع

[عمرين العمري]

مشكور على الموضوع وما قصرت

[مديونير]

الله يعطيك العافية أخوي لكزي

بصراحة موضوع جدا رااااااااائع

ومجهود كبير منك


تقبل تحياتي

[كامري مجنونة]

ماشا الله تبارك الله

سلمت الأيادي على المجهود الجبار

يعطيك العافية

وأشوف جنوط اللكزس 430 القديمة أحلى من الجديدة < وجهة نظر