[موبايلي]

بصراحه أنا ما جربت القير العادي في es350 ولا نعرف كيف طريقته










إلي جرب التعامل معه كيف طريقته

ماهي السرعه المناسبه لي النقل من الاتوماتيك إلى العادي

هل أقدر أغيره على أي سرعه سوا فوق 100 أو تحت 100 وما يتأثر القير

إذا غيرته إلى العادي كيف أعرف الوقت المناسب لي التغيره إلي بعدها

بخصوص طلعات الجبال مثل الطلوع إلى مدينة أبها أو النزول منها وكذلك الطائف

هل لو تركته على D في الطلوع والنزول يتأثر وإلا أغيره إلى العادي

المشكله في النزول لو تركته على D راح يكون أكثر وقتك ضاغط على الفرامل وتطلع ريحة الاقمشه



نتمنى من الجميع المشاركه يمكن الموضوع بسيط عند البعض ولكن يمكن بعضهم مثلي ماعمره جرب مثل هالقير

وسلامتكم

[شيخ البانوراما]

.

هلا بك اخوي موبايلي

اعتبره قير عادي ... ولكن ما فيه كلتش نفس الاوضاع المقبوله في العادي من وقت التغيير والسرعه يتم تطبيقه هنا...

اما موضوع التغيير من توماتيك الى العادي على سرعه فما عندك مشكله اذا غيرته على العادي يتحول على القير اللي هو عليه واحياناً يرد نمره على اساس انه تحويل لقير رياضي الهدف منه اضافة قوه على الدعسه..


والله اعلم،،،

.

[(غير مسجل)]

هذا موضوع مفصل عن قير الاوريون (نفس قير الـ ES350)...

الدرس الأول: كل شيء عن ( جيــــــــر الأوريــــــــون) + معلومات جديدة وحصرية !!!

[موبايلي]

مشكور وما قصرتم شباب

بس كيف أستخدام القير في الطلعات والنزول المناطق الجبليه

هل الافضل نظل على وضعيه D

وإلا نغيره

[وضو]

مرحبا شباب, تغير القير إلي الوضعية الرياضية لازم تكون السرعة تحت 80 ,,انا جربتها اكثر من مرة حلوة, يحول دائما علي التعشيق 4 , لاكن لاتكثر من إستخدامة وحاول ماتحرق النمر فية احسن للسيارة تراها لكزس وغالية والشركة إنتا عارف مايحتاج اوصيك يدور اي طريقة علشان يشرد من الضمان

[السبيعي لكزس]

شباب انتم من جدكم ؟؟؟؟؟ اللكزسEs350 فيها قير عادي ؟؟؟
والله اني مادري السياره لها شهرين ونص وانا مادري ان فيها قير عادي بس شلون استخدمه ؟؟

<*****<***** بدو دوت كوم

[قلم حبر]

حط القير على S واستمتع..!

[رياضي]

المشاركة الأصلية كتبت بواسطة موبايلي

مشكور وما قصرتم شباب

بس كيف أستخدام القير في الطلعات والنزول المناطق الجبليه

هل الافضل نظل على وضعيه D

وإلا نغيره

أخوي موبايلي ... عالما من اختياري

تحية طيبة
نعم استخدم القير العادي في الطلعات والنزلات وهذا يعتبر اهم فائدة للقير العادي (شخصيا ما استخدمته في غير كذا)

لازم تثبت القير على نمرة معينة (على حسب السرعة المرغوبة) في الطلعات والنزلات الكبيرة مثل الهدا والعقبة أو ستضطر لستخدام الفرامل والقير يستمر بالتغيير من نمرة الى نمرة وهذا يظر القير...

وتقبل مروري

[موبايلي]

شكرا لكم يا إخوان

يعني تنصحون يا إخوان في الطلعات والنزلات مثل الهدا في الطائف والعقبه في أبها
تنصحون إن ما أستخدم D
وأحوله إلى S مع بدايه الطلعه أو النزله
هل كذا يمسك السياره ويخفف من أستخدام الفرامل

بصراحه ما جربنا مثل هالقير في الطلعات والنزول متعودين على يا قير عادي
أو إذا قير أتوماتيك نغيره على D2 أو D3