[لكزس]

السلام عليكم
بعد بحث اكتشفت انه الهايلوكس 6 سلندر موجود في دول قليلة جدا وهي نفس ماكينة البرادو وفورتشنر والدول هي
كولومبيا والاكوادور في امريكا الجنوبية ومقودهم مثلنا في اليسار
جنوب افريقيا واستراليا ومقودهم في اليمين

اتمنى تكون افدتكم بهذة المعلومة

[أبوحمد]

المشاركة الأصلية كتبت بواسطة لكزس

السلام عليكم
بعد بحث اكتشفت انه الهايلوكس 6 سلندر موجود في دول قليلة جدا وهي نفس ماكينة البرادو وفورتشنر والدول هي
كولومبيا والاكوادور في امريكا الجنوبية ومقودهم مثلنا في اليسارجنوب افريقيا واستراليا ومقودهم في اليمين

اتمنى تكون افدتكم بهذة المعلومة

الله يعطيك العافية ,, ياليت لو عندك روابط للوكلاء هناك

ودي نشوف المواصفات والاشكال اللي عندهم ؟؟

ولو كلف الامر ننقز ونجيب من هناك ..

[عاشق الدبل]

أشكرك على الموضوع أخوي لكزس وأحب أضيف على كلامك وأجيب سؤال الأخ أبو أحمد
=======
الهلي دفرنسين يوجد في بريطانيا كذلك ويجي في أمريكا إن لم تخني الذاكرة هذه النقطة الأولى .

أما سؤال الأخ أبو حمد فمن واقع خبرتي المتواضعة أقول
الهلي دفرنسين هذه مواصفاته في هذه الدول

المكينة V6 سلندر 4000 ( عاد ما أدري أتوقع المكينة vtt-i وليست EFI كالقديمة) \ 4,0 لتر

عدد الأحصنة إن لم تخني الذاكرة من 230 حصان وفيها طبعاً يجي معه يا مسجل وكالة سيدي و Mp3 وغيره والفل يجي معه شاشة نفقيشن أو Gps طبعاً الفل ديزل يجي معه هذه المواصفات والفل كذلك يجي ممكن يجي مراتب جلد وكاله تلقا مكتوب عليه كلمة Hilux وجنوطه مثل جنوط الاند حقك يا أبوأحمد تقريباً وعداده يختلف عن اللي عندنا وفيه مدخلين للطاقة طبعاً عندنا واحد اللي هو عن طريق الولاعة لا هم عندهم الولاعة ومدخل مخصص للكهرباً طبعاً لو تلاحظ عندنا جنب مكان الولاعة في ثلاث أماكن مستطيلة صغيرة طبعاً في وحدة أو إثنتين منها عندهم فيها أزرار أتوقع حقت الضباب فيه مكان جنبهم كبير شوي مغلق هذا مدخل الكهرباء هذا اللي أذكره .

تخيل يا أبوأحمد أنني شفت مقاطع عديدة للهلي دفرنسين عندهم طبعاً V6 سلندر بالطبع عندهم ما فيه طعوس في هاتيك الدول ولكن عندهم بكثرة المستنقعات الطينية أو البيحرات الطينية يعني كلها طين في طين اللي طبعاً عندنا في الخليج يعدون القيادة فيها أصعب من الرمل وهي في الحقيقة كذلك صعبة جداً تخيل سفت كم مقطع أظن في أمريكا الجنوبية كان الهلي دفرنسين V6 سلندر ديزل ويسمى بـ vigo يمشي في الطين زي السلام عليكم لا وأزيدك من الشعرب بيت طبعاً عندهم هذه الوحول والمستنقعات الطينية العميقة اللي ممكن تغطي نصف السيارة زي الطعوس عندنا يجون عندها وفيه تحديات وإلى آخره المهم كان حول هذا المستنقع الطيني العيق عدة سيارات وكان الهلي V6 سلندر بنزين على ما أظن يشق المستنقع كله زي الحلاوة أكثر من مرة تخيل دخل بيك آب فورد أبو V8 سلندر وكان كبير جداً وعلق في الطين ولا قدر يطلع وهو حتى في البداية قام الهلي وطبعاً كل المنطقة اللي حول المستنقع طينية قام الهلي وأخرجه من المستنقع بكل سهولة وكذلك في بريطانيا وكل هذا صار بدون الخروطش اللي يوضع في جانب الكبوت الأيسر اللي يحطونه علشان يقطع المويه والطين بدون أن يطفى الموتر وتخيل أنني شفت مقطعين لهلي بنزين أظن كلها في أمريكا الجنوبية يسحب تريلة مليئة بالحمولة والله تريلة الأول في أرض طينية مستوية ويسحبها الهلي ويطلعها والثاني في جبل وكان الطريق اللي في الجبل ترابي فلما أصابه المطر صار طيني فعلقت التريلة فالهلي سحبها وطلعها وكان الطريق سايد أو مسار واحد ولا يوجد حواجز وكانت التريلة مغرزة في لفة على شكل قوس بهذا الشكل ( وتعلقت في النص وأخرجها بكل قوة ورساوة وبالمسار الصحيح ومقطع آخر يشق الهلي والنفارا بحيرة أو نهر ويقفون في منتصفه الذي يغطي تقريباً ربعي الكبوت ويقفون ثم يمشون وكأن السيارة تمشي على إسفلت وكل ما قلت شاهدته عيني ومستعد أن أحلف أنه لا يوجد فيها تلفيق ولا واحد في الميه .

[@أبوفيصل@]

اما لو يحصل صراحة مافيه امل اشتري سيارة غيرها

أقول أبوحمد اذا شريت جبل لي واحد ذذ

على العموم ان شاء الله عام 2009 تجي الخليج بدون تلفيق ابوجميل وغيره

يمديني من السعودية اطلب ويجيني .!؟

أخوي عاشق دبل لو تقدر تجيب المقاطع لنا

يعطيك العافية مشرفنا لكزس

[أبوحمد]

أخوي عاشق الدبل الله يجزاك خير على ما وضحته لنا

بس عاد الله يسامحك والله أشعلت روح الاثاره والمغامرة بهذي السياره , وأنا نفسي بهايلكس مثل حق عبداللطيف جميل بس بمحرك الفورتشنر 6 سلندر ,, وشكلي بخربها إذا منزلت في 2009 ولا 2010 فشوف لي محرك تشليح وأسقطه على الهايلكس .. وأدخل موسوعة غينيس للأرقام القياسية !!

أخوي أبو فيصل والله أن الود ودي أنقز البرازيل والا اي مكان مضبوط وأشحن لي وحده شد بلد
طبعا كما هو المعروف الهايلكس الدبل من 2005 ماكان يوصل عندنا الا GL فقط يعني نوافذ هندل مرايات عادي .. شكله حق شركات !!
بس من 2006 بدأو يتحسنون ووفروا موديلات S-GLX وما صار يفرق عن الدفرنس الواحد الا بأشياء بسيطة جدا ومنها
طبعا المقارنه لطراز S-GLX للدبل والعادي ..
الدبل يجيك قماش والدفرنس مخمل حتى الشماسيات تختلف خامتها بين الموديلين
مقبض المساحات بالدبل أول طقه سرعه بطيئة بينما في الدفرنس يجيك مؤقت يعني كل 3 ثواني تشتغل المساحه وتقدر تغير المده الزمنية
وباقي المواصفات صارت موحده تقريبا ..
وما ناقص الا توفير محرك اختياري 6 سلندر ,, بس بصراحه في أمل يوم نزل القير الاوتوماتيك .. صار الهايلكس مثل الكامري ضروري كل سنه يتم اضافة شي جديد ..

وهذي الصورة ما أدري في اي بلد بس شوفوا وش زين 2005 بمحرك 6 سلندر وأوتوماتيك ورفارف
هذا بحق موتر شخصي ومميز ويجمع براحة وفخامة الصالون وعملية الهايلكس ..






ومع كذا إنتهى زمانه وماوصلنا منه حتى بقزاز كهرب !!

[@أبوفيصل@]

هههههههه

وسع صدرك يبو حمد

طيب صحيح ليه ماتصقط مكينه ..

بس لو بتصقط وش تبي تصقط ؟؟

[أبوحمد]

يا أبو فيصل

إذا أنا قررت أني أركب مكينه 6 سلندر على الهايلكس

خايف تطلع مشكلة بالقير واذا خلصت وحليت مشكلة القير أو غيرته أبدخل بمشكلة مع الدفرنس !!

وشوي شوي ما أدري الا أنا مركب هيكل الهايلكس على شاصي فورتشنري !!

[عاشق الدبل]

إن شاء الله سأفرد للمقاطع موضوعاً كاملاً إنتظروه قريباً بإذن الله

[الديحـاني]