ياشباب .. أنا بإذن الله قريب راح أشتري سيارة بس متحير .. بين اني أشتري أفالون أو مورانو مستعمل .. أو أكورد أو ألتيما أو تشارجر جديدة .. عطوني الحل تكفون .. واللي يفضل أفالون مستعمل .. وش الفرق بين 2005 و 2006 .. الفرق من ناحية ( العيوب ، المواصفات ، الشكل الداخلي والخارجي ).. أنا بانتظاركم ياحبايب .. ومشكورين على قراءة الموضوع .. محبكم : أسامة ..
مثل ما تكلمنا بكثير من المواضيع السابقه أن الجديد هو الأفضل ،،
الفرق بين الأفالون 2005 و 2006 ؟
لا يوجد فرق يُذكر سِوى أن 2006 يوجد بها حساسات أما 2005 فلا يوجد بها ،،،
بالنسبة للتشارجر فهي سيارة تحمل هيبة في الشكل وقوة في الأداء ورائعه لكن لي تحفظ عليها بالنسبة لقطع الغيار والإستعمال على المدى البعيد ،،
الهوندا جميله ورائعة وقوية ، والشكل الجديد مميز ويكفي أنها يابانية ..
الألتيما لا أملك خلفية عنها سِوى دعاياتها المنتشره ولكن النيسان بشكل عام يحتاج محافظة مستمرة للمحافظة عليه من التفكك ، ولو تزور مواقع الألتيما وملاكها ممكن يفيدونك ..
( الـ.................. = الأسماء المذكورة في الموضوع )
------------------------------------------------------------- أنا بانتظار المزيد من الردود والآراء .... لأن الموضوع مهم بالنسبة لي .... vbmenu_register("postmenu_220795", true);
والله يالغالي لو ابختار من المستعمل بلا شك ابتوكّل على الله وآخذ افالون مع الحرص على نظافتها والتشييك عليها والتثبت من ذلك ..
لكن بالنسبة للجديد بيني وبينك انا معجبتني التشارجر لكن متخوف من قطع غيارها والإستخدام على المدى البعيد ، لكن لو انت رجال محافظ بدرجة كبيرة فتوكل على الله ان كنت تدوّر على الفخامه والهيبه
لكن كاستعمال ورؤية للمدى البعيد فالهوندا جميلة وقوية الصراحة ، ولو ناظرنا للشكل فالهوندا والألتيما الجديد كلها أشكالها مميزة وواضح لكل من رآها انها 2008 ، ولكن النيسان بشكل عام يتفكك بسرعه وسعره يطيح بشكل ماتتصور فيما بعد ،،،
فأنت وما تراه نفسك أخي الكريم ،،
<***** عن نفسي ( المستعمل ******** افالون ) ، ( الجديد ******** جميعها رائع ولكن كرؤية للمستقبل أرى الهوندا ، مع إعجابي بالألتيما والتشارجر إن كنت لا تنوي البيع وانسان محافظ جداً ) ..
أخوي أسامة
أول شي تسويه هو إنك تستخير وهذا هو أول شي ولاتستعجل بشي
بس نصيحه مني على السيارات الي حاطهم :-
المورانو ماأنصحك فيه لأنه يتفكك بسرعه وقطع الغيار نار
وبالنسبة للتشارجر كانت معاي قبل فتره Rt الله لايوريك هي صدق شكلها خيالي من الخارج لكن من الداخل عادية جدآ وأنواع الخرابات فيها والمدة لو جمعت الأيام الي جلست في الوكالة يمكن تطلع أكثر من الأيام الي استخدمتها جلست معاي سنه وبعتها
وبالنسبة للسيارات الباقيه بصراحة كلهم حلوات بس الأفضل أفالون إذا إنك محدد مبلغ ماتتعداه.
وسـ افالون ـط 600
أشكرك على التوضيح حول مشاكل السيارات وحيد بدنيتي
لو بيدي سعر الأفالون اليديد كان ماتحيرت وطلعتها وكالة بدون شك
بس العين بصيرة واليد قصيرة .. أرجو اني وضحت لك مشكلتي وااوأفالون
أشكرك على المشاركة والنصيحة .. ولد أخو عمه
أشكرك على النصيحة المهمة حول مشاكل السيارات ..
وبالنسبة للمبلغ اللي محدد لي اهو 85 ألف وبالعزر يمكن يكون 95 ألف ريال ..
أتوقع ان الموقف وضح أمامك .. بنت الخران
أشكرتش على النصيحة وأتمنى تقرين ردي الأخير إذا ماعليتش أمر .. أشكركم على التفاعل ... بس آني عندي مشكلة بسيطه واللي اهي ولد عمي شاري أفالون 2006 وكالة على وقته وإذا بشتري 2006 أو 2005 ومستعمل ماأتوقع انهم يعجبون فيها وكم واحد نصحني وقالي ان الأكورد مثل التشيك يعني سعرها يصبر .. وهم بعد الموديل يديد .. وسعرها بـ 92500 ريال للأربعة سلندر .. بس الأفالون ((((((((( روووووووووووووعة ))))))))) و ((((((((( فخااااااااااااااااااااااااامة ))))))))) و ((((((((( رااااااااااااااااااااااااااحة ))))))))) ويكفيك انها ((((((((( T O Y O T A )))))))))
يااخوان والله اني محتااااااااااااااااااااااااااااااااااااااااااااااا اااااااااااااااااااار
طيب أخوي بالنسبة للمبلغ الي تقوله
خذها نصيحة وطبعآ مع احترامي للقسم الي احنا فيه وهو قسم الأفالون
خذ شي جديد وعلى يدك يعني خذ لك هوندا أكورد أول شي جديدة أنت تمشيها على كيفك وتصير عارف لها
أما لو إنك بتاخذ شي مستخدم ماينضمن حتى لو كان مسوي التشييكات كلها بالوكالة وحرام تحط مبلغ 95000ريال على شي مستخدم أو إنك تاخذ الوالد الله يخليه لك وتوريه الأفالون بالوكالة وحاول تقنعه فيها
غير هذا نصيحة خذ لك الجديد وعلى طقة يدك
عفوا أخوي بـــــــوفــهد.. أنت قريت وش كان كاتب .. ؟؟
[QUOTE]وسعرها 120 الف كاش طبعنا[/QUOTE] يعني أهو كان في يده سعر الأفالون .. أصلا لو معاي سعرها كان مافكرت أشتري غيرها .. بس معاي 95 ألف تغريبا .. هذا كل اللي أقدر عليه .. عشان تشذي احترت بين ( أفالون مستعملة ) أو ( أكورد يديدة )
-------------------------------------------------------------------- أخوي ولد أخو عمه .. هذا اللي أنا قاعد أفكر فيها .. (((( أفالون )))) بس (( مستعملة )) والا (( أكورد )) بس (((( يديدة ))))
أنا متحير .. عطوني الحل الله يخليكم .. 
