[الـمـعـالـي]

السلام عليكم

يا شباب تحملوني أنا وهالأسئلة

أنا عندي هذي الصور مصورها وحطيت عليها أسهم حمر أبي أعرف وش وضيفتها وش معناها








وعندي لمبة تقول إرباك أون مرة تولع مرة تطفى

وأبي أعرف وين مكان السيديات الست

[وسـ افالون ـط 600]

هلا بك أخوي ، حياك ربي وإن ما أستحملناك حنا من يستحملك





1- معدل استهلاك الوقود ، يعني بمعدّل كم لتر كل 100 كيلو

2- هذا وقت زمني يحسب كم المسافه التي قطعتها بوقت معين






3- هذا اللي يزيد ويخفض نسبة الحرارة والبرودة للمكيف ، بالضغط على السهم اليمين تزيد درجة الحرارة والسهم الأيسر يخفض النسبة .

4- يتحكم بالزجاج الخلفي إذا كان فيه ضباب تستطيع تشغيله .

5- للزجاج الأمامي على ما أعتقد.

6- يتحكّم باتجاه التكييف وأوضاعه ، هل تريده من الجهه الأمامية أو على الأرجل أو تكييف مركزي أو كلاهما

7- تشغيل المكيف .

8- التحكم باندفاع المروحه للتكييف بحيث الضغط على الزر الأيمن يزيد النسبة والأيسر يخفضها .






9- نفس 3 بس هالشيء خاص للتكييف الخاص بالراكب .

10- كذلك تستطيع تشغيل المكيف من خلاله.






أمّا سؤالك عن لمبة الإيرباق فهي تضيء إذا كان هناك راكب رديف لك وهي تدل على أن الإيرباق يشتغل بالشكل الصحيح للراكب ، ولكن إذا ماكان معك أحد تطفى اللمبة ..



وياهلا بك ..

[الـمـعـالـي]

يا ما شاء الله علييييييييييييييييييييييييييييييييك عز الله ما قصرت الله يعطيك العافية قل آمين




بقى شي واحد

وأبي أعرف وين مكان السيديات الست لأنهم يقولون إن فيه ست سيديات ما لقيتها وينها فيه

[الـمـعـالـي]

للرفع للرفع

[تركي الطيار]

ماقصر صرااااحه شرح وافي وكافي ,,,لكنفيه بعض التعديلات,,


بالنسبه للرقم2:أعكسها ,,يحسب لك كم الزمن اللي قطعته فيه مسافه معينه.
الرقم7: يعني يكون للسايق درجة حراره في المكيف مختلفه عن الراكب,,,يعني لوكان الراكب مايبي المكيف باارد والععكس ,,تقدر تضبطها من الزر هذا ..
الرقم 10:مكيف الكتروني يظبط لك درجة حرارة المقصوره على حسب درجة حرارة الشاشه,يعني لوكنت حاط درجة الحراره 24 على الشاشه راح يحافظ على هذي الدرجه..وبتشوفه يزود وينقص من سرعة مروحة المكيف من نفسه.
بالنسبه للسي دي فيه زر فوووق يمييين المسجل ,,load أضغطه وراح تولع لك لمبتين في المسجل تتحدد لك بالظبط وين تحط السي دي...

[*علي*]

load أضغطه وراح تولع لك لمبتين في المسجل تتحدد لك بالظبط وين تحط السي دي...

زي ماقال اخوي تركي
اضغط زر load وراح تولع اللمبه الخضراء ودخل السيدي ,, واذا بغيت تحط سيدي ثاني اضغطها مره ثانيه لحد مايسمحلك بتدخيل السيدي ,, يعني تولع اللمبه الخضراء ,, دخل وكرر العمليه لحد ماتوصل رقم 6 ,,
واذا وصلت رقم 6 ,, وضغطت زر load بيطلع لك بالشاشة (( يالحبيب حلا هو ,, انا شبعان وبطني مايستحمل اكثر من كذا ))

[تميمي وافتخر]

وفيتوا وكفيتوا يا شباب

ما خاب من نخاكم يا النشامى

[أسير الهمسات]

ما عندي شي أزيده
الربع كفوا ووفوا
وأذا بغيت اي شي نحن في الخدمه

[الـمـعـالـي]

المشاركة الأصلية كتبت بواسطة تركي الطيار

ماقصر صرااااحه شرح وافي وكافي ,,,لكنفيه بعض التعديلات,,


بالنسبه للرقم2:أعكسها ,,يحسب لك كم الزمن اللي قطعته فيه مسافه معينه.
الرقم7: يعني يكون للسايق درجة حراره في المكيف مختلفه عن الراكب,,,يعني لوكان الراكب مايبي المكيف باارد والععكس ,,تقدر تضبطها من الزر هذا ..
الرقم 10:مكيف الكتروني يظبط لك درجة حرارة المقصوره على حسب درجة حرارة الشاشه,يعني لوكنت حاط درجة الحراره 24 على الشاشه راح يحافظ على هذي الدرجه..وبتشوفه يزود وينقص من سرعة مروحة المكيف من نفسه.
بالنسبه للسي دي فيه زر فوووق يمييين المسجل ,,load أضغطه وراح تولع لك لمبتين في المسجل تتحدد لك بالظبط وين تحط السي دي...

الله يبارك فيك ما قصرت على الإضافة إلي أنارت الموضوع

[الـمـعـالـي]

المشاركة الأصلية كتبت بواسطة *علي*

زي ماقال اخوي تركي
اضغط زر load وراح تولع اللمبه الخضراء ودخل السيدي ,, واذا بغيت تحط سيدي ثاني اضغطها مره ثانيه لحد مايسمحلك بتدخيل السيدي ,, يعني تولع اللمبه الخضراء ,, دخل وكرر العمليه لحد ماتوصل رقم 6 ,,
واذا وصلت رقم 6 ,, وضغطت زر load بيطلع لك بالشاشة (( يالحبيب حلا هو ,, انا شبعان وبطني مايستحمل اكثر من كذا ))

يعطيك العافية كملت الشرح بكلامك

[الـمـعـالـي]

نحاسي مشكور على المرور

أسير الهمسات كفو قدها