[سوبر سفاري]

السلام عليكم جميعا

عندي استفسارات عن GX.8:
اولا : عن طريقة تشغيل البلتوث واستخدامه واعداداته لانه معه كتلوج لي 4 ايام مافهمته ولا راح افهمه .. الي عنده طريقه سهله مختصره يشرحلي واكون شاكر له ..
ثانيا : لمبة الرجوع الي الخلف ما تشغتل الا وحده اليسار بس اليمين ما تشتغل مع العلم ان السياره اسبير علاقي ..
ثالثا : الانوار الخلفيه (( الاسطبات )) ما يشتغل منها الا الاطراف الي على الرفرف الخلفي .. الي على الشنطه ما تشتغل .
رابعا : اليايات ابي اسالكم كم لفه ؟ وايش الفرق بينها وبين ال VX .
خامسا : اقصى سرعه يفصل عليها الجي اكس 8 سلندر كم ؟
سادسا : وش الحل في غطى الاسبير ؟

شاكر لكم تعاونكم ..

[المووج]

وعليكم السلام اخوي

اول شي غير اسمك من سوبر سفاري الي جي اكس 8 ******** امزح

انا بجاوبك على البلوتوث والشباب فيهم البركه بالنسبه للباقي

انا صارتلي نفس المشكله الكاتالوج ماهو موضح طريقة استخدام البلوتوث واساسا" المسجل الي في الكاتالوج يختلف كليا"

اخوي خل جوالك شغال البلوتوث واضغط على البلوتوث الي في المسجل ضغطه لين يعطيك في الشاشه Authorization بعدها اضغط على الفرار حق تطيل الصوت ضغطه وحده بيطلع لك inter passawerd بعدها اضغط بعد وحده بيعطيك على جوالك توصيل السماعه بأدخال باسوورد واعتقد كله واحد 2121 انا عقب الموت بحثت لين لقيت الباسوورد في المسجل يعني خبصت ******** ماني قادر اشرحها لك لأنها جات بالموت
بعد كذا اضغط اوكيه من الجوال بيقبل الوصله مع البلوتوث وخلاص يصير جوالك معرف مع البلوتوث لما تركب السياره على طول بس انتبه ترا مادام الوصله حقت سماعة جوالك مشبوكه في البلوتوث تراه شغال على الاسبيكر يعني انتبه ترد على المره ومعك احد تنفضح او ترد على احد والمره عندك ******** يعني من اياهم هههههههههه

واذا بغيت تفصل الوصله من جوالك طبعا"

وخلاص الشبكيه تضغط على البلوتوث الي في السياره ضغطه وحده وبعدها الفرار حق السماعات ويبحث على جهازك وتقول وصل ويشبك , والعكس صحيح للفصل

اتمنا اني افدتك

[لاتلومني ياطيب]

مشكووووووووووور يالموووووووج على الرد وانشاء الله استفاد الجميع
سؤال: من متى وعندك Gx 2008؟
عطنا انطباعك اذا بالامكان...

[الديحـاني]

مبرووووووووووووووك

[أبوحمد]

لو تتكرمون بصورة لمسجل الوارد السعودي اللي فيه بلوتوث قريبه وواضحه

وكم سماعه تسمع بها المتصل وحده والا ثنتين والا الاربع ؟؟

[المووج]

المشاركة الأصلية كتبت بواسطة لاتلومني ياطيب

مشكووووووووووور يالموووووووج على الرد وانشاء الله استفاد الجميع
سؤال: من متى وعندك Gx 2008؟
عطنا انطباعك اذا بالامكان...

والله السياره توني ماخذها مالها الا اربع ايام ولاكن على هذي الايام اشوف السيارة ماشاء الله ممتازه من جميع النواحي
واليوم الخميس وديت العيال للبر وطعسنا وماشاء الله عليه اول حاجه غرزت وكان السبب ضغط الكفرات كانت على 65 وانا ماكنت ادري ونزلت الهوا الي 35 وماشاء الله عليه قام يتمشى على الرباض والتغريز على الدبل الخفيف بس جربت الثقيل اول ماغرزت وكان يزحف لين طلع من محله وبعده احاول اغرز فيه بس مارضى يغرز

والسيارة قمة على الطريق ماتسمع ضجيج الهواء والقيادة ممتازه احسن من السابق وراسي على الخط

وان شاء الله اعطيكم انطباعي كامل عن السيارة اول مايتعدى 5000 كم

[بدربن عبدالمحسن]

انا والله بلشت زيك لكن بعد الشرح ابجرب وان شاء الله خير والشرح مشاء الله مفهوم ومشكور اخوي الموج

[بدربن عبدالمحسن]

الخطوات صحيحه وجربتها لكن الرقم الموحد هو 1212

[لاتلومني ياطيب]

مشكوووووووووووور اخوي الموووووووووج على الجواب
ويعطيك خيرها ويكفيك شرها.......واهمها هي راحة الاطفال الله يخليهم الك

[المووج]

المشاركة الأصلية كتبت بواسطة بدربن عبدالمحسن

الخطوات صحيحه وجربتها لكن الرقم الموحد هو 1212

صحيح كلامك انا كتبتها بالغلط قلبت الارقام 2121 والصحيح هو 1212

مشكور اخوي على التصحيح

[ابوخالد عبدالله]

الموج
الله يرحم اثنين عقبوك

والشكر موصول للاخ بدر بن عبدالمحسن لان الرقم 1212

[ابوخالد عبدالله]

المشاركة الأصلية كتبت بواسطة سوبر سفاري

ثانيا : لمبة الرجوع الي الخلف ما تشغتل الا وحده اليسار بس اليمين ما تشتغل مع العلم ان السياره اسبير علاقي ..
ثالثا : الانوار الخلفيه (( الاسطبات )) ما يشتغل منها الا الاطراف الي على الرفرف الخلفي .. الي على الشنطه ما تشتغل .

الاخ سوبر سفاري انا فكيت الاسطبات عشان نفس المشكلة ولقيت ان الجهه اليمنى ماهو موصل لها اصلا اسلاك لا ريوس ولا غيره والضاهر لانه متغطيه بالاستبنه ما شبكوها ،، والجهه اليسرى موصل لها سلك للمبة الريوس فقط ،، وان كان اني لاحظت ان ال vx تولع كل الجهتين -- يمكن تمييز له -- الله اعلم

[المووج]

المشاركة الأصلية كتبت بواسطة ابوخالد عبدالله

الموج
الله يرحم اثنين عقبوك

والشكر موصول للاخ بدر بن عبدالمحسن لان الرقم 1212

ويرحم شيبانك يابوخالد

ماسوينا غير الواجب