[ابو ريان الاول]

السلام عليكم

يا اخوان ما راح اتكلم عن صوت الهواء اللي مزعجني بالسياره لان الموضوع هذا مقتنعين ان ماله حل وما يطاوعني قلبي اعطيها الوكاله بفكو ربلاتها وزيدو الطين بله

لكن ملاحظ ان صوت المكينه من الداخل جدا مزعج ومرتفع ولما وديتها التشك اب حق 1000 كيلو قال المهندس طبيعي الصوت

انا موسوس والا فعلا صوت السياره مرتفع مع الناس كلها

طبعا العزل والهدوء جوا السياره اعطيه 0 من عشره احس الكامري اهدا من جوا اكثر من اللكزس

[شيخ البانوراما]

.

هلا بك اخوي ابو ريان الاول

الحقيقه انا واجهتني نفس المشكله احس صوت المكينه مرتفع بزود لما تكتم اما في الاوضاع العاديه فهو عادي وماله صوت..

بس ترى من الظلم انك تقارن موترك بالكامري لأن الكامري فعلاً مزعجه حتى وهي واقفه تسمع ازعاج الشارع بوضوح..

واحمد ربك انها جت على كذا ..لو تشغل المسجل بصوت بسيط غطى على الصوت

المشكله اللي عندي الله يبعدها عنا وعن جميع المسلمين في القير ... تعلي الصوت والا ما تعليه تحس بخشونه التغييرات..

.

[عطيه التاسع]

انا بصراحة مستغرب عدد من الشباب يشتكي من صوت الازعاج للهواء الخارجي او حتى المكينة

ولكن من يوم اخذت السيارة والحمدلله لا صوت الهواء الخارجي ولا المكينة والسيارة مريحة وهادئة جداً.

اعتقد لازم تأخذها للوكالة واذا الفرع اللي في مدينتك ماعرف المشكلة خذها لفرع اكبر مثل جده او الرياض.

[رياضي]

أخوي ابو ريان الاول

والله غريبة كل هذي الأشياء الي تقولها

يبدوا ان سيارتك فيها عيب ما

لازم تفحصها عند الوكالة او عند ورشة خارجية

ربما لاسمح الله تكون مصدومة والوكالة سمكرته وباعتها

يسسونها

[شيخ البانوراما]

.

مسئلة الصوت نسبيه من شخص لآخر ..

يعني الوحد منا يسمع الصوت ويقول وش هالازعاج والثاني يراها قمة الهدوء، على حسب سيارتك السابقه وش كانت ، او اذا كانت توقعاتك عاليه مره وتتوقع عزل 100% فهذا مستحيل..


الصوت طبيعي اذا دعست بس، وانت ماشي طبيعي مالها صوت

.

[ابو ريان الاول]

والله الظاهر اني بواعد اي واحد من شباب الخبر اللي عنده اي اس 2008 واخليه يسوق سيارتي ويشوف هل فعلا فيه اازعاج او انا موسوس يمكن

يمكن

[قلم حبر]

كم توصل عداد الـRPM ؟

[وضو]

السلام عليكم ياشباب الصوت كان عندي وراح والحمداللة والسبب كان المقصات ماكانت موزونة وتمسح الكفر من الداخل وسار مبطنج غيرت الكفرات الأربعة وراح الصوت والحمد اللة . تأكدوا ياشباب وإنشاء تنحل معاكم المشكلة تري اكثر من واحد التقيت بية عندة نفس مشكلة الصوت مثل ونة علي سرعات مختلفة حتي افلون وكامي واللة اكثر من واحد وغيرتها علي حسابي والسيارة ماكنت ماشية اكثر من 27 الف ولا غلقت سنة تأكدوا ياشباب وخلو واحد متخصص في الكفرات يشوفها تري ماحد ينتبهلها واللة يعينكم المهم إذا راح الصوت انشروا الخبر غلشان الجميع يستفيد
ملاحظ: ان الكفرات عندي من نوع تويو كمان واحد قابلت نفس لكفرات والمشكلة

[مجردانسان]

حتى انا في صوت عندي في الماكينة وفي صوت قوي جداً لما ارجع للخلف وهي بارده ومثل التكتكه في الماكينه بس بصراحه مطنش انا وش اسوي عادي مشي حالك

اقدر اقول لكم انه بصفه عامه مو مرتاح من السيارة حتى المراتب توسخت وانا ابذل كل جهدي ما تتوسخ وازيدكم من الشعر بيت لما تغير احس في التغييره كانها دباب والله العظيم

بس كمان عادي تبوني اروح اقعد اشرح لهم في الوكالة واضيع وقتي وما استفيد شيء لا خلها كذااهم شيء تمشي وعوضي على الله في الفلوس اللي دفعتها حتى اغيرها وارجع للبي ام بعد سنه او سنتين

[ابو ريان الاول]

المشاركة الأصلية كتبت بواسطة قلم حبر

كم توصل عداد الـRPM ؟

في الوضع العادي بعد التسخين المؤشر على 0.8

[ريموت لكزس]

مرحبا ياغالي ابو ريان الاول
انا مسوي موضوع عن المشاكل الي تحصل في موديل 2008 ونسخت رابط موضوعك ومواضيع الاخوان لكي نستفيد منها جميعاً
يشرفني تواجدك في الموضوع لنتناقش عن المشكل ونطلع بحلول مناسبه لها
وتقبل تحياتي هذا الرابط للموضوع
مشاكل لكـes350ــــزس موديـــ2008ــل فقط

[مبتكر]

بصراحة ماتوقعت اللكزس Es 350 كذا ..

والله العظيم كان معي كامري قديم موديل 99 أقسم بالله العظيم انها اقل تنسيم هواء من اللكزس اللي ركبتها .. والمشكلة انها جديدة ماشاءالله ..

معقولة لكزس ماتهتم بعزل الهواء ..

رجاء لاحد يتطنز ويقول اللي مايطول العنب ومادري ايش .. لأنني ناوي اشتريها وهذا اللي مضيق صدري والمشكلة مافيه بديل في المواصفات لكن ازعاج من داخل والمشكلة اننا نمشي اقل من 100 ..


وفعلا فيها صوت طالع بالمكينة لكن اعتبره طبيعي جداُ واغلب السيارات الأوروبية ازعاج اذا دعست بالمكينة .