[قاعد الحالي]

السلام عليكم:


انا يا شباب ولله الحمد والمنة عندي لاند 2007 جي اكس ار 2 من عبداللطيف ونويت ابيعه وانسام مني 148000 ريال سعودي والسيارة ماشي 21كم


هل تتوقعون هذي قيمتها والا لا ياليت ترودن علي لأن الرجال متواعدين انا وإياه اليوم للبيع



ياليت السرعة في ابداء الرأي


شاكر ومقدر للجميع

[استرجاعها]

السلام عليكم
اخوي السعر زين بس الموتر يستاهل 153الف ==و لا تنسى ال2008 نزل يعني اكيد اسعار ال2007 راح تنزل..
الله يوفقك--==
x_تحياتي_x

[جوجوماجوجو]

انا بايع 2007 ماشي 30 الف جي اكس ار رقم 2 بــ 146 الف وانا فاك خطوطه
وتكلفهة تركيب الخطوط 2000 ريال يعني المفروض يجيب لي 148 الف بس عشان الخطوط طاحت من قيمته
وسيارتك الحقيقه حقها 149500 ريال ولا تبيع اقل من كذا وهذا حقها ولا انت غالب ولا الي شراها منك مغلوب ترا هذا حقها الواقعي

[قاعد الحالي]

اخوي استرجعها: تسلم يا الغالي وهذا مهب غريب منك انك تكون اول واحد يرد علي وشاكر لأهتمامك.

اخوي جوجوماجوجو: ما قصرت يا طويل العمر على الشرح المفصل ، وابشركم هونا عن البيعة والسبب الوالدة الله يحفظها ضاق خاطرها يوم جيت ابي ابيع السيارة تعرف "بدو" يعشقون هالمواتر

وانا شاكر لكم ومقدر ،،،، مع العلم اني استلمت الشيك بقيمة السيارة ولما رحت للبيت شفت الوالدة متكدر خاطرها قلت والله لأثني كلمتي علشان خاطرها وكلمت الرجال وتفهم الوضع.....

[أسد ساهر]

أنا خوي باع الموتر اللي شايفه في التوقيع ب 156500 ريال في معارض الشفا في الرياض
بس ماشي 12000كم Gx-r3 وهذا السعر قبل حوالي 3 أسابيع
والله يوفقك ياخوي
بالمناسبة وهذا اعتتقادي 2007 أفضل من اللي بعده

[أبو راكان]

الله يسمك ويبارك لك بها
طاعت امك تسوى السيارات كلها