[قـاصـد]

أولا السلام عليكم و يشرفني إنضمامي إليكم.

ثانيا بصراحة أنا ناوي أطلع لاند كروزر Gxr و بصراحة سمعت الكثير
عن صرفيته للبنزين فما أدري أيش رايكم بالنسبة لصرفية الجي أكس .

[احمد التويجري]

بالنسبة للصرفية ترى عادية ومعقولة وعى حسب دعستك للبنزين

[أيمن ملهي]

بالنسبه للبترول Gxr نوعاً ما صرافه للبترول وهو يعتمد على مشاويرك اذا كانت مشاويرك كثيرة أكيد باتصرف معاك واما اذا كانت مشاويرك قليله فهي باتصرف قليل وهكذا وأنا انصحك ب Gx-r لانه
أقل صرفيه من Vx-r وحضاً طيباً لك وربنا يعطيك خيرها ويبعد عنك شرها

[بومحظار]

السلام عليكم
اخوي قاصد اذا مشاويرك خطوط خذ قير اتوماتيك اما اذا داخليه قير عادي.....
القير العادي اقوى في الرمال والقومات اما الاتوماتيك فجيد للخطوط لأنه (الآر بي أم) في القير الاتوماتيك يظل منخفظ بالتالي تقل صرفية البنزين ..اذا فولت الخزانين وسقت سواقه هاديه يعني ما تدعس دعسات كامله وتسرع فوق 130 تكون الصرفيه جيدة ايمشيك تقريبا 550 كيلومتر

[المهــــلهــــل]

أخوي 550 تعتبر ولا شي وهو فيه خزانين بنزين ........ ولا انت وش رايك ؟؟؟

[أبو المثنى]

2006
2006
2006

[مظاوي]

نبغي نصيحتي خذ ال VXR صرفيته أقل بكثير من ال GXR هذا الشي مجرب وو هذا الشي منطقي تصميم وزن البودي ما يقارب 3500 كيلو جرام وتم تجهيزه بالكامل لعزم محرك ثمان اسطوانا فتكون كفائة وقدرة الثمانية سلندر ممتازه اما لما يكون المحرك من ست اسطوانات فإنه تحتاج دوس بنزين أكثر في قومة السياره و بهالطريقه تصرف أكثر والفرق بين الVXR رقم 2 والGXR رقم واحد تقريباً 15000 درهم يعني ولا شي جدام فرق المواصفات من الداخل الVXR رقم 2 يأتي بفتحه ودفوك وجير اوتوماتيك ومواصفات رهيبة. فأنصحك في ال VXR رقم 2 انا كان عندي GXR vrl رقم 1 وعانيت من البنزين في الفتره الأخيره بعد 4 سنوات من الإستخدام والحين عندي VXR رقم 1 2006 صرفيته ما شاء الله عليها ممتازه جداً

[عسكـــــريم]

انا مع اخوي مظاوي.....سمعت كثير من اللي يستخدمون الفيكسار يقولون انه اقل صرفيه من الجيكسار
واذا انت تحب الخفه والمطامر في البران خذ لك جي اكس
(((((((((((((((((ونصـــــيحــــــــتــــــــي لـــــــــــــــك))))))))))))))
لاتاخذ وارد عبداللطيف جميل... قلت ليش؟؟
انا اقولك:
1/الخطوط الجانبيه للخليجي افضل واكشخ من عبداللطيف جميل
2/جنوط (الرنقات) الجيكسار الخليجي اكشخ وافخم من وارد عبداللطيف جميل <-----جنوط صينيه
3/مواصفات الخليجي اوفر واكثر من وارد عبداللطيف جميل
4/وانتبه تاخذ الجيكسار الخاص بالسعوديه اللي كله لمبات لأنه ناعم وشكله قبيح

لكن الخليجي ارفع سعر شوي من وارد عبداللطيف جميل
ودام انك بتقط 150 الف على اللاند السعودي لاتردك 10 الاف عن اللي افخم منه ....لانك تبي تاخذ موتر تستعمله وتتطرب به

[قـاصـد]

يعطيكم ألف عافية عل ردود

لكن الشايب طلب لي gxr2 و أنا ما أدري قلت له ما قصرت و جزاك الله خير
وقالي طلب لون لؤلؤي


شباب قولو لي وش رايكم في الون الجديد الؤلؤي

[عسكـــــريم]

بصراحه لون محـــــــــــــــتـــرم

[قـاصـد]

والله المحترم انت يعطيك العافية حبيبي عل رد

[المهيري]

تبا نصيحت مجرب خذ Vxr احسلك انا مجرب السيارتين وال Vxr اقل صرفيه من ال Gxr بس الفرق مب وايد في الصرفيه واهم شي الراحه الي في ال Vxr ما بتحصل شراتها وانا بعت ال Gxr وخذتلي ال Vxr والحمدالله رب العالمين انا مرتاح الحين اكثر من قبل بوايد
وعن الون الي انته اخترته تراه لون فضيع وايد حلو ما شاءالله

[عسكـــــريم]

بس انا متحسف اذا كان الموتر اللي بتاخذه وارد عبداللطيف جميل
لأن خطوطه وجنوطه ماهي بحلوه زي الخليجي
ومبرووووك على الموتر مقدما