[ي&و&س&ف]

السلام عليكم ورحمه الله وبركاته
كيفكم شباب ان شاء الله بخير
انا مره وقفت عند محطه وشفت عنده علب سألت ابو رفق < متعوب عليها هههههههههه
قلتله وش هذه يقول هذا في نظف تانكي وينظف البخاخات ويعطيك عزم
في علبه موبيل 7 ريال < ماعندك احد
وفي علبه ثانيه سعرها 25 ريال المانيه وقريت العلبه والله كلام كثير تعطيك اداء افضل وتنظف وماتخلي السياره تصرف < ياخوفي انهم يفلتون ارانب علينا هههههههههههه
وقريت في موضوع بمنتدى ثاني يتكلمون عن الماده وواحد يقول صح انا جربتها وكان معي فورد ويتفتف وحطيت الماده وراحت التفتفه مدري اذا فيه احد جربها منكم يفيدنا ولاهنتم يالربع ويعطيكم العافيه
اسف ع الاطاله

[شيخ البانوراما]

.


هلا بك ي&و&س&ف

انا والله من طلعت على هالدنيا وانا اشوف هالبخاخات في المحطات ( خصوصاً التسهيلات )

وكل الناس كانت ما تمدحها وتقول انها تجمع لك الوساخه من التانكي وتحطها في بخاخات المكينه..

والله اعلم،،،


.

[أبوسعــد]

ماقد جربتها

لكن سألت كذا واحد يقول تعدم البخاخات...

[ي&و&س&ف]

مشكورين ياشباب على الردود ويمكن صح كلامكم والله اعلم

[المنسق]

أبعد وانا اخوك

[الهايم وهو نايم]

اتا جربتها باليوكن مرتين ولا شفت ذاك الفرق والا اثر على السيارة واي سؤال انا حاضر

[ي&و&س&ف]

المنسق + الهايم وهو نايم
مشكورين ودمتم سالمين

[ابوشادن]

السلام عليكم
كان فيه سائل اسمه اجيب الماني وكيله التسهيلات ممتاز جدا كانت معي اكورد فيه تفتفه وبعد استخدام
اجيب راحت . للاسف اجيب منقطع من 5 سنوات استخدمت غيره بس ما حصلت مثل اجيب
ملاحظه مهمه كل المناظفات المستخدمه عن طريق التانكي يجب صبها في التانكي وهو فاضي تقريبا ثم تعبي
الى الثلثين وتمسك خط بسرعه عاديه اهم شي خالص التانكي ولا تبقاء الماده في التانكي لانها تتحول الى
حاله صلبه داخل التانكي يعني يفضل اذا جيت بتسافر مسافه 600 كيلو او اكثر علشان تعبي تقريبا مرتين بنزيل
مو منظف

[أبوحمد]

أناأعرف منتج أصلي ويجي عليه علامة فورد المعروفه وهو معتمد من شركة فورد ,, هذاك اللي يمدحوه

ويجيك من شركة Stp أنا جربتها بس ما أحس أن في فرق ,, يمكن لأن موتري جديد !

[رعودي]

والله وانا اخوك كان معي مرسيدس ( 84 ) يتفتف بس يعطيك ونزلت فيه جده ولفيت الصناعية وكل واحد يقول لي تنظيف البخاخ و ب 250 اقل شي المهم اخوكم وقتها كان مطفر وتركتها ومريت من محطة الرحيلي وعبيت الموتر فل بنزين ذيك الايام البنزين
غالي 95 هلله ( 60 ريال ) وحطيت علبتين من ابو 10 ريال ومسكت الخط ولا وصلت الديرة الا والموتر ما شاء الله تبارك الله ولا احسن مهندس بس الكلام هذا من 7 سنوات والله يذكر ذيك الايام اه ه ه ه ه ه هههه

[أبوبلال]

والله انا مره جربتها بس ماسوت شيء وسمعت انها تضر بالسياره

[باهادي]

انا طنت استعملها في سيارتي القديمة بمعدل علبة موبيل كل شهر

الي ما يوم من الايام السيارة وديتها على الورشة

واكتشفت انو الكربريتر راح عليا من العلب هادي

فانت ممكن تستعملها

لكن حاول انك ما تكتر منها

يعني علبة كل سته شهور الى سنه بس

وتقبل مروري

[ابـو سـعـود]

اللي سمعت انها تضر السيارة خصوصاً علب غسيل المكينة اللي يحاولون عمال غيار الزيوت اقناعك بإستخدامها وهي على حسب كلام بعض الاخوان انها تدمر الربلات جوات المكينه

[ي&و&س&ف]

مشكورين الله يعطيكم العافيه اخواني