[خليفة احمد]

مرحبا اخواني...

ممكن حد من الامارات يفيدني..وين اقدر اركب ليتات زنون..وشاشة للكامري..

علما اني املك كامري 2007 جي ال اكس فول اوبشن...

والسموحة

[بنت الخران]

مرحبتين وسهلا اخوي

الله يسلمك بخصوص الزينه مدينه الشارقه معروفه بزينه السيارات الراقيه والحديثه بذالك

والكثير الكثير من الاشياء الجديده الموجوده فى السوق لكبر الحاجه اليه من التجار

والحينه خلنا فى الموضوع

بخصوص الزنون فيه موديلات مختلفه بأنواع والوان

فيه نوع اسمه بووش اصلى رخييص 350 درهم مع التركيب وفيه ضمان 5 سنوات على الجهاز والشمعه لا تشملها

وقيمه الشمعه فى حال الاحتراق 100 درهم

وموقع المحلات الله يسلمك دوار البريد المركزي الى الشارع المتجه الى مستشفى الزهراء والسينما بتحصل على يمينك ويسارك العديد العديد منها

وبزيدك من الشعر بيت

فى الصناعيه شارع البي ام دبليو الى فيه وكاله المستبيشي بجانب اشاره المرور الثانيه المتجه الى الصناعيه بتحصل على محلات كثيره

اختار ولا تحتار

والشي الاخير هناك العديد من ماركات محلات الزينه وارتفاع اسعارها مثل الكابري

وبخصوص الشاشات بنفس المكان بالظبط يبعون ويركبون الشاشات مع الاضافات الاخرى للسياره


والسموحه على القصور

[طيار ومهندس]

مرحبا أخوي خليفة أحمد ،،

ماشاء الله عليج بنت الخران صراحة ما عليج زود .

أما بالنسبة لي فأقولك ،

توكل على الله وسير عند ( صوت الإمارات ) بالشارقة .

مكانهم مقابل نادي الكركت ، ورا بناية الياسمين ، الصناعية .

أكيد دليتهم

المهم سير هناك وإسأل عن ( نسيم ) واحد باكستاني ، ترى شغلهم ماشاء الله ممتاز .

بس أتأكد إن نسيم موجود أول ، هو صاحب المحل وهو ماشاء الله يعرف عدل في هاي السوالف .

أما لو بغيت محلات ،،، فمثل ما ذكرت بنت الخران

لا تنسى تسأل عن الضمان ، وبالنسبة للزينون لاتركب الرخيص لأن إنارته تؤذي الناس والله ،

بعدين بيسيرون بيدعون عليك

وحاول ما تستعجل ، إسأل أكثر من مكان وبعدين قرر

بالتوفيق ،،،،،،،،،،،،

[غزوان]

واخيرا لقيت الوصف شكرا لكم مع اني مو انا كاتب الموضوع من بعد اذن صاحب الموضوع

كم سعر الشاشه بهل محلات تقريبا ؟؟وفي حد يعرف مواصفاتها؟