شفروليه ماليبو 2013 Malibu ~ راحت عليك يالكابرس

[فيصل السعدون]

السلام عليكم

اعلنت شركة جنرال موتورز أمس الأثنين عن سيارتها الجديدة شفروليه ماليبو 2013 بحلتها الجديدة

السيارة تطورت للأفضل وانا شخصياً تفاجأت من روعة التصميم لأول مرة اشوف تصميم لسيارة من شفروليه متميز من جميع النواحي سواء الشكل الخارجي الأمام والخلف أو في الشكل الداخلي

طبعاً الماليبو تتوفر بمحرك l4 و V6

محرك الـ l4 سيتوفر بـ سعة 2.5 لتر بقوة 190 حصان وناقل حركة سداسي

محرك الـ V6 مافيه معلومات عنه إلى الآن

أبرز التغييرات في الشكل الخارجي واجهة السيارة أكثر هيبة وتناسق
خلفية السيارة بأنوار LED ومقاربة في الشكل لـ شفروليه كامارو

التصميم الداخلي مع تعدد الألوان لكن أقل مايقال عنه أنه متميز بكافة تفاصيله

تتوفر بـ دخول ذكي وتشغيل بـ ضغطة

و جنوط مقاسات 17 و 18 و 19

أترككم مع الصور

[SiLvEr WoLf]

متأكد انه هذا الموديل الجديد ؟؟

بصراحة مرة ما عجبتني , و كل واحد و ذوقه !!

خلفيتها احسها كمارو صغيرة !!

و يعطيك العافية يالغالي على الموضوع و جاري التقييم

[فيصل السعدون]

المشاركة الأصلية كتبت بواسطة SiLvEr WoLf

متأكد انه هذا الموديل الجديد ؟؟

بصراحة مرة ما عجبتني , و كل واحد و ذوقه !!

خلفيتها احسها كمارو صغيرة !!

و يعطيك العافية يالغالي على الموضوع و جاري التقييم

الله يعافيك ياغالي مع أني بصراحة أعجبني شكلها كثير

هذا مصدر للتأكد

من موقع GM

General Motors | Investor Information and News | GM.com

لاحظ التاريخ أعلى الصحفة يوم الأثنين 18 ابريل 2011 اللي هو أمس

وفيه كلمة interior اضغط عليها بيطلع لك مقطع الفيديو الدعاية لها

[iFord]

ماراحت ع الكابرس بالعكس مكينتها وشكلها ولا شي مع الكابرس

ويعني في تقدم يالشيفي

الماليبو من يوم ماطلعت وهي غبيه بشكلها بس الحين تعدل شكلها شوي

ولاهنت اخوي

[SiLvEr WoLf]

3 اشياء لو تتعدل تطلع السيارة تمام :

1- خلفية السيارة

2- الالوان الداخلية , بصراحة احس مافي تناسق ابداً !!

3- الطبلون , ( عداد البنزين و الحرارة شكله سيء )

هذي الاشياء الي ما عجبتني ..

[فيصل السعدون]

المشاركة الأصلية كتبت بواسطة فكتوري صميم

ماراحت ع الكابرس بالعكس مكينتها وشكلها ولا شي مع الكابرس

ويعني في تقدم يالشيفي

الماليبو من يوم ماطلعت وهي غبيه بشكلها بس الحين تعدل شكلها شوي

ولاهنت اخوي

صحيح محرك الـ l4 ضعيف

لكن بالنسبة لي على هالتصميم والشكل لو نزلت عندنا بمحرك V6 أفضلها عالكابرس LS

اتمنى تنزل بكل مواصفاتها

المشاركة الأصلية كتبت بواسطة SiLvEr WoLf

3 اشياء لو تتعدل تطلع السيارة تمام :

1- خلفية السيارة

2- الالوان الداخلية , بصراحة احس مافي تناسق ابداً !!

3- الطبلون , ( عداد البنزين و الحرارة شكله سيء )

هذي الاشياء الي ما عجبتني ..

منور الموضوع ياغالي وكل واحد وذوقه

[واحد من الشعب]

السلام عليكم

تسلم يدينك مشرفنا فيصل


بتكلم عن الشكل القديم

حلوه ولكن الجوده الداخليه لــ المقصوره اعتبرها اقل من جيده


والموديل الجديد حلو ولكن وجهية الموتر وخاصه الانوار الاماميه شكلها مثل الابيكا

واحس فيها لمسه من القبح


.
.


حفظك ربي مشرفنا وتسلم على هالخبر الحلو جعل دنياك محلوه ياكريم

[نواف التميمي]

والله انها طالعه حلوووه من الداخل ومن الخارج

[الراقي~]

من قدام تشبه بيوك لاكروس..

[عاشق سيفيك]

مشاء الله تبارك الله

السياره حلووه سواء الجيل الحالي او القادم

تسلم يدينك مشرفنا ولا تحرمنا جديدك.

[h.m.m.s]

الصور الدعائية مو واضحة....

[كارنس]

موضوع جميل منك يا فيصل والسيااره رووعه

والخلفيه تشبته للكوماروا والطبلون اتوقع برضوا نفس حق الكوماروا


ولاتحرمنا هيك مواضيع رووعه يالغلاا