[هـ د ب]

الحمد لله من قبل ومن بعد..


راجعت موظف الشركة قبل أمس لسؤاله عن موعد حجزي وماذا جري به فقال انت طالب قبل اربع اشهر انتظر غيرك انتظر اكثر من سبع اشهر؟

وفجأة لمحت واحد اعرفه بالمبيعات رحت له وقلت له انا موضوعي كذا (( والله كأننا بوزارة )) وفتش عنده بالجهاز ولقي افالون اسود منن الداخل بيج وانا الي طالبع لؤلؤي قلت له مافيه لؤلؤي قال والله ما عندي غير الاسود والرمادي


قلت له تم على الاسود وبدأ الأجرائات وباذن الله اكملها يوم السبت القادم..



ودي استفيد منكم وبخاصه الاخ البرفسور عن كل شي يجي مع السيارة كل عدتها واي شي ممكن يفيدني قبل ما استلمها واوقع على اوراق الاستلام..


وللجميع التحية

[نصورافالون]

الف مبروك يا عزيزي ويعطيك الله خيرها ويكفيك شرها ,,,,
بالنسبةلي اللي اعرفه انك تتاكد من غسيل السياره مظبوط وتشحيمها (انا طبعا ما تاكدت بس سمعت )
وبرضه صندوووق العده اللي بالشنطه وطقم الفرشات وكتاب الضمان لازم يكون موجود ومختم ،،،،
واتمنى الشباب بعد يكتبون لو نسيت شي مهم
ومره ثانيه الف الف الف مبروك ،،،

[الأمازون]

عزيزي هـ د ب
مبروك عليك السيارة ان شاء الله

وترى اللون الأسود ملكي (حلو)

[هـ د ب]

نصور & الأمازون

الله يبارك فيكم ويعطيكم الف عافية..


بس يا جماعة ابي احد يفيدني بكل شي يجي مع السيارة قبل ما اوقع على الورق.

وانا مع الموظف بتويوتا سمعت واحد يتكلم مع موظف ثاني يقول له فيه اشياء كثير ما جات مع السيارة ورد عليه الموظف انت موقع انك مستلم كل شي؟؟


اليوم الجمعة وبكرة السبت وانا بانتظر احد يفيدني


وللجميع التحية

[البروفسيور]

المشاركة الأصلية كتبت بواسطة نصورافالون

الف مبروك يا عزيزي ويعطيك الله خيرها ويكفيك شرها ,,,,

بالنسبةلي اللي اعرفه انك تتاكد من غسيل السياره مظبوط وتشحيمها (انا طبعا ما تاكدت بس سمعت )
وبرضه صندوووق العده اللي بالشنطه وطقم الفرشات وكتاب الضمان لازم يكون موجود ومختم ،،،،
واتمنى الشباب بعد يكتبون لو نسيت شي مهم
ومره ثانيه الف الف الف مبروك ،،،

والله اني احاول اتذكر الان بس ناسي ابااشوفها لك بكرة انشاء الله وكلام اخوي نصور افالون صحيح بس انا والله استلمت السيارة وماشيكت بس اذكر ان فيها طفاية حريق وفرشات ارضية فخمة وعدة البنشر والكفر الاحتياطي. لا وازيدك من الشعر بيت على احتقار ابوجميل لزباينه الي سلمني السيارة في فرع الحمراء بالرياض السكيورتي حق الفرع بس مااعرف ليه بس انا ابي استلم واحط رجلي بس الولد فاهم في السيارات
بس انشاء الله بكرة اتاكد لك بالضبط وارد لك

[هـ د ب]

سريـع يـا البـروفسـور بـكـرة الـصـبـاح ابي أكمـل الاوراق وما ادري كم يوم ياخذون الى ما يسلمون السيارة


بس اكيد ما بتاخذ يومين


منتظرك يالبرفسور

[الأمازون]

قلبك أبيض
ممكن تاخذ اسبوع وانا اخوك
(هاذي افالون .... مو اي شي)
وشكرا

[البروفسيور]

المشاركة الأصلية كتبت بواسطة الأمازون

قلبك أبيض
ممكن تاخذ اسبوع وانا اخوك
(هاذي افالون .... مو اي شي)
وشكرا

انا من يوم بلغوني ودفعت الفلوس اخذت حوالي اسبوع فعلا علشان حضرتهم يركبون التضليل والبلوتوث ويخلصون الاستمارة وتجي السيارة للفرع - الحمراء بالرياض - من منطقة الترانزيت حسب قول المندوب المبيعات
لكن ابشر انشاء الله بكرة اعطيك العلم وصباحا انشاء الله

[البروفسيور]

الاخ الكريم هـ.د.ب السيارة تحتوي على الاتي:
1) عدة البنشر كفر احتياطي وعفريتة
2) شنطة جلدية سوداء فيها مفكات وعدة السيارة
2)طفاية حريق
4) سنطة كتوب عايها اكسسوارات تويوتا وتحتوي على مثلث الخطر حق تعطل السيارة
5) فرشات ارضية فخمة
6)كتالوج السيارة ودفتر الضمان تاكد انه مختوم

[البروفسيور]

مثل ماوعدتك من الصباح دعواتك لي وتحياتي لك

[أبومصطفى]

أعتقد ان عملية التسليم تتم في اقل من أسبوع (تعتمد على تركيب الاكسسوارات)
بالنسبة لي سلمت المبلغ يوم الثلاثاء ووصلت السيارة الى الفرع مساء الخميس وسف أستلم السيارة مساء هذا اليوم (السبت) وذلك بعد غسيل السيارة وتركيب التظليلة

[هـ د ب]

الحمد لله اليوم الصباح رحت الشركة وخلصت كامل الاوراق

وبكرة باخذ البطاقه الجمركية اطلع اللوحه وعلى قول الموظف السيارة يوم الثلاثاء تكون تحت يدي باذن الله


ويعطيك العافيه يالبرفسووور ولك من شارك بالموضووع

[وايت ليون]

المشاركة الأصلية كتبت بواسطة البروفسيور

الاخ الكريم هـ.د.ب السيارة تحتوي على الاتي:
1) عدة البنشر كفر احتياطي وعفريتة
2) شنطة جلدية سوداء فيها مفكات وعدة السيارة
2)طفاية حريق
4) سنطة كتوب عايها اكسسوارات تويوتا وتحتوي على مثلث الخطر حق تعطل السيارة
5) فرشات ارضية فخمة
6)كتالوج السيارة ودفتر الضمان تاكد انه مختوم

1) جميع هزة الاشياء تاتي مع السيارة عندنا في البحرين ولكن العفريتة مافهمت شو يعني

2) تاتي ايضا مع السيارة

3) لايوجد ولكن اذا تبي اشترها من عند الوكيل

4) لايوجد ولكن اذا تبي اشترها من عند الوكيل

5) لايوجد ولكن اذا تبي اشترها من عند الوكيل

6) موجود

والله انتو يا السعوديين مرتاحين

في البحيرن وكلائنا حرامية ونصابين

والف مبروك عليك السيارة

يعطيك خيرها ويكفيك شرها

شكرا

[البروفسيور]

الاخ وايت ليون العرفيتة هي العدة الي تشبكها بالسيارة وترفع بها السيارة وقت البنشر هذا اسم دارج في السعودية
اما جميع ماذكرت فياتي من ضمن السيارة واعانكم الله على وكليكم في البحرين.

[الأمازون]

يا شباب ,
ترى الإكسسوارات اللي تجي مع السيارة مثل (المثلث و الطفاية و واحيانا علبة اسعافات و منفاخ كفرات)
هاذي كلها من قسم اكسسوارات عبدالطيف جميل, يضيفها و يضيف سعرها علي السيارة,
يعني نفس فكرة التظليل و البلوتوث.
(( الله يستر : بكرة يحط مع كل سيارة سواق , ويضيف سعرو علي السيارة ))

وشكرا

[احمد باطيب]

الله يباركلك فيها ويعطيك خيرها ويكفيك شرهااااااااااااااااااااا

[هـ د ب]

يعطيكم الف عافيه ويجزاكم الله كل خير..



باذن الله بكرة نطلع على حسب قول الموظف اليوم الحمد لله خلت لوحاتها وبالعصر باراجع الشركة واعطيهم اللوحات


وللجميع التحية