[صلوووح]

الي عنده صورة الهايلكس ينزلها

[أبوحمد]

إحنا ما ننزل الا المميز أخوي صلوووح

والخليجي هذا ماعليه أثر التميز ,, حتى كشافات ضباب ماعليه !!

وبعدين لا تنسى أكثر حضور للمنتدى من طبقة الشباب الراقي والهنود والفلبن قاعدين بشركاتهم والخليجي يخصهم وما يخصنا







عاد أمزح يالغالي ..

[أسد ساهر]

صباح الخير يابوحمد
هدي اعصابك ريلاكس
شوي شوي على الرجال
ترى الهايلكس لفئة الاستخدام العملي وليس للمنظرة يعني للتحميل والكرف
فلا يعيب الخليجي أنه موجه فعليا لهذه الفئة
وتحياتي لكم

[أبوحمد]

هلا والله بحبيب قلبي أسد ســــاهر

بس للعلم ماحد من الشباب يحمل الهايلكس كل يوم ,,,, ونادرا موضوع التحميل

وبالنسبة للشباب يعجبهم تكون مواترهم بشكل عام نظره ورزه وهذا الشي ينطبق على الهايلكس السعودي لأنه منظر وقوة تحمل بنفس الوقت

عكس الخليجي اللي هو بس للشركات والتحميل وما عليه اي اثر للتحسينات !!

تخيل ولد نعمه وهو راكب هايلكس سعودي وطاق الكوبرا أكيد لا يق عليه ومافي اي اشكال ..
وبنفس الوقت تخيل هنود والا اي عماله طالعين بنفس الهايلكس السابق ,, أكيد نشاز

والعكس صحيح تخيل السعودي طالع على هايلكس خليجي أكيد بتقول هذا موظف تبع الماء والا الكهرباء
بس لو الهنود راكبين عليه !!!! أبد أكيد مهندسين تبع الكهرباء والصرف الصحي بعد ..

خخخخخخخخخخ,, أكيد طولت عليك يا أسد عاد السموحه منك ومن القراء ..

[أسد ساهر]

عزيز وغالي يابوحمد
وفعلا كلامك صحيح
لكن توضيح فقط عندنا في السعودية يشخصون الشباب بالهايلكس
في كل دول الخليج وفي العالم الهايلكس سيارة أعمال وحمل
سيارات الاستخدام الشخصي هي سيارات السيدان سيارات البك أب سيارات عملية
ومعليش من التعبير سيارات الهايلكس حمار كرف
وبعض الناس يسميها ستر للبيت فهي تجيب الأغراض وتوصل العيال وأن انزنق الواحد تقدر تكد عليها او شيك في الجيب
فهي أفضل سيارة لذوي الدخل المحدود

[أبوحمد]

المشاركة الأصلية كتبت بواسطة أسد ساهر

عزيز وغالي يابوحمد
وفعلا كلامك صحيح
لكن توضيح فقط عندنا في السعودية يشخصون الشباب بالهايلكس
في كل دول الخليج وفي العالم الهايلكس سيارة أعمال وحمل
سيارات الاستخدام الشخصي هي سيارات السيدان سيارات البك أب سيارات عملية
ومعليش من التعبير سيارات الهايلكس حمار كرف
وبعض الناس يسميها ستر للبيت فهي تجيب الأغراض وتوصل العيال وأن انزنق الواحد تقدر تكد عليها او شيك في الجيب
فهي أفضل سيارة لذوي الدخل المحدود

صح لسانك والله

والجملة الحمراء جبتها قويه بس لا تكون قد جربت وكديت عليها تراني شايف 2005 بتوقيعك مكروفه كرف ,,,,,

وتسلم على مرورك وتعليقك والله لا يحرمنا منك ..

[أسد ساهر]

صح بدنك يالغالي
لا ذي سيارة الوالد يحفظه الله وتصدق ماشية إلى الان 24000 كم
وتصدق الوالد معاه سيارة من عام 80 إلى الان وزي الجديدة كله من المحافظة
مو زينا أنا سيارتي ماشية 21000 كم موديل 2006
والله يعطيك العافية وشرفني ردك

[أبوحمد]

تسلم والله يا أسد ساهر على الرد الطيب

ما شاء الله ما شاء الله

الله يخليلكم الوالد ويبارك له بمواتره وما يشوف شر ..

[عدي وخل التحدي]

السلام عليكم يالربع ممكن ادخل عرض ...؟

كأنكم طنشتوا للرجال وبعدين طلبكم طلبة تردونه بكلام ماله داعي الصراحه مع احترامي لك يابو حمد

أنا اتفق معاك في أن الهيلكس السعودي أفضل من الخليجي بالمواصفات بس مش معناتها ان الخليجي يستعملونه الهنود والفلبن بس يابو حمد الله يهداك بس. ماصنعوا الخليجي للهنود والعمال والشركات وفقط ... عندك الهيلكس الديزل صحيح ممكن نقول للشركات والعمال وعندك الـ 2000 سي سي نقدر نقول ... بس مب معناتها الهيلكس الخليجي عامة يستعملونها العمال ...... مع احترامي لك يابوحمد خرتها شوي وكلام ماله داعي ومع ذلك أنا من جهتي مسامحك ولكن هل اللي يستعملون الخليجي كلهم بيسامحونك بغض النظر للعمال ..... !!؟؟

[أبوحمد]

حقك علي يا عدي وخل التحدي

وأنا يالغالي ما قصدت أحد بس الرجال حدد طلبه بصور خليجية للبازعي يعني في السعودية فحبيت أوضح له ان مواصفات السعودي أصرف من اللي يجيبها البازعي ,,

وأبدا أبدا ما قصدت صاحب الموضوع ولا أخواني بالخليج بأي سوء ولو يطقون على قولتك 2000 سي سي يكفي أن الموتر 2008 وما يمدي لا الهنود والفلبن يجيبونه ..

ومره ثانيه حقك علي يالغالي وأمسحها بوجهي واللي تامر عليه أخوك حاظر ..

[عدي وخل التحدي]

ياخوي كلنا أخوان وكلنا نحب مصلحة المنتدى ونحب المصلحة للأعضاء من غير استثناء وعلى راسي يا بو حمد انت كبيرنا في هالمنتدى ومانبي الا الافاده والاستفاده منك طوللي عمرك بحكم أنك راعي خبرة في مجال الهاي لوكس

وانت بالعكس محترم والأعضاء شاهدين لك واللي يدريك ردودهم عليك المحترمة وانت تستاهل كل خير


ماأقول الا ماصار الا الخير وجعلك دوم بخير




تحياتي

[أبوحمد]

جزاك الله خير يا ( عدي وخل التحدي ) وهذا من طيب أصلك يخوي والله لا يحرمنا منك ومن أنتقادك البناء ..

[طاره المستقبل]

السلام عليكم ورحمه الله \انا اخوكم عاشق التويوتا انا العضو الجديد اهلن