[ولد السفير]

السلام عليكم ورحمة الله وبركاته


ياشباب الحمد لله انا استلمت الافالون 2008

بس عندي مشكله غريبة في الحساسات الامامية ( ما ادري اذا هي مشكله او لا )

لما السيارة تقرب من اي شي ( في الامام ) .. تعطيني اشارة نغمة وحده وبس .. ولازم تكون مسافتي من الجسم مرة قريبة عشان الاشارة تطلع ويعطيني تحذير ..

صديقي عنده افالون 2007 .. الاشارة ( النغمه ) تكون مستمرة وكل ما قرب من الجسم تكون التغمة اقوى ..

هل اللي عندهم 2008 عندهم نفس المشكله .. او مثل 2007 ..؟؟

على فكرة انا راجعت الوكالة على هذا الموضوع وما افادوني بشي ... قالوا ( احتماااااال نظام الحساسات اختلف)


شي ثاني اللوحة الامامية ركبوها بدون القاعدة على الصدام مباشرة ..بسبب نظام اللوائح الجديدة ..؟؟؟ فهل حصل معاكم هذا الشي ؟؟



ومشكورين

[حمدان المطيري]

الحساسات يا خوي انا عندي شغاله ميه الميه

بس انصحك توديها للوكاله واوقف فوق روسهم الين يصلحونها لك


اما اللوحه فانا مثلك ركبوها بدون القاعده ليش مدري

[النمر الاتحادي]

بالنسبة للوحات ...
ترى اللوحات الجديدة لازم تتركب بدون قاعدة ( في أفالون أو غيرها )
أما الحساسات ... أعتقد انو نظام الحساسات هو شاشة صغيرة في الطبلون ... وكل ما اقترب شي يزيد النور اللي في الشاشة ... إلين يقرب مرة ( يعطي اللون أحمر ) يطلع صوت ( تيت )
بس الصوت المتقطع في الاقتراب هو في الحساسات الخلفية بس

تحياتي

[السهم الاسود]

المشاركة الأصلية كتبت بواسطة النمر الاتحادي

بالنسبة للوحات ...
ترى اللوحات الجديدة لازم تتركب بدون قاعدة ( في أفالون أو غيرها )
أما الحساسات ... أعتقد انو نظام الحساسات هو شاشة صغيرة في الطبلون ... وكل ما اقترب شي يزيد النور اللي في الشاشة ... إلين يقرب مرة ( يعطي اللون أحمر ) يطلع صوت ( تيت )
بس الصوت المتقطع في الاقتراب هو في الحساسات الخلفية بس

تحياتي

اسمحلي اخوي الصوت المتقطع موجود في الحساسات الخلفيه والاماميه نفس الشي
الظاهر ان صاحب الموضوع عنده خلل في الحساسات والله اعلم

[شمعة بلا فتيل]

انا بالنسبه لي الحساسات الاماميه نفس الشيء وورحت الوكاله وقالوا لي فيها خلل راح نسوي لك صيانه اذا جبتها بالصيانه الدوريه...

اما اللوحه انا الحمدلله ركبتها بالقاعده عند الوكاله ..بالاول قالوا لي لا ماينفع بس زنيت على راسهم لين ركبوها ...وطلع شكلها اوكي وبرضو فيه كم افالون اشوفها 2008 مركبين القواعد...انا جلست عند الوكاله ساعه الا ربع علشان اللوحات..

[خالد خلودي]

انا عندي افالون 2008 نفس المشكلة الحساسات الامامية اذا قربت من شي تطلع نغمة وحده والباقي تشتغل انوار ولا زم يكون الشي اللي قدامي مرتفع بالعربي ماتشتغل الا اذا مر قدام السيارة رجال او كنت قدام جدار يعطيني نغمه وحده بس ويسكت
بالنسبة للقاعده حقت اللوحات نفس الشي قالو لي قالو فيه كم واحد ركبها وطاحت علشان كذا مانركبها

بس انا ركبتها

[مبتكر]

الا من وين نجيب القاعد حقت اللوحات ؟؟

[ملك الغوص]

الصراحه الحساسات لازم تكون بالتدريج
ممكن عندك خلل وراجع دليل المالك لانه في مدى معين لكل نقطه من الحساسات فتاكد الاماكن التي تغطيها من الدليل
مثال في التويوتا اوريون من الامام الحساسات لا تغطي الا الزوايه بمدى معين
ومن الخلف كامل الدعامية.
والتحذير تدريجي ولكن احذر اذا كان في شي منخفض بعض الاحيان يخونك السنسر

[التايغر]

هلا اخوي ولد السفير

شكل والله العالم ان نظام الحساسات تغير في الموديل الجديد 2008 وممكن في الدفعات الاخيره من 2007

لانه انا اللي فهتمه انه الحساسات الامامية بدون شاشة في الامام فقط صوت !

لذلك الافضل توقف فوق روسهم الين يشوفون وش الخلل..!

واما في الموديلات السابقة فهي مثل الكامري شاشة صغيره في الامام وفيها الوان واذا اقترب كثير صارت حمراء وطلع الصوت ... <---2006

وتقبل تحياتي ...

[منتهي]

هلا اخوي

فيه عندك قطعه قداام عالطبلوون كل ما قربت من الجسم تولع اكثر واكثر

[الـــقـــرنــي]

والله يا اخوي

نا عندي افالون 2007 ولا يطلع صوت ولا شي الا في حال طلع في الشاشة الون الاحمر يطلعلي صوت فقط واعتقد كذا افظل فاضين حنا ازعاج والله تقول انك راكب ........ علشان محد يزعل

فا خلك على وضعك الي انت فيها ازين

[تميمي وافتخر]

حبيبي الحساسات مثل ما انت عارف مو شد بلد انا سيارتي 2006 اخذتها اواخر 2007 ومن يوم ما اخذتها وانا حالتي حالة مع احساسات اشتكيت منها في صيانة 5000 ولا زبطت واشتكيت منها في صيانة 10000 وصلحوها نوعا ما مشكلتي معها ازعاج وصوت يطول الان بعد التصليح ما اشغل الحساس الامامي الا اذا جيت اوقف لانه مزعج مع الهواء والسرعة يصفر وعلى كلام الصيانة هذا طبيعي !!